السلام عليكم، اللغة فعلا بنكتسبها عن طريق الانغماس فيها بنفس الطريقة اللي تعلمنا بها لغتنا واحنا أطفال. والانغماس وكثرة المدخلات مش معناه حفظ كل الجمل اللي تقابلك.. واحنا أطفال مكناش بنحفظ الجمل اللي بنسمعها في حياتنا اليومية لكنها كانت بتتخزن وكنا بنستعملها ومع الوقت ثبتت في ذاكرتنا وبقينا نستعملها تلقائيا. ** الانغماس في اللغة يعني تسمعها وتتعرض لها كتير جدا بكل طرق الإدخال وبالتالي تصبح مألوفة وحواسك هتلتقطها وتخزنها وهتطور مهارات اللغة عندك مع الوقت (سماع وفهم وكلام وقراءة وكتابة). بالنسبة للجمل، مش شرط زي ما قلت حفظ كل جملة تقابلك لكن هتاخد بالك إن فيه جمل بتتكرر كتير وهي الجمل الشائعة والأكثر استخداما في اللغة... دي اللي ممكن تشتغل عليها وهي عامة هتثبت مع التكرار. ** وانت بتشتغل على اي مهارة مش لازم تفهم كل كلمة وجملة بتسمعها أو بتقرأها.. ركز أكتر مع سياق الكلام.. كل ما زادت المدخلات هتلاقي مع الوقت إنك بقيت تلقط وتفهم نسبة أكتر من الكلام. التكرار بيثبت المدخلات في الذاكرة طويلة الأمد من غير ما تحتاج أصلا تحفظ بالطريقة التقليدية. **** اشتغل على مهاراتك الأربعة في نفس الوقت.. حتى التحدث ممكن تبدأ من دلوقتي ولا تنتظر لما توصل مستوى معين وإنك تكون حافظ جمل أكتر عشان تبدأ تدرب عضلة التحدث ولا تخاف إنك ترتكب أخطاء أو تتلعثم في النطق.. ده عادي جدا وعضلة التحدث بتقوى مع الوقت. *** أهم حاجة لازم تعرفها إن اللغة بتحتاج وقت وصبر عشان تكتسبها وتصبح زي لغتك الأم فلا تستعجل النتائج واشتغل على خطة منتظمة. ** آخر حاجة، فيه أسئلة كتيرة على التطبيق بخصوص تعلم اللغات فممكن تبحث عنها في شريط البحث وهتلاقي نصائح أكتر. أرجو إني أكون أفدتك شوية وبالتوفيق إن شاء الله.
اها و من ناحيه نطق انا كنت بسمع متحدثين اصلين في افلام و بقول وراهم وبكلم بنطق نطق امريكي بس دلوقتي انا بتعلم صوتيات عشان اعرف ليه كل حرف اتنطق و بس كده مهم بلاش تجيب فيلم نطق بريطاني وتاني امريكي كده لسانك هيتلخىط و محدش هيكون عارف انت بتنطق ب لهجه ايه
تم النشر السبت، ٢١ مارس ٢٠٢٦
انا كنت في لاعدادي كنت بتعلم انجليزي في مدراس بس انا كنت بتعلم خط من يوتيوب وكنت علطول بطبق للي بتعلمه علي دروس الي باخده و لما كنت باخد قوالب من لأفلام كنت بأكتبه في ورقه و زي ما قولتلك كنت باخد ورقه و اقعد احفظ فيه واسمعها مثلا وانا رايحه مدرستي او و انا بأقوم بل أعمال منزليه وانا دلوقتي بدرس بالانجليزي في مدرستي ف بستخدم كتابه كتير ف كنت بفتح فيديو خطاط جمبي واقعد اتمرن عليه بس كده بس اول مابداءت اتعلم في اعدادي كنت بأخد في يوم جلسه ربع ساعه في تحسين خط من علي خطاطين في يوتيوب
تم النشر السبت، ٢١ مارس ٢٠٢٦
@Shimaa Elaraby آخر سؤال معلش ازاي كنتي بتطوير الكتابة لأن كده انتي مش بتكتبي خالص
تم النشر السبت، ٢١ مارس ٢٠٢٦
لا مش كل جمل مهمه يعني شوف الي يناسبك مجال عملك انا اتعلمت لانجليزي عشان مجال عملي و بردوا عشان اتعامل مع ناس الي بره مصر و اكتسب فرص و بجد انت شخص عظيم انك هتبداء كمل لاخر
تم النشر الجمعة، ٢٠ مارس ٢٠٢٦
كنت بحفظها عن طريق ممارسه وانا اقوم بلاعمال منزليه كنت اسمعها واتخيل موقف واوظف قوالب فيه
تم النشر الجمعة، ٢٠ مارس ٢٠٢٦
حل في [قوالب]قوالب مثلا لو قلتلك ترجم جمله دي بالانجليزي [كان يقصد ده بطريقه حازمه] هتترجم he meant it in a serious way حل في in a .............way وتحط كلمه الي شايفه تنفع في موقف لو قلتلك لازم تاخد امر بشكل عادي هترجمها ازاي هو ده مفتاح لغه مش انك تقعد تحفظ و بس لا انت تشوف ايه هو مفاتيح و بعدين انت اصلا لو كنت مخلص لاعداديه فأنت مستواك A2 يعني عارف كلمات كتير مش قليله واكتر حاجه هتفرق معاكي ممارسه انا كنت بمارس لغه مش شات جي بي تي ومارسه مع نفسك تخيل موقف وتكلم بالانجليزي انت ممكن تلاقي قوالب دي في انجليزي شوارع بس انصحك بردوا ب متعه تعلم اتفرج علي فيلم و طلع انت قوالب خلي كل سبت وتلات تتفرج علي فيلم او لو مقدرتش تخلصه كله قسمه ع سبت وتلات و يوم خميس شوف قوالب الي جمعتها و قوالب الي اخدتها من انجليزي شوارع و مارسها مع شات جي بيتي ونفسك ٥دقاءق كل يوم بس كده يارب اكون فديتك
تم النشر الجمعة، ٢٠ مارس ٢٠٢٦
@Shimaa Elaraby معلش كنت بتحفظي الجمل المهمة ازاي كتابه ولا ولا بتسمعيها كتير ولا اي وازاي اصلا كنتي بتعرفي الجمل المهمة من الي مش مهمة مشكلتي بحس أن كل الجمل مهمة
تم النشر الجمعة، ٢٠ مارس ٢٠٢٦
@Shimaa Elaraby ماشاء الله دي حاجه مبشرة خالص ربنا يوفقك
تم النشر الجمعة، ٢٠ مارس ٢٠٢٦
@mai mahfouz طيب حضرتك ازاي احدد الجمل المهمة مثلا في إضافة في المتصفح بالترجم الفيديو للفتين وبتحدد مركز كل كلمة من قائمة ال 3000 كلمة الاكثر شيوعاً هل في رأيك الطريقة دي مناسبة لتحديد الجمل المهمة ؟
تم النشر الجمعة، ٢٠ مارس ٢٠٢٦
بجد برافو عليكي انا بردوا لما جيت ابداء احتراف لانجليزي كنت في A2 بداءت اسمع افلام ومسلسلات واترجمها واجيب اكتر جمل مزكوره وبردوا في قناه اسمها انجليزي شوارع بتجيب قوالب بتقدر تتكلم بيه كتير جدا انا بستخدمها علطول ودلوقتيB2
تم النشر الجمعة، ٢٠ مارس ٢٠٢٦
لعرض الإجابة في فدني اضغط هنا