في اللحظة اللي بتبطل تقاوم فيها وتقول يا رب أنا سلمتك كل حاجة تمام التسليم ساعتها بس الاختبار بيبدأ يخلص
مش لما تلاقي الحل ولا لما الدنيا تتظبط ولا لما القلق يختفي ده مابيبقاش تسليم
لكن التسليم بيحصل لما إنت وتفكيرك تختفي من المعادلة وتسيبها لربنا
أصل أكبر تعب مش في المشكلة…أكبر تعب في دماغك وهي شغالة 24 ساعة
طب هيحصل إيه؟طب لو حصل كذا اعمل ايه ؟طب أنا هتصرف إزاي؟ التفكير بالطريقة دي متعب جدا وهيحسسك بالجنون وفقدان السيطرة وخيبة الامل وان الطريق مسدود وهتلاقي الدنيا كلها سودا في وشك
التسليم لارادة لله هيحميك من كل ده والرضا بقضائه هيريح بالك ويطمن قلبك قول يارب انا راضي ومسلم ليك ساعتها هتحس كأن حمل كان على صدرك واتشال مش شرط تكون الظروف اتغيرت لكن عشان قلبك بيطمن بتسليم امرك لربنا وكفى به
خدها قاعدةاللي بيستسلم لامر ربنا ويفوض امره كله لله ربنا بيسلمه من القلق ومن التفكير في المستقبل المجهول وعذابه
ارمي همومك وحمولك عليه وربنا متكفل بيك اصلا بس انت مش واخد بالك عشان مشغول بالتفكير في الهموم
لو حسيت إن الكلام جه على الجرح وحسيت بالتعب ده قبل كدة شاركه، يمكن يطبطب على قلب حد تاني ويساعده يبطل تفكير ويسلم امره لربنا
لو دربنا نفسنا عليها وزرعنا الفكرة في الوعي بتاعنا وابتدينا نفوض ربنا فيما نجهل ويخفى علينا ونعرف ان لينا حدود وقدرة معينة وان اللي بعد كدة مش بتاعي وماليش سلطان ولا قدرة عليه ودايما اذكر نفسي بده واعيد وازيد فيه هتقدري تطبقيه بإذن الله
تم النشر الثلاثاء، ٢٤ مارس ٢٠٢٦
الفكره بس حضرتك ان اوقات الواحد بيحاول يعمل ده بس من جواه بيبقى مش عارف معرفش دي مشكله عندي انا ولا لا بس الحاله دي مش دايما سهل نوصلها للاسف
تم النشر الاثنين، ٢٣ مارس ٢٠٢٦
لعرض السؤال في فدني اضغط هنا