عمري ١٨ سنه المقرأه اللي كنت عاملاها في المسجد فضلت فيها شهرين وبعد كده قعدت منها لما بدأت ٣ث وبعدها بنتين أكبر مني هما اللي بقوا يحفظوا وهما الاتنين مش مناسبين للتحفيظ من ناحية اللبس واحده فيهم لبسها مش شرعي يعني بناطيل وطرح قصيره وحاجات كده ومن ناحية العلم مش عندهم علم كافي نهائي وهنا مش بتكلم عن التجويد بس لأ أنا بتكلم عن القرآن نفسه مش حافظين واحده حافظه ٦ تقريبا وهي صغيره كانت حافظاهم والتانيه حافظه جزئين
المهم إني قررت أرجع تاني علشان التدهور ده
المشكله إن هما الاتنين شايفين إن المقرأه زي الفل ومفيهاش أي غلطه وأنا شايفه العيوب كلها ومفيش حد فاهمني
اتكلمت مع كل واحده إن تحفيظ القرآن محتاج حد متقن فممكن تتعلم الأول بعد كده تعلم
وإني هساعدها تتعلم وهخليها تشارك بردو في المقرأه يعني مثلا تسمع للبنات الصغيرين مراجعه واحده رفضت فكرتي بشكل مباشر وقالتلي إنها عارفه في التجويد وهي بتعرف تحفظ والتانيه سكتت بس جت رخمت عليا في المسجد وخدت العيال وسمعتلهم بالعافيه
بجد أنا في قمة غضبي من المواضيع دي ، عارفه إني غلطت لما سيبت المقرأه من الأول وكل ده بسببي.
البنت اللي خدت البنات بالعافيه شدت معايا في المسجد وقدام البنات بس أنا تجاهلتها وهي كمان بنت عمي
أخدت قرار وأنا في المقرأه في لحظتها وإيديت للبنات معاد جديد وقررت إني هكون مسئوله عنهم في المعاد الجديد وطلبت من البنت التانيه إني مش محتاجه أي حد معايا في مجموعتي
ومجموعتهم هما الاتنين في كذا بنت هيحضروا فيها يبقوا يحفظوهم
بس أنا متضايقه وحاسه بغضب شديد
وأنا واثقه جدا من اللي بعمله لإن في فرق بين الحزم والقسوه أنا بثبت قرارات مش بأذي حد بس هما بيتضايقوا من اللي حازم في قراراته ودي مش مشكلتي
عايزه أعرف هل تصرفاتي دي صح ولا لأ
وعايزه أعرف لو واحده فيهم جت مجموعتي أقولها إيه
أنا مش عايزه أحس بالذنب إني بنفرهم من الدين والقرآن بس أنا جربت أفهمها في البدايه لكن رفضوا
مش عاوزه أحس بالضغط وخصوصًا إني في ٣ث
وهل ده اختبار من ربنا لقوة تحملي وصبري وثباتي على الحق لإني مريت باختبارات كتيره قبل ده في حكاية مفتاح المسجد وحكايات كتيره كده
يا حبيبتي، أول حاجة أشكرك إنك رجعتِ للمقرأة دي، ده دليل على إيمانك وقوتك، خليني أجاوبك بوضوح وأقسّم الرد عشان يبقى سهل: هل تصرفاتك صح؟ صح بنسبة كبيرة : قرارك إنك ترجعي وتأخذي مسؤولية البنات الصغيرين ممتاز، خاصة إنك شايفة العيوب اللي ممكن تؤثر على اللي بيتعلموا قرآن. الحزم في الحق مش قسوة، زي ما قلتِ. رفضكِ مساعدتهم لحد ما يتعلموا أولًا منطقي، وده يحمي جودة التحفيظ. بس في تحسين صغير : الغضب اللي حسيتِ بيه طبيعي، لكن تجاهل بنت عمكِ قدام البنات ممكن يزوّد التوتر. الإسلام بيأمر باللين في النصيحة (سورة النحل: "ادْعُ إِلَىٰ سَبِيلِ رَبِّكَ بِالْحِكْمَةِ وَالْمُوعِظَةِ الْحَسَنَةِ"). المرة الجاية، قولي كلام هادئ زي: "أنا بحبكم ونفسي نتحسن كلنا مع بعض". لو جت واحدة منهم لمجموعتك، قولي إيه؟ رد قصير ولطيف عشان ما تحسيش بالذنب: "حبيبتي، أنا سعيدة إنكِ هنا، بس علشان نحافظ على مستوى عالي في التحفيظ، خلينا نتعلم مع بعض الأول (أنا هساعدكِ في التجويد والحفظ). بعد كده نشارك سوا، ماشي؟" ده يفتح الباب بدون رفض قاسي، ويظهر إنكِ مش بتبعديهم عن القرآن، بل بتحسني الطريقة. الغضب والضغط؟ متحسسيش بالذنب : أنتِ مش السبب في تركك المكان قبل كده (الدراسة عذر مشروع)، ورفضهم النصيحة مش خطأكِ. ركزي على نيتكِ الصافية، وقولي: "اللهم إني أسألك التوفيق والصبر". عشان الغضب : اقري سورة الشرح يوميًا، وخلي جدول زمني صارم للمقرأة (مثلًا ساعة بس يوميًا بعد الدراسة). 3ث مهمة جدًا، فحافظي على توازنك – القرآن بركة، مش ضغط. نصيحة عملية سريعة : ابدئي المجموعة الجديدة بقراءة جماعية كل جلسة. لو التوتر زاد، خصصي 5 دقايق يوميًا للدعاء. أنتِ على حق، يا قمر، استمري بحكمة وثقي في ربنا. لو عايزة تتكلمي أكتر، أنا هنا! 💕
تم النشر الجمعة، ٣٠ يناير ٢٠٢٦
السلام عليكم ورحمة الله وبركاته ـ ابتعدي عنهم وانصحيهم من بعيد لعلهم يهتدون وحذري منهم وانهم جهلاء هذا واجب عليك ـ سبحان الله نري عجائب ـ علي كل حال لايتعلم العلم مستحي ولا متكبر ـ لكن انصحيهم وادعي لهم بالهداية طالما يحافظون علي الصلاة.
تم النشر الجمعة، ٣٠ يناير ٢٠٢٦
لعرض السؤال في فدني اضغط هنا