من و انا صغيره اهلي كانو بيتخانقو كتير وخناقات جامده وزعيق وصوت عالي وانا اكبر واحده في اخواتي ومن وانا صغيره كانو يوقفوني اشهد من فيهم غلطان ومين لا ومكنتش بعرف اقول حاجه لان واحد فيهم امي والتاني ابوي ،
الحمد لله امي ربتني وطلعت واحده محترمه وهاديه ومتفوقه دراسيا جدا جدا حافظه تلات اربع القرآن وده بسبب انها اللي كانت بتذاكر لي وكانت بتعمل كل ده عشان مش أعيش زيها لما اكبر واقدر اعتمد على نفسي وبمعنى اصح مش احتاج لراجل في حياتي يذلني و ربتني ان الراجل لازم اقص ريشه في الاول عشان ميقدرش يهيني ،
المهم كانت بتربيني اه بس كانت بتضربني بالسلك جامد لو غلطت في حرف في المذاكره أو القرآن المهم كل ده كان حصل في طفولتي وطبيعي مهما حصل فيها الطفوله بتبقى أ؛سن فتره في حياة الانسان
كبرت ودخلت ثانوي ولسه على نفسي المبدأ وضغط امي اني لازم انجح وادخل طب عشان سلاح البنت شهادتها وانا مكنش عندي مانع بالعكس أنا كنت عاوزه انجح لأن طول عمري الاولى بس جيت في تالته ثانوي من كتر الضغط والكبت النفسي حسيت اني اتكسرت من جوايا جامد وبقيت بكره ابويا واخويا كمان ومبقتش شايفاهم رجاله ،
هم رجاله ومحترمين وجامدين وشيوخ وإمام مسجد عيبه الوحيد انه مش رحيم على أهل بيته احنا الحريم يعني مفيش حضن ولا احتواء ولا كلمه طيبه كله انتقاد بس وده بقيت شايفاه عيب قاتل لاني محتاجه ابويا عاطفيا بس مش موجود ،
الاحساس ده بدأت احسه في تالته ثانوي ، بس قبلها بسنه بقا في تانيه ثانوي حصل موقف صعب كان بداية اني أأذي نفسي بنفسي حد اتحرش بيا وقرب مني جامد ولمسني بس الحمد لله ماخدش عذريتي المهم الموقف ده حصل وكان صدمه كبيره. ووقتها انا كنت جاهله في موضوع الجنس ده يعني معرفش الراجل بيكون عاوز إيه من الست بالضبط ولا عارفه يعني ايه غشاء بكاره ولا يعني ايه عذريه بنت اصلا المهم انا بعدها بكم يوم بدأت أقرأ قضايا تحرش على جوجل وكنت ببكي كتير وانا بقرأ يمكن كنت بعمل كده جلد ذات في نفسي
ففي مره طلع لي إعلان وفيديوهات اباحيه وشفت كل حاجه وصعقت وشفت بنت فرحت قلدتها للأسف لانه كان باين عليها انها مبسوطه وانا كنت حزينه بسبب اللي حصل فكان عندي فضول اعرف الشعور ده الشعور اللي خلى حد يعتدي عليا المهم رحت جربت اللي البنت كانت بتعمله وحصل عكس ما كنت متوقع تماما لقيت دم وحسيت بوجع رهيب خفت وفضلت اعيط ونمت
وبعدها فتره حلوه عرفت أن اللي انا عملته ده خلاني مكنوش بنت بس انا مكنتش اعرف
مع الوقت بيعدي وكانت اكتر فتره كنت حاسه اني عاوزه ابويا بس هو مش موجود جنبي فبكرهو اكتر وبقول لنفسي حتى لو حكيت لحد وجعي مش هيقفو جنبي
