انا خلاص فاضلي اسبوع واخلص ثانويه والامتحانات خسفت بأحلامي الأرض حرفيا انا كنت عايزه طب وتعبت من اول السنه وبابا كان يقولي انتي عملتي الي عليكي وزياده وكلو يقولي كدا بس اخويا قاعد يقارني بواحده صاحبتي ويقولي انتي لو حصلتي كذا يبقا كرامه وكل مايقولولي بعد مارجع من الامتحان الامتحان كان عامل واقول الحمد لله ربنا يقدم الي فيه الخير يقولولي احنا شوفنا الي علي النت سؤال المقالي هو الي كان صعب بس علما أن كلو بيشتكي منو وبشهاده المدرسين وبابا بيقولي الامتحانات متسربه قبل ماتمشي بصي عليها شوفيها مش هتخسري حاجه وانا الصراحه مغشتش لغايه دلوقت سؤال رغم أني مش الي متأكده 100٪ من الي حلاه بس يوم النتيجه انا خايفه لأن لو مجبتش طب هينسو كل تعبي وهبدأ في دوامة المقارنات وبجد انا مش عارفه انا فقدت الامل خالص اني ممكن اجيب حاجه اصلا كل شويه ادعي واقول فوضت الامر إليك يارب بس انا خايفه ومش عارفه اعمل ايه
الخوف جاى من اهلك ومن المقارنات ومن الضغط وان شاء الله هتكونى فخوره بنفسك قدامهم وقدام اى حد لما تخلص ازمة الثانوية العامه دى هتقدرى ان شاء الله تغيرى موضوع ضغطهم عليكى بالمقارنات ده وترفضيه وتتجاهليه لان دى افضل طريقة انك تثبتى نفسك نفسك مش عشان تبقى شبه حد ولا احسن من حد والا كلنا دلوقتى نقعد نعيط اننا مبقيناش فى مكان د.احمد زويل ولا مكان د.مجدى يعقوب لو كلنا بقينا زى بعض هنبقي ملناش لازمه ...المهم كل واحد يؤدى دوره فى مكانه ربنا يهون عليكى الايام دى وتطمنى بالنتيجة ان شاء الله
تم النشر الجمعة، ٧ يوليو ٢٠٢٣
مبائيا كده من قبل أى حاجه أنتي عملتي اللي عليكي و ده كفاية أنو يخليكي تهدي ،،،و احيكي الصراحه على موقفك اللي رفض يغش أو على الأقل يعرف هو هيحل أى بجد احيكي أنت أحسن من 80% من الناس اللي أعرفها ،،، أول حاجه اخوكي رأية مش مهم فيكي طول ما والدك شايف إنك عملتي اللي عليكي يبقى خلاص مش مهم رأي أى حد تاني بس ممكن يكون اخوكي قصدو يضحك معاكي بس منغير ما يعرف بيدايقك بالكلام تاني حاجه يوم النتيجة اليوم المنتظر اليوم اللي هيحدد هنخش كلية إيه لا لا معلش مش ده اليوم اللي هيحدد اللي هيحدد فعلاً التنسيق يوم النتيجة مكمل للتنسيق و أكيد أكيد يعني من بعد امتحان الفيزياء و الكيمياء التنسيق هينزل مش بعيد يوصل زي كليات أدبي فمتقلقيش نهائي و هقولك تاني محدش هيلومك بس أنتي متلوميش نفسك إحنا مش تعبنا طول السنة دي علشان فى الآخر نيجي نقول بس لو كنت عملت كذه.... محدش فينا تعب علشان يقول كده وبس أتمني إنك تحصلي مجموع يرضيكي و الكلية اللي نفسك فيها. بس...
تم النشر الجمعة، ٧ يوليو ٢٠٢٣
حبيبتي انتي عملتي اللي عليكي والمقارنات دي اي اهل سواء ايه بيعملوها حتي لو الفرق بينك وبين حد درجه وطبعا لو فضلت اقولك أن الطب والكليات القمه دي مش مقياس ليكي وأنه مع الكليات الخاصه بقا السوق مليان بيها .. ودا مش مقياس علي تعبك وان حسابات ربنا ليكي والحاجه اللي هيحطك فيها احسن بكتير من اللي انتي عايزاه كملي علي الاخر خير واعملي اللي عليكي لحد اخر لحظه ادعي ربنا يكتبلك اللي فيه الخير محدش عاش الرحله غيرك ولا حد هيقدر مهما كان خليكي فخوره بنفسك وان حاولتي علي الاقل تعملي كل اللي في وسعك هدي اعصابك يا جميله وسيبك من أي حد يقلل منك بجد وادعي ربنا دايما ❤️❤️❤️
تم النشر الجمعة، ٧ يوليو ٢٠٢٣
حاضر ياحبيبتي تسلميلي ❤️❤️
تم النشر السبت، ٨ يوليو ٢٠٢٣
لعرض السؤال في فدني اضغط هنا