مش عارفه ابدأ كلامي ازاي بس بقالي سنتين مش عارفه انا مين ولا فين انا حاليا ف تانيه ثانوي تمريض الي هو بعد الاعدادي من بعد ما ظهرت النتيجة وبابا قرر ان هو يدخلي تمريض بس ده مكنش هدفي ولا الي كنت بذاكر علشانه
مكنتش اعرف يعني اي تمريض د اصلا ولا كنت حسباه خالص كنت بتعب وباجي ع نفسي اوي عشان اجيب مجموع عشان بابا يدخلني ثانوي وميقوليش مجبتيش مجموع ف اعدادي يبقي هتيجي ف ثانوي؟
لحد ما النتيجة ظهرت ولقيته بيقولي مجموعك عالي هدخلك تمريض انا اتصدمت مكنتش قادرة انطق ونا مش قريبة من بابا خالص ولا حتى بتناقش معاه ف اي موضوع ولا ف كلام لينا زي اي اب وبنته
المهم انه حتي مقعدش معايا وكلمني وفهمني لا هو قالي هتدخلي ونا مقدرتش اعترض كنت بعيط بس ليل نهار وكانت خناقات بينه وبين ماما عشان هي كمان رافضة اني ادخل تمريض وقدمت الورق واتقبلت وجه معاد اول اختبار كنت مصلية استخارة ولقيت نفسي ف تمريض ف روحت وكنت مقررة اني مش هحل عشان اسقط ف الاختبار بس لقيت ايدي بتكتب غصب عني وخلصت وفعلا نجحت وتاني وتالت اختبار عدوا
دخلت اول سنه مش عارفه اتصاحب ع البنات الجديدة ولا عارفه اعمل صحاب مش عارفه بجد ولا عارفه اتأقلم ع المكان شوفت الغل الي بجد والصحاب المصلحة وكل الحاجات الي كنت بسمع عنها بين الصحاب
مكنتش عارفه اذاكر دماغي كأنها بتقولي والله منا شغالة وما هفهم حاجه لدرجة الميس عملتلي استدعاء ولي أمر عشان عدم مذاكرتي ودرجاتي الي مش كويسه بابا راح واتكلموا وعرفت اني داخله غصب عني وبابا قالي احولك ثانوي عام بس انا رفضت لأن عارفه انه مكنش هيصرف عليا لو حولت وكان كل يوم زعيق
المهم حاولت اروح كورسات بس لحد دلوقتي مش عارفه اذاكر لدرجة اني والله العظيم كنت ف فترة امتحانات الفاينال بروح من الامتحان الضهر انام لحد تاني يوم الصبح و عاديييي كأني داخله محاضرة مش امتحان وكمان ف مواد كتيرة مش بفتحها والله كنت بدخل الامتحان من غير ما افتح الكتب طول السنه
وعلاقتي مع امي مبقتش زي الاول وبقا بيجيلي نوبات هلع كتيرة وصداع مش بيروح بس الحمد لله بحاول التزم ف الصلاة مش بسيب فرض بس للأسف هجرت القرآن وضميرى بيأنبني وبحاول أرجع وبقيت حد تاني معرفهوش ف كل حاجه حتى معاملتي مع اخواتي بطلع كل الزهق الي جوايا فيهم
مبقتش بعرف احكي لأمي بقيت بتخض من اقل حاجه و من اقل صوت ودايما يجيلي رعشه واعصابي بتسيب ع طول ولما بيجيلي نوبة هلع بشد ف شعرى اوصرخ واعور نفسي وبعيط بهستيريه ومش بكون حاسه بحاجة والاقي نفسي بعيط من غير سبب ف اي مكان و اي وقت والصداع بيجيلي بطريقة بشعه وبحس ف ناس بتتكلم ف دماغي وبرد عليهم بس مش بفهم هما بيقولوا اي وبيجيلي افكار وحشه كتيرة
ولما كشفت الدكتور بيقول عندي انفصام ف الشخصية مش بعرف انام غير بعلاج لو مخدتهوش مش بنام وعمرى ما اعترفت بحاجة اسمها شخص مريض نفسي بس انا لأول مرة بقول انا مريضة نفسياا ونفسيتي وحشه والسبب هو ابويااا من وانا طفلة بيعاملني بطريقة وحشه خلاني عديمه الشخصية بخاف من اي حد و اي حاجه معنديش رأي ثابت