فبدأت أكلم شباب مش واحد لا بديت اكلم كتير اوي كل يوم واحد او اتنين ومكنش كلام محترم كان كلام كله قليل أدب ومش بس كده كان بيبقى اهانه ليا كنت بحب اتهان مازوخيه زي ما بيقولوا وكنت بضرب نفسي زي ما كانو بيطلبو وده اكتر حاجه أذتني وبكرهها بس برده برجع اهين نفسي تاني
ومحدش يقولي أن ده شهوه انا عمري ما كان عندي شهوه ولا تمنيت حد يلمسني ولا بعمل ده بدافع الشهوه مش عارفه بعمل كده ليه الصراحه بس بحس اني عاوزه أعاقب نفسي وبعدها بتوجع اوي وبعيط أو انا بكلمه حتى
المهم انا دلوقتي في تانيه جامعه حياتي بايظه جدا ومكسوره نفسيا جامد ومش عارفه أعيش حتى اني اروح اوضتي او استحمى صعب عليا وبفضل معفنه كده بالشهور كده وطبعا شايله مواد من الجامعه والمصيبه أن انا قلت لاهلي ان جايبه امتياز في كله عشان يفرحوا وعشان لو عرفو اني شايلة مواد مش هيرحموني و هيأذوني
وكمان حياه البنت المسلمه العفيفه الملتزمه ضاعت مني كان هدفي وانا صغيره اعيش حب عفيف واكون عفيفه محدش يلمسني أو يقربلي الا لو كان حلالي واكون متدينه حياه رحيمه كنت بسعى ليها بس دلوقتي خلاص معتش ينفع عشان طبعا زي ما انتو شايفين بقيت عكس كده خالص يمكن بقيت شرموطه كمان
وابتديت اتجذب الرجاله كبار مش في سني بقول ياه لو ده يتجوزني ويحضني مع انه بيكون كبير في أواخر التلاتين مثلا او الاربعين كمان وانا اصلا لسه ١٩ سنه ولو انا اتهبلت و وافقت اهلي مستحيل يوافقو على الهبل ده
ودايما حاسه نفسي مكسوره مش بعرف اخد حقي ولا بعرف اطلب حاجه بتاعتي
وكمان دايما تفكيري أن ربنا عمره ما هيكتب لي حياه حلوه وهفضل لوحدي علطول ومحدش هيحبني بجد وهعيش حياه وحشه في المستقبل حياه زوجيه أو لوحدي
حاولت اروح لدكتور نفسي بس مش معايا فلوس
حاولت مع نفسي أصلح نفسي بس مش بكمل ومش بقدر اصلا
مش عاوزه حلول اللي هي اعملي وحاولي لاني عارفاها كلها ومش بقدر اعمل ومش بتفيد اصلا
الله يهديكِ ويكون بعونك ويشرح صدرك. المشكلة الأساسية الي عم بتخليكي بنفس المكان هو ظنك إنه مستحيل حياتك تتصلح، وبإنه مستحيل تعيشي حياة البنت العفيفة الي كنتي تحلمي فيها، لانه حسب رأيك "ما ضل في امل؛ او خربت حياتك للأبد"، مشكلتك انه بتعرفي كثير امور بس مش عم تقدري تنفذيها او تداومي عليها، يمكن بتشعري انه خلص ما عاد في فايدة. ربّنا رزقك باب التوبة، مادامك بتتنفسي مادام باب التوبة مفتوح، والتوبة بتأدّي انك تطلعي من كل اشي انت فيو، معناها تحسي بالراحة الحقيقية، انّك تشوفي ارزاق وتيسيرات لأمور انت ما كنتي بتتخيليها، الشيطان اوهمك وخوّفك انك خلص راحت عليكي ما رح تعيشيها! وهاد من وسوسة الشيطان للانسان عشان يبعده عن الجنة. ما بعرف اسمك، .