سلام عليكم
انا بعاني كتير اوي من العاده السريه حاولت ابطلها كتير
كنت بطلتها من قبل رمضان عديت رمضان و العيد من غير ما اعملها بي في لحظة ضعف مقدرتش و عملتها
كل مره بعملها لازم احس بالذنب بعدها و لازم يحصل معايا مشكله كبيره ليا سواء في شغلي أو في البيت او في صحتي
بعتذر جدا عن الموضوع دا بس مش ب ايدي
وعليكم السلام ورحمة الله وبركاته اول حاجة لازم تبقى عندك يقين ومؤمنة انها حرام وتخوفى نفسك من انك تعمليها لأن حلها الوحيد انك تخافى تعالي ناخدها واحدة واحدة هي بقي حرام لعدة اسباب منها: -» انها ليها اضرار نفسية وجسدية وجنسية وصحية وكمان عقلية يعني هي كدا باب من ابواب التهلكة وسيدنا النبي صلى الله عليه وسلم قال ( لا ترمو بأنفسكم في التهلكة ) واظن مفيش اكتر من كدة تهلكة -» حضرتك دلوقتي علشان تعملى الفعل المشين دا لازم تستحضرى حاجة تعلي بيها شهوتك يعني هتجيب موبايلك اللذيذ وتفتحى موضع من اياهم وتتفرجى علي فيديو يدمر عقلك ويبوظ طريقة تفكيرك ودا في حد ذاته تهلكه وكمان حرام لان من تقوي الله عز وجل غض النظر وبكدا حضرتك بتطلقى النظر في غير محله ودا ذنب كبير ودا كمان استغلال لنعم الله اللي هي النظر والموبايل في معصية الله يعني ربنا مديكى نعمة وانتى بتعصيه بيها ودا ذنب تاني -» حضرتك معدتش عليكى معلومة ان سيدنا النبي صلي الله عليه وسلم قال ان في ناس هتيجي يوم القيامة معاها جبااااال من الحسنات وربنا هيقول للجبال دي كوني هبائاً منثورا مع ان الناس دي كانت بتصلي وبتصوم وبتزكي وبتتصدق كمان ولما الصحابة سئلو سيدنا النبي طيب ليه ربنا هيمحو كل الحسنات دي عارفه كان رده ايه كان رده ان الناس دي ( كلما خلو بمحارم الله انتهكوها ) ودا اللي حضرتك بتعمليه وانتى بتمارسى العادة بتدخلى مكان فيه خلوة علشان تنتهكى حرمات الله -»طيب معداش علي حضرتك حديث النبي صلى الله عليه وسلم ( من يضمن ليه ما بين لحييه وما بين فخذيه واضمن له الحنة ) يعني حضرتك لو مصونتش ما بين لحييك ( لسانك ) وما بين فخذيك ( فرجك ) مش هتبقي مضمونة بالنسبالك الجنة -» حضرتك لما بتيجي تعملى العادة المنيلة بتدخلى في اكتر مكان متأكد ان مفيش بشر هيشوفك فيه ودا طبيعي بس في حاجة غايبة عن حضرتك انا ربنا قال في كتابه العزيز ( يستخفون من الناس ولا يتخفون من الله وهو معهم ) يعني حضرتك هنا بتجعل ربنا عز وجل اهون الناظرين ليكى ودا ذنب خطير جدا جدا جدا وذنب يصل لدرجة الشرك لانك بكده بتثبت لنفسك ان خوفك من الناس اقوي من خوفك من ربنا . وبالنسبة لعلاجها فهو دينى و جزء سلوكي ولكن لا يغير الله ما يقوم حتي يغيرو ما بأنفسهم يعني زي ما في جانب نفسي وسلوكي برضو في جانب اكبر وهو الجانب الديني ولازم انا وانت واي حد يكون علي يقين انه مش هيقدر يتغير أو يتقدم أو يتعافي غير لو ربنا اراد دا مش هتقدر تمشي خطوة واحدة لقدام او ترجعها غير لو ربنا اعانك علي دا أما على الجانب السلوكى ف فى تطبيق اسمه واعى عليه كل حاجة عن طرق علاجها وايه اللى بيؤدى ليها وكل حاجة خاصة بيها ابحثى على التطبيق وشوفيه هدانا الله وإياكى وردك إلى أفضل مما كنتى علية
تم النشر الأحد، ٥ أبريل ٢٠٢٦
وعليكم السلام ورحمة الله وبركاته يا عزيزتي، أشكركِ على ثقتكِ وشجاعتكِ في مشاركة هذا، مش أنتِ لوحدكِ في اللي بتعيشيه، وده مش نهاية الطريق. اللي عملتيه في رمضان والعيد إنجاز كبير يثبت إنكِ قادرة، والضعف لحظي، والتوبة مفتاح كل حاجة. الشعور بالذنب طبيعي، بس خليه دافع للتقوية مش لليأس – الله غفور رحيم، وكل مرة تقومي فيها أقوى. خطوات عملية للتخلص نهائيًا (بتوكل على الله): التوبة الصادقة فورًا : بعد كل سقوط، قولي "أستغفر الله العظيم وأتوب إليه" 100 مرة، وصلي ركعتين توبة. ابدئي صفحة جديدة كل يوم. قوي الروابط الروحية : صلي النوافل يوميًا (قيام الليل، الضحى). اقرئي قرآن يوميًا (سورة النور خاصة مفيدة). صومي الاثنين والخميس، يقوي الإرادة ويبعد الشيطان. غيري بيئتكِ : تجنبي الوحدة في الغرفة ليلاً، أو الجلوس على السرير بدون سبب. احذفي أي تطبيقات أو صور مثيرة، واستبدليها بقنوات إسلامية أو تعليمية. املئي يومكِ: رياضة يومية (مشي سريع 30 دقيقة)، هواية زي الطبخ أو الرسم، أو دراسة شيء جديد. روتين يومي صارم : اجعلي جدولًا من الفجر للنوم، مع أذكار الصباح والمساء (من حصن المسلم). الشيطان يهجم في الفراغ، فاملئيه طاعة. دعاء قوي : "اللهم إني أعوذ بك من شر نفسي ومن شر الشيطان وشركه، وأسألكِ العفة والتقوى". المشاكل اللي بتحصل بعد كده ممكن تكون تذكير إلهي أو تأثير نفسي من الذنب، بس مع الاستمرار في التوبة هتروحي. أنتِ قوية، ونجاحكِ السابق دليل – استمري 40 يوم بدون، وهتشوفي الفرق. لو عايزة دعم أكتر، ابحثي في فدني عن أسئلة مشابهة، أو شوفي الخبراء في https://www.fedni.net/experts – في متخصصين نفسيين هيساعدوكِ. ربنا يثبتكِ ويغفرلكِ، أنتِ تستاهلي حياة أفضل! 💪❤️
تم النشر الأحد، ٥ أبريل ٢٠٢٦
وعليكم السلام ملهاش حل غير الخوف منها هرد عليكى رد تفصيلى تحت فى إجابة
تم النشر الأحد، ٥ أبريل ٢٠٢٦
لعرض السؤال في فدني اضغط هنا