انا في ولد معايا في الشغل بدأت علاقة ارتباط بينا من سبع شهور و بعد عشم ووعود كتيرة جالي من اسبوعين حرفيا يقولي اننا مش مناسبين * دي حاجة كانت متشافة من الاول و مع ذلك ادينا بعض وقت
الفكرة هنا الشخص ده آذاني اتعدى حدوده معايا دخل حياتي و أكل بعقلي حلاوة زي ما بيقولوا انا كبيرة مش صغيرة بس فعلا اتضحك عليا مش تمثيل مكنتش مدركة أنه ممكن يتلاعب بيا كدة خصوصا أنه ابن رجل دين فالمفروض يبقى عنده الأساس أنه يتقي ربنا
الصدمة ممكن تكون جاية أكثر من الطريقة اللي سابني بيها اللي هو انهاردة حد بيعيد عليك و بيكلمك بكل حب
تاني يوم أصلي مبردش عشان بكلم واحدة أهلى عايزيني ارتبط بيها و بجاحة اني مش من حقي اسأل هو بيكلم مين
كل ده يثبت أنه شخص مش كويس
المشكلة هنا كان في بينا شغل انهاردة فأنا بتعامل بطريقة كويسة عشان مظهرش للناس أن الشخص ده آذاني في حين أنه لسة بيتعامل على القديم نظرات و تلميحات و هزار و تعالي هنا اصل ده بيدخن
و هبقى اكلمك احكيلك و على فكرة لغيت اللي في أيدي عشانك
انا بقى معرفتش اوقف ده يعني واحد بيتعامل بلطف و كأن مافيش حاجة حصلت و انا مأذية بجد و مش عارفة ليه انا سكت و مخلتوش يلزم حدوده و ميهزرش معايا اصلا
معرفتش أوصله اني لا. مش قابله تعامله عادي
و حاليا جوايا رغبة كبيرة أكلمه أوضح نفسي اني مش حابة يبقى هو في حياتي ولا يتعامل عادي ولا مش عادي
تعامل على قد ما مضطرين بس
في نفس الوقت عايزة بردو افضل على قراري اني مدلوش قيمة في حياتي
السلام عليكم طبعا حقك انك تكلميه وترسمى الحدود الجديدة بناءا على اللى حصل والا هيبقى الوضع انك معندكيش مشكلة مع اللى هو عمله بقلة ذوق هو اتكلم عن حدود الحقوق فى انك متسأليش ده دورك تتكلمى عن الحقوق فى انك متتقبليش منه معامله معينه وانك تحدديها بشكل واضح
تم النشر الأربعاء، ٧ مايو ٢٠٢٥
لازم تحطي حدود لده فورا مينفعش يتعامل معاكي بالطريقه دي انتي حاولي بس بهدوء
تم النشر الأحد، ٤ مايو ٢٠٢٥
لعرض السؤال في فدني اضغط هنا