بصي هو اولا كدا مفيش صداقه بتدوم غير نادرا ده كدا كدا ثانيا هل هما اتعاملوا معاكي بطريقه وحشه مثلا او عموما لو في حاجه مضيقاكي فيهم روحي وواجهيهم الاول بس عشان مش عاؤفه تفاصيل فا مش هعرف افسر كويس بس عموما لو خلاص عاوزه تسبيهم ابعدي عنهم من غير اي حاجه وخلاص
بصي هقولك أنا ببقى قاعدة في البيت لفترات طويلة من غير ما اخرج عشان مش بحب اخرج كتير عادي يعني بس احيانا ببقى زهقانه فبكلمهم و نتفق و ننزل و يعتبر مش بخرج غير معاهم هم بس و واحدة تانيه زميلتي و ببقى مخططه للخروجه معاهم و قبل ما انزل ببقى مبسوطه و كله تمام اول ما انزل معاهم بالتدريج بحس اني عاوزة أروح و اني مضايقة أو مش مرتاحه معاهم في اني اتكلم أو أشارك اي حاجه عني و لما بروح بحس بالتعب كأني عملت مجهود و كمان بحس بالضيق أو بدخل في جو زعل و اكتئاب كده لمدة كام يوم و بعدها برجع طبيعي ده غير بقى ان في الخروجه لازم صوتهم يبقى عالي و ده شيء مش بحبه و كمان بيتكلموا في مواضيع مينفعش أبدا تتقال بصوت عالي و بيهزروا هزار مينفعش يتقال بصوت عالي و كنت بقولهم يوطوا صوتهم دايما و آخر خروجه اتخانقت معاهم على موضوع الصوت ده و في الآخر طلعوني انا الغلطانه اني مفسدة الخروجات و واحدة منهم مكانتش بتتكلم بصوت عالي اوي و معنديش معاها مشكله يعني قالتلي إنهم قالوا مش عاوزين يكملوا الخروجه عشان اضايقوا ان كل شوية اقولهم وطوا صوتكم و بقيت بجد مش برتاح معاهم نهائي مش بسبب الخناقة دي لا بالعكس متعتبرش خناقة اوي لأننا بس اتكلمنا و اتأسفتلهم و خلاص لكن مبقتش مرتاحه معاهم خالص و كمان يعتبر مش قريبين يعني هم مجرد صحاب خروجات و هزار و ضحك مش اكتر و مش مستعده اني افضل في صداقة مش مريحاني عشان بس معرفش غيرهم لان عادي يعني اعرف ناس تانيين هيروحوا معايا نفس الكلية و الجامعه و اتعرفت على بنات اونلاين هيدرسوا معايا في نفس الكلية و الجامعه فمبقتش مقتصرة عليهم بس مش عارفة اجيبها اذاي أو أعمل إيه عشان إطلع من العلاقة دي من غير ما اضايقهم أو اضايق نفسي يعني عاوزة اسحب نفسي كده و لا كأن كان ليا وجود.... آسفة على الكلام الكتير ده 🥲
تم النشر الاثنين، ٢٣ سبتمبر ٢٠٢٤
لعرض الإجابة في فدني اضغط هنا