بيعامل اخواتي غيرى والله العظيم ابويا عمره ما حضني ولا قالي كلمه حلوة انا محتجاه اويي اوي بجد د حتى لما بكون تعبانه او لو شايفني تعبانة مش بيقولي مالك او عندك اي و بكشف بعد الهنا بسنه لما بكون خلاص هموت
أمي عارفه كل ده ان بسبب ابوياا بس بتقاوح وتقولي بسبب التليفون انتي الاول كنتي بتقعدي ف وسطنا دلوقتي بتقعدي ف اوضتك و لوحدك كل ده حصل من اول ما دخلت مدرسه غير حلمي وكنت بحب اروح الدروس والمدرسه دلوقتي بقيت بحب اقعد ف البيت مخرجش منه لولا ان ممكن اتفصل من المدرسه بسبب الغياب مكنش زماني روحت
وبجد والله مافي شغفففف وعارفه ان ده اختيار ربنا و ده احسن ليا من المكان الي كنت عاوزاه وراضيه بس مش عارفه أتقبل حاسه اني غريبة ومش عارفه اذاااكرررر انا كنت ببص للبنات الي مش بتعرف تقرأ ومش احسن حاجه بس مهتميين بنفسهم واقول هما ازاي كدا ومش بيحسوا ع دمهم
دلوقتي انا شايفة نفسي اقل وافشل واحدة ف دفعتي ودي الحقيقة ودايما بحس يحاجات غريبة وان ف حد واقف ورايا وانا بصلي وبحس بيه مش بتخيل واحلام وحشة وبصحي مش فاكرة الحلم او افتكر منه حاجات تاني يوم وبحس دايما ان ف حد جنبي وبيلمسني او حد بيتكلم مش عارفة مش عارفهههه
دي نقطة من وسط كتاب حياتي الي مش عارفة انظمه الي عنده حاجه يفيدني واسفه اني طولت بس اندمجت وشكرااا
أنا آسفة جدًا إنك بتمري بكل ده، وأقدر إن اللي حصل معاكِ من أول قرار بابا لحد دلوقتي خلّاكِ تحسي إنك فقدتِ نفسك وشغفك تمامًا. مشاعرك طبيعية جدًا بعد الضغط ده كله، واللي بتوصفيه من نوبات هلع وأفكار مزعجة وصعوبة في النوم والتركيز ده شيء حقيقي ومحتاج رعاية مستمرة. بما إن الدكتور شخصكِ بالفعل، استمري في الالتزام بالعلاج والأدوية زي ما هو موصي، لأن ده أساسي عشان تقدري ترجعي تتحكمي في يومكِ تدريجيًا. بالنسبة لإرجاع الشغف الدراسي، ابدئي بخطوات صغيرة جدًا وواقعية تناسب حالتكِ دلوقتي. قسمي المواد لأجزاء قصيرة، زي 15-20 دقيقة يوميًا في مادة واحدة بس، واختاري وقت الصباح أو بعد الصلاة لو قدرتِ، وركزي على فهم نقطة واحدة كل مرة بدل ما تحاولي تلمي كل حاجة. حاولي تربطي التمريض بمعنى إيجابي من منظور إسلامي، زي إنكِ بتتعلمي تساعدي الناس وتخففي عنهم، وده عمل صالح ممكن يجيب لكِ راحة نفسية مع الوقت. اكتبي كل يوم إنجاز صغير حتى لو مجرد فتح الكتاب، عشان تبني إحساس بالتقدم بدل الإحباط. باباكِ وعلاقتكِ بيه جزء كبير من الضغط، وده طبيعي إنكِ تحسي بالغضب والحزن، لكن حاولي تحمي نفسكِ من الزعيق اليومي بإنكِ تخصصي وقت هادي لنفسكِ بعد الصلاة، ولو قدرتِ تتكلمي مع مامتكِ بهدوء عن احتياجاتكِ النفسية. استمري في الصلاة وارجعي للقرآن تدريجيًا حتى لو آية واحدة يوميًا، لأن ده بيجيب سكينة. لو لقيتِ صعوبة في التركيز، جربي تكتبي أهدافكِ الدراسية على ورقة وتراجعيها أسبوعيًا. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ مش فاشلة، وإنكِ بتحاولي دلوقتي ده دليل على قوتكِ. خدي الأمور خطوة بخطوة، وربنا ييسر لكِ ويشفيكِ.
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا