انا ثانويه عامه بس حاسه اني ضايعه وطول عمري بحب المذاكرة وكنت بطلع اوائل مدرسه كمان بس بجد بقيت مش بفتح كتاب وبهرب من شعور الخنقه دا ان انا بمسك الفون ومبقتش بسيبه من ايدي بجد ومتضايقه اوي اعمل اي
ملحوظه انا مش عارفه انتظم في اي حاجه في حياتي حتى الصلاه
اول حاجة لازم تفوقي نفسك وتحسي فعلا بالخطر اننا خلاص قربنا ومفيش وقت للمرقعة تاني واستعيني بالله وانوي انك هتعملي اللي عليكي الشهرين دول خطوات عملية : 1-النوم - ظبطي نومك واصحي الفجر صلي واقرئي وردك وذاكري فعلا هتحسي ببركة الوقت وان اليوم طويل وهتلمي فيه 2- شوفي انتي ايه اكتر مادة ماشية فيها مثلا الاحياء ف هتحتاج مجهود اقل ف تركزي في الفيزياء 3-قسمي اسبوعك علي حسب المواد احنا عندنا 5 مواد السبت مثلا كيمياء - الحد انجلش - الاتنين فيزياء - التلات عربي - الاربع احياء -والخميس للمادة او المادتين اللي انتي واقعة فيهم اوي والجمعة حفظ كلمات انجلش بس كل مادة ليها يوم كامل اسمعي المحاضرة وحلي الواجب بتاعها وخدي بريك نص ساعة او ساعة وارجعي خدي محاضرة تانية بالواجب بتاعها 4- متقلقيش لسه فيه وقت والمدرسين بيشرحوا تاني في المراجعة بس متعتمديش في المراجعة علي كل المواد ممكن تعتمدي عليها في مادة او اتنين 5- حاولي تاخدي الدروس اونلاين دا هيوفر معاكي وقت ومجهود 6- بالنسبة للانجلش مستر محمود رضوان عامل تفويلات علي اليوتيوب لكل unit تحفة بيلمها في ساعتين بشرح مبسط انا عن نفسي مش باخد معاه بس لما ضعت في الانجليزي وراكمت المنهج كانت هي الحل والله والمعسكرات اللي بينزلوها باقي المدرسين علي اليوتيوب بردو مفيدة جدا زي د|محمد ايمن احياء ومستر محمود مجدي فيزياء ومستر محمد صلاح عربي اخر حاجة عايزة اقولها ليكي زي ما بقولها لنفسي اه السنة دي مهمة لينا ولمستقبلنا بس هي مش نهاية العالم ولو محققناش المجموع اللي احنا عايزينة مش هنموت او الحياة هتقف لاء النجاح الحقيقي بجد اننا ننجح في المجال اللي ربنا هيختاره لينا -بالتوفيق
تم النشر الثلاثاء، ٣١ مارس ٢٠٢٦
وعليكم السلام ورحمة الله وبركاته طبيعي التوهان لغاية ما يبقى أوفر ويطول ويبقى مش طبيعي و التوهان يمكن عشان انتى مش منظمه خطة تمشي عليها فى المواد يعني اليوم ب يومه و المذاكرة عشوائية عشان كده بنحس ان اليوم بيعدي هوا بدون إنجاز كبير حتى لو أنجزنا لكن طبعا إنجاز مع تخطيط غير إنجاز مع عدم تخطيط يعني أنا ضامن إني بكره بنفس العشوائية دي أحقق إنجاز كبير؟ طبعا لا ، فالأول خططى هتعملى ايه في يومك و حطى كل حاجه متراكمة عليكى أو عايزه تعمليها فى ورقة و ظبطى الدنيا مع نفسك اللي مش طبيعي أنك تفضلى تايهة مش بسبب أنك مش عارفه تعملى ايه لأني قولتلك فوق حاجات ممكن فايتة منك تايهة بسبب أنك مش عايزه تعملي حاجه أصلا و طفح الكيل لا كده مش طبيعي لأنك لسه السنة مخلصتش و لسه الدنيا شغالة و الناس لسه بتقع و تقوم ، اوعى انتى تكونى الشخص اللي وقع و مش هيقوم أو اللي وقع و هيقوم بعد فوات الآوان استعيني بالله و لا تعجزى ، جددي طاقتك كدا وقومى ابدأى ب تنظيم النهاردة على الأقل وجربى بس وايه اللى المفروض يتحقق النهارده وهكذا
