بكل بساطه
انا ذنوب الخلوات سوحتنى
ووحده هدخل فى زنا ،مصيبه صح
انا اصلا عندى تناقض كبير وسط الناس شيخ ودا مش رياء والله وحده اللى يعلم ومع نفسي مع التليفون و اللابتوب شيطاااان
طيب انا عندى جفاف عاطفى كبييير ودا سبق الدخول للمعصيه
طيب هتقولولى اتجوز .
هقولكم مش هينفع اتجوز نهائي لان لو اتجوزت هطلق تانى شهر على طول
عندى مرض نفسي أسأل الله أن يخلصنى منه وهو سبب انى مش اتزوج
السلام عليكم ورحمه الله وبركاته شفت هي اسمها ايه زي ما انت وصفتها كده بالضبط ذنوب الخلوات يعني ايه يعني هي ما بتحصلش الا لما انا بحترم نفسي طيب انا طالما في وضع او في توقيت او في مكان انا نفسي بتكون ضعيفه فيهم وما بقدرش انا اللي اسيطر عليها وبتبدا هي اللي تسيطر عليا يبقى الحل كاني ابدا ابعد عن الوقت ده او المكان ده او الظروف دي خالص لحد ما انا في نفس الوقت اكون بالتوازي كده بس تعد اني اقوي من نفسي واقوي من قدرتي على التحكم في نفسي في الظروف دي. اكبر حل هنا في الموضوع ما تكونش لوحدك انا معرفش ايه ظروفك الاجتماعيه انت عايش مع مين في البيت ولكن لو الامر هيوصل ليك انك تنام في الصاله. وتقول انا مرتاح انا حابه انام هنا في الصاله وتفرش لنفسك في الارض في الصاله عشان تمنع نفسك انك تكون لوحدك خالص فيا ريت تعمل ده المرحله دي مهمه جدا جدا انك تبعت خالص عن انك تكون مختلفه بنفسك ولا تقعد في اوضه تقفل الباب على نفسك ولا تكون متواجد في مكان او في توقيت قاعد عدد ساعات كبير جدا مفيش حد هيروح ويجي في نفس المكان وفي نفس الوقت ده بقى تبدا تستعد تشوف. فين نقطه الضعف اللي عندك نقطه الضعف اللي عندك هي الاحتياج العاطفي اللي عندك احتياج العاطفي مش بيجي من مصدر واحد الاحتياج العاطفي احنا ممكن ناخذه من التعامل مع الاطفال احتياج العاطفي ممكن ناخذه من التعامل مع متصاحبي او اييي ست كبيره بتعمل معاها في في مصلحه حكوميه ست كبيره بتعمل معاها عشان خاطر بقضلها طلبه هي محتاجاه ست كبيره بتشتغل في محل دي كلها على فكره ممكن تكون جرعات بسيطه بسيطه بسيطه ولكن هي بتديني الاحتياج العاطفي اللي انا محتاجه انا محتاجه ابقى عارف هو احتياجي العاطفي يعني ايه العاطفه بالظبط اللي ناقصا ناقصني ان حد يكون مطبطب عليا ناقصني ان حد يكون بيهتم بيا بشكل معين ناقصني ان حد يكون يحبني بشكل معين لازم اكون عارف انا ايه اللي ناقصني عشان اقدر اوجد له ايه الحلول الصحيحه مساله الجواز بقى يعني انا عايزه اقول لك انه الفكره اللي عندك دي دي من اكتر الحاجات اللي الشيطان مثبتها جوه دماغك وبيكررها عليك فانت كمان اقتنعت بيها جدا جدا عشان يبعدك عن الحلال ويخلي الحرام بالنسبه لك هو الاسهل والايسر ويخليك مستمر عليه لكن يا ابن الحلال اا ربنا. اللي بيشوفوا جوه البني ادم انه بيعافر عشان يوصله ربنا بيعينه عليه فانت اسال الله المعوني اسال ربنا ان هو يعينك على العفاف وامشي في طريق الزواج الحلال علشان تعف نفسك بالحلال واللي بعد كده اللي في علم الغيب سيبه لربنا مش بتاعك موضوع انه انا عارف ان انا بعد شهر بعد شهر هطلق لا يعني انت ما تعرفش ايه اللي ربنا هيغيره عشانك لما هيشوفك ااا بتنوي للخير وللحلال وللعفاف خذ الطريق لانه افتكر دائما لا يغير الله ما بقوم حتى يغيروا ما بانفسهم فممكن ربنا يكون موقف تغير حالتك النفسيه والمراد النفسي اللي انت بتقول انك عارف انه عندك وتغير ااا ضعف نفسك وتغير نمط حياتك على ان هو يشوف من جواك فعلا انك محتاج انك تروح لطريق الحلال والعفاف مهما ده كلفك ايه بقول ل ك على حاجه حتى لو ده كلفك انك في شهر زي ما انت بتقول هتعيش شهر بالحلال حتى لو بعدها الحياه هتكون مستحيله ولكن في سبيل الشهر الحلال ده انت عندك استعداد تعمل اي حاجه المهم انك تمشي في طريق الحلال وتبعد عن طريق الحرام النيه دي جواك. لما ربنا هيكون شايفك مستعد تعمل اي حاجه عشان خاطر الحلال. انظر بقى لعظمه ربنا وشوف قد ايه هييسر لك حاجات في حياتك ما يهيا لك حاجات في حياتك انت ما كنتش متخيلها ولا مستنيها لمجرد انك من جواك ربنا شاف صادقه لانك تمشي في طريق الحلال وعندك استعداد تضحي باي حاجه حتى ولو كان ااا جواز لمده شهر وتدفع فلوس وتختار حد وتتعامل مع ناس وكل الكلام ده عشان بس تبقى ماشي في الحلال.
تم النشر الجمعة، ٢ مايو ٢٠٢٥
متيأسش ومتبطلش تحاول تبعد وتتوب حتى لو كل يوم طول ما انت بتحاول اكيد هتوصل .. حاول تقلل المصادر اللي بتاخدك لكدة زي الاتستجرام مثلا او التيك توك وهكذا اي برامج بتحس انها دايما بداية المشكلة ... وطالما عندك احساس التناقض يعني انت قادر تميز الغلط من الصح وانك عاوز تتغير للاحسن ادعي ربنا يغيرلك الحال وربنا يشفيك من كل داء يارب ويرزق زوجة صالحة ويصلح حالك
تم النشر الجمعة، ٢ مايو ٢٠٢٥
اخي الكريم، ذنوب الخلوات من الاكثر شيوعا لانه بتكون بينك و بين نفسك الأمارة بالسوء. المهم اوعك تفقد الثقة بالله و رحمته و تذكر قول الله تعالى (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ [الزمر:53]، ويقول جل وعلا:وَهُوَ الَّذِي يَقْبَلُ التَّوبَةَ عَنْ عِبَادِهِ وَيَعْفُو عَنِ السَّيِّئَاتِ ... صدق الله العظيم. الجزء المهم هو انك بتقول انك مريض نفسي بس يا ريت توضح لنا ليه انت مقتنع انك مريض نفسي و ايه نوع المرض اللي يمنعك انك ترتبط؟؟
تم النشر الثلاثاء، ٦ مايو ٢٠٢٥
أولاً، أشكرك على صراحتك في مشاركة مشاعرك وتجاربك. من الواضح أنك تمر بمرحلة صعبة ومعقدة. الجفاف العاطفي والشعور بالوحدة يمكن أن يكونا مؤلمين، وكثيرون يشعرون بذلك في أوقات مختلفة من حياتهم. يُعتبر الزنا معصية في الإسلام، ونفهم تمامًا أن الظروف قد تؤدي البعض إلى اتخاذ قرارات لا يرغبون بها. من المهم أن تعترف بما تشعر به وأن تسعى إلى التوبة والرجوع إلى الله. التوبة الصادقة واللجوء إلى الله قد يفتحان أمامك أبواب الفرج. بالنسبة لموضوع الزواج، من الجيد أنك تدرك أن الارتباط يتطلب استقرارًا نفسيًا وعاطفيًا. قبل أن تفكر في الزواج، قد يكون من المفيد العمل على تطوير نفسك وتحسين حالتك النفسية. يمكنك البحث عن دعم نفسي أو استشارة مختص لمساعدتك في مواجهة التحديات التي تشعر بها. تذكر أن هناك دائمًا إمكانية للتغيير، وأن الله غفور رحيم. اطلب العون من الله في كل خطوة تقوم بها، وثق أن الأمل موجود دائمًا حتى في أعمق الأزمات.
تم النشر الخميس، ١ مايو ٢٠٢٥
مش معنى انك شيخ يبقى ان انت ما بتغلطش هو المجتمع اللي حط في بئر ان الشيخ ما بيغلطش لكن اصل الشيخ هو راجل فالفطره بتغلب
تم النشر الأربعاء، ٢٨ مايو ٢٠٢٥
وبعدين طلما بتعترف بغلطك ده معناه انك مش راضي عن نفسك وانك مستعد للتغير بس ده بصراحه هيجي معا الوقت لما ربنا يختبرك اختبار شديد شويه ساعتها هتعرف انك كنت غلطان وهتبطل ده من نفسك وهتندم كمان بس انا بتمنا انك تعرف الصح ايه وتعملو دلوقتي قبل فوات الاوان حتي لو كان صعب شويه
تم النشر الثلاثاء، ٦ مايو ٢٠٢٥
ولا عارف الحل ومش قادر تعملو ولا محتاج نصيحه؟ وليه مثلا لو اتجوزت هتطلق تاني شهر طيب ما يمكن حالك يتغير للاحسن
تم النشر الثلاثاء، ٦ مايو ٢٠٢٥
سؤال بس يعني انت عارف عيوبك بس مش عارف تحلها؟
تم النشر الثلاثاء، ٦ مايو ٢٠٢٥
لعرض السؤال في فدني اضغط هنا