بس رح اقلّك يا صفاء، لأني على امل كبير إنّه حياتك وقلبك رح يصيرو صافيين ، ورح ينتهي هاد الكابوس الي عم بتعيشيه. يمكن الطريق بنظرك طويلة ، بس تذكري انه الاستعانة بالله هي الي رح توصلك، مش قوتك! انت عليكي توخدي خطوة بس، خطوة صادقة وحدة قال رسول الله صلّى الله عليه وسلّم في الحديث القدسيّ عن الله سُبحانَه وَتَعالَى: من ذكرني في نفسِه ذكرتُه في نفسي ومن ذكرني في ملأٍ ذكرتُه في ملأٍ خيرٍ منه ، ومن تقرَّبَ إليَّ شبرًا تقربْتُ منه ذراعًا ومن تقرَّبَ إلي ذراعًا تقربتُ منه باعًا ، ومن أتاني يمشي أتيتُه هرولةً. ابدئي بالذكر صفاء، الاستغفار، رددي الاستغفار من هاي اللحظة وانت مكانك، اولها يمكن رح يكون ثقيل على لسانك ما توقفي، يمكن تجيكي افكار زي انه "وقفي هاد الاستغفار مش من قلبك" ، ما تردي ما توقفي،، كملي... هاي البداية، وامّا الباقي فإنت من نفسك رح تشوفيها عم تتغير، بعقلك وتفكيرك وروحك.. انت من نفسك رح تشوفيها عم تترتب بطريقة ما كنتي تتوقعيها ولا اصلا تحلمي فيها ... ربنا لو ما بحبك؛ ولو ما يريد لك الخير، كان ما هداكي تكتبي هاد السؤال.. رح تتحول حياتك لصفاء صدقيني، انت ابدئي🤍
تم النشر الخميس، ١١ ديسمبر ٢٠٢٥
ضرري متابعة مع مختص لانك محتاجة جلسات مكثقة وبما انك طالبة وغير مقتدرة فمن الممكن المتابعة والتواصل مع احد المختصين بالبرنامج هنا ومؤكد هتلاقي اللي يساعدك والافضل تكون سيدة ويارب يوفقك لكل خير ويبعد عنك كل شر
تم النشر الجمعة، ١٢ ديسمبر ٢٠٢٥
دايما في بداية جديدة منقدرش نغير الماضي لكن نقدر نحسن الحاضر فكك من الي حصل زمان عارف إنه صعب يتنسي لكن لازم تبدأي حياه جديده مع نفسك لو عاوزه تتحسني، انتِ بتقولي المحاولة والفعل مبجبيوش نتيجة ودا غلط إزاي عاوزه تحسني من نفسك وتتوبي من غير ما تحاولي حتى، دا كأنه انك مستنيه الفلوس تجيلك وأنتِ نايمه علي السرير وأنتِ مش بتسعي عشان تحصليها،لكن هما بيجيبو نتيجه لو كنت صادقه في أنك تتوبي وربنا قال ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ..) عارف أنه صعب لكن دا الحل أنك تأخذي خطوه مش تسكني نفسك بكلام فقط،فا انتِ لازم أول شئ ترجعي لربنا قومي صلي ركعتين توبه من كل حاجة عملتيها زمان واطلبي منه العون أنه يساعدك تبدأي من جديد وافتكري إن ربنا قال (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ).. (فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ).. باب التوبة مفتوح دائماً مفيش حاجه إسمها ربنا مبيقبلش توبة بالعكس دا بيفرح جداً لما يلاقيكي راجعه ليه رغم كل حاجة عملتيها ابدئي تعافي من الإدمان عن طريق إحدى منصات التعافي ابدئي خلي ليكي ورد يومي من القرآن و خلي ليكي مذكرة اكتبي فيها كل المشاعر الي بتشعري بيها دا هيصفي عقلك ويخليكي تشوفي مشاعرك من منظور آخر وتخليكي تفهمي نفسك بشكل كويس وأهم حاجة تأخذي خطوه ومتيأسيش أبداً في ناس كثير كانو زيك أو اسوء كمان وتعافو لكن الفرق بينهم وبينك أنهم خذو خطوه في التعافي