تم النشر الأربعاء، ١ أبريل ٢٠٢٦
أي شىء يتم تحميله اكثر من قيمته و رفع التوقعات عليه سيتسبب في ضغط و ضيق للنفس ، الثانوية العامة ما هي إلا سنة دراسية كأي سنة اخرى ولكن نحن من حملناها قيمة اكبر من ذلك ، بل حملناها قيمة الحياة و المستقبل ككل ، و لكن الصراحة أغلب من في قمة النجاحات المادية هم فشلة الثانويه العامه و اغلب من هم في قيعان النجاحات المادية هم فشلة الثانويه العامه ، لأن من يستوعب حجمها يستطيع التحرر منها و من قيودها و يكون حر ، أما من يظل مقيد بمفاهيمها فيظل آسير هذه المفاهيم ، فحرري يا اختي عقلك من كل هذه الغزعبلات و السلاسل التي ليس لها أي أساس من الصحة و ستزول الغمة و تعودين افضل مما كنتي ، و بالتوفيق 😊
تم النشر الثلاثاء، ٣١ مارس ٢٠٢٦
يا حبيبتي، أول حاجة أقولك إنك مش ضايعة خالص، ده شعور طبيعي في الثانوية العامة، خاصة لما الهاتف بيسيطر. أنتِ كنتِ بطلة وهترجعي أقوى، بس خطوة خطوة. خلينا نبدأ مع بعض، وأنا معاكِ 💕 1. ابدئي بالصلاة – دي أساس التنظيم كله حددي وقت الصلاة الأولى الصبح (الفجر) كـ"إشارة البداية" لليوم. قومي، صلي، وبعدها اشربي كوباية مية وكتبي 3 أهداف صغيرة لليوم (مثل: أدرس 20 دقيقة رياضيات). لو فاتت صلاة، صليها فوراً وقولي "أستغفر الله" وادعي: "اللهم أعنِّي على ذكرك وشكرك وحسن عبادتك". الصلاة بتنظم اليوم زي ساعة داخلية، جربيها النهاردة! 2. اهزمي الهاتف – عدو التركيز رقم 1 ضعي الهاتف في غرفة تانية تماماً أثناء الدراسة أو الصلاة (مش في الإيد!). حملي تطبيق "Forest" أو "Focus Booster" يحظر التطبيقات لساعة، وكافئي نفسك بـ10 دقايق بعد كل ساعة ناجحة (شوفي فيديو مضحك، مش سوشيال ميديا). قاعدة: "لا هاتف قبل المغرب"، وشوفي الفرق بعد أسبوع. 3. جدول يومي بسيط للدراسة والحياة 5 ص: فجر + أهداف اليوم 6-8 ص: دراسة مادة واحدة (25 دقيقة دراسة + 5 دقيقة راحة) ظهر: صلاة + أكل صحي 2-5 م: دراسة تانية (غيّري المادة كل ساعة) مساء: صلاة + مراجعة سريعة + وقت حر (بدون فون كتير) ابدئي بـ 15 دقيقة فقط النهاردة، مش أكتر. النجاح الصغير هيبني الثقة، زي ما كنتِ بتطلعي أوائل قبل كده! 4. نصائح سريعة للاستمرار كل يوم قبل النوم، اكتبي 3 حاجات شكرتِ الله عليها (شكر النعم بيقلل الخنقة). لو حسيتِ برغبة في الهرب، قولي لنفسك: "دقيقتين بس" وابدئي – هتستمري لوحدها. تابعي تقدمك في دفتر صغير، وراجعيه كل أسبوع. أنتِ قوية وقادرة، يا قمر! جربي الخطة دي 3 أيام وقليلي إيه اللي حصل. لو عايزة جدول مخصص أكتر، ابحثي في فدني عن "الثانوية العامة" هتلاقي إجابات كتير، أو شوفي الخبراء هنا: https://www.fedni.net/experts – في مدربين حياة رائعين. ربنا يوفقك وييسر أمرك 🌟
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا