حلمي يضيع ولا أعرف كيف أتصرف وصرت مرهقة نفسيًا، ماذا أفعل؟

Question

@أحمد الديب مساء الخير انا طالبه ف تالته ثانوي كنت شاطره جدا جدا وأنا صغيره من ساعة ما دخلت اولى ثانوي حياتي باظت ومبقتش عارفه اذاكر مبقتش بركز نهائي وحصلت لي مشاكل كتير اوي اوي خلت الحلم اللي كله كان حاطه فيا ضاع مبقتش عارفه اتعامل مع حد زي الاول دلوقتي انا في تالته وحلمى بجد اكون دكتوره صيدلانيه واجيبها عشان اكسر عين اي حد