تم النشر الخميس، ١١ ديسمبر ٢٠٢٥
من واقع تجربتي الشخصيه ولازلت احاول واسأل الله الا ايأس من المحاوله من تصحيح نفسي ابداً اللهم آمين فأبدا علي بركه الله: يبدوا ان مشكلتك مشكله ادمان دوبامين وخاصة دوبامين الاباحيه والعاده السريه ودا مشكله كبيره في حد ذاتها الاباحيه والعاده السريه تؤثر علي الماده الرمادية في المخ وهو الجزء المسؤول عن اتخاذ القرار في العقل والعاده السريه وخاصة الافلام الاباحيه تجعل هذه المادة الرمادية ضعيفة او قليله بالتالي اتخاذ قرار انك تعملي اي حاجه هو قرار مرهق بسبب غياب هذه الماده بسبب هذه الافعال وكذلك الشعور بالمتعه من الانشطه العاديه مثل شرب ماء او الاكل اكله حلوه الخ دا كله صار بلا قيمه مقارنه بالمتعه المحصلة من الاباحيه وهنا نمسك في الجزئيه دي ان الدوبامين والماده الرمادية دول ليهم لازمه قويه وسبب في نشاطنا وتفوقنا وتركيزنا وجوده حياتنا. طيب الحل؟ اول شئ لازم تتابعي قناه واعي علي اليوتيوب وتحملي التطبيق بتاعهم وتسمعي للفيديوهات بتاعتهم بفهم وتفكير وشوفي قصص الناس الي في التطبيق والقناه هتلاقي إن مشاكلك شبه مشاكلهم وهتلاقي حل إن شاء الله. ثانيا: الدراسه عن الدوبامين والماده الرمادية واثر الاباحيه عليهم وعلي النشاط والتركيز والسعادة بشكل عام. ثالثاً: انك تفضلي علي طهاره دائماً من الحدث الاكبر(الجنابه) بالاغتسال دائماً علشان لما يجي وقت الصلاة تتوضي وتصلي فروضك وتدعي ربنا كتير بالهدايه والإرشاد وصلاح الحال وليس ذالك علي الله بعزيز. رابعاً:اهم خطوه هي ثالث نقطه والاولي ففيهم خير كثير. وحاولي مهما وقعتي حاولي تاني الي ان يقضي الله أمرا كان مفعولاً(وهو قبض الروح والذهاب الي الله لنري اعمالنا) وتذكري ان وجودنا هنا لعباده الله وحده والجنه غاليه لابد من اننا ندفع ثمنها وهو التوحيد أولا وطاعه الله وتجنب نواهيه ومن نواهيه ما ذكرتي من العاده السريه التي دمرتكي وانت لا تدركين حتي انها السبب واسأل الله لك الهدايه والصلاح والتوفيق وايانا اللهم آمين 🤲🏼 والمحاوله ليست مره بل مرااااات الي ان نصل الي ما نريد ومهما وقعنا نصحح الخطأ الذي جعلنا نقع ونعيد التجربة وقد ازددتا خبره من المحاوله الاولي وهاكذا الي ان يشاء الله لكي ان تشفي ويشفي عقلك وجسدك من هذا الادمان الذي كان اصحابه(منشئي الاباحيه) غرضهم افساد شباب المسلمين والبلاد العربية فلا تشمتي بكِ الاعداء شياطين الانس وابليس وتنتقلي من عباده الله الي عباده الهوي والشهوات واسأل الله أن يصلح لنا دنيانا واخرتنا اللهم آمين واعيد في اخر كلامي قناه واعي واعي واعي اسأل الله أن ينفعكي برسالتي والحمدلله رب العالمين
تم النشر الجمعة، ١٢ ديسمبر ٢٠٢٥
لعرض السؤال في فدني اضغط هنا