اصعب احساس لما تكون بتحب حد من طرف واحد وبجد هتموت وتكلمو بس مش عارف تكلموا خالص يعنى مش عاوز تخسر ثقه ربنا واهلك مش عاوز تتخلا عن مبادئك كمان مش عاوز تبالغ فى مشاعرك ولا حتى تكرر تجارب قديمه بس الحب مش حاجه بنتحكم فيها خصوصا لو الشخص ده معانا كل يوم فى مكان دراستنا منقدرش نبعد عن الشخص ده بسبب المكان المشترك اوحش حاجه فى الدنيا لما الإنسان يتساب لدماغو يفضل يسأل نفسو ويترجم حاجات غلط ويعمل سيناريوهات فى دماغو بحس أن انا لو دخلت اكلم الشخص ده ممكن ما يقبلش او ممكن يقبل انا بردو مش عارفه سعات بتحصل تصرفاته دليل علي الحب بس انا عارفه أن انا بكدب علي نفسي وبحاول اقنع نفسي تفرحنى بس انا فعلا عمرى ما تحبيت ولا هتحب
علشان تقطعي الشك باليقين .. لو الشخص ده يهمك اوي، يبقى حاولي انك تعرفي الموضوع من ناحيته عامل ازاي؟ انتي قولتي انه بيقول تلميحات .. يبقى قولي له، انت تقصد ايه يا فلان؟ تلميحك ده تقصد بيه ايه؟ انت ليه بتتعامل معايا بالشكل ده؟ لو صارحك انه مثلا عايز يتقدم او كده؟ يبقى تمام. لو حاول انه يقولك اه فعلا ويلا مثلا نرتبط، ياريت متقبليش .. اولا لانه حرام شرعا، دينيا مفيش حاجه اسمها ارتباط غير شرعي ف الدين، عايزك يجي يتقدم قدام اهلك في النور. تاني حاجه لانك مش هتبقى ضامه الشخص، فيه ناس كتير بتاخد كلام البنت ع محمل تاني، بان يلا نلعب بيها شوية، وده موجود وكتير. ولكن ملحوظة صغيرة ايه اللي يخلي شخص يقعد يلمح في حين انه ممكن يدخل البيت من بابه عادي، او يكلمك بكل صراحه ويقول اللي عايزه؟ يعني ليه شغل التلميحات ده؟ علشان كده انا من وجة نظري لا اعترف بالتلميحات، اللي عايز حاجه يعملها، غير كده .. ممكن جدا انتي كمان في حاجات تفهميها غلط. علشان كده نرجع للاساس بقى، ليه اصلا يبقى ما بين البنت والولد صحوبية؟ او صداقة؟ لو هنرجع للدين برضه حرام، لما انتي تعجبي اهو بواحد وهو مثلا لا؟ شوفي انتي بتعملي ايه؟ ف حين ان الدين اهو جايبها من الاخر. اتمنى تفكري ف كلامي كويس، وتراجعي كل حاجه مع نفسك
تم النشر الخميس، ١٤ ديسمبر ٢٠٢٣
النساء مباح ليهم انهم يدعو بان حد يكون من نصيبهم دوري عالادعية و ربنا يجعله من نصيبك و يرزقك بالحب الحلال يا رب 🤍
تم النشر الخميس، ١٤ ديسمبر ٢٠٢٣
هو اصلا ضد فكرة الارتباط والحب تماماً هو شايف أن الموضوع ده حرام وانت هيتقدم علطول كان بيقول الكلام ده دايما قدامنا وانو ضد الفكره عشان كده كنت حاسه ان انا لو دخلت كلمتو هكون زى الشيطان بالظبط عماله اوسوس فيه انو يتخلا عن مبادؤه ويرتبط بيا وده كان مدايقنى معرفش ليه مع أن المفروض افرح أن هو حد ملتزم ولكن حسيت أن هو كده بيروح منى
تم النشر الأربعاء، ١٣ ديسمبر ٢٠٢٣
هتحبي و هتتحبي و كل الكلام اللذيذ ده بس تخيلي تبقى في الحلال و تبقي مش مكسوفه تقولي انه حبيبك احلى بكتير مش كده ؟ يبقى المفروض تدعي ربنا انه يكون من نصيبك و بس و متسمعيش لحد يقولك توقعيه ازاي و الكلام ده عشان الحرام مش بيدوم و هيدمر نفسيتك
تم النشر الأربعاء، ١٣ ديسمبر ٢٠٢٣
لعرض السؤال في فدني اضغط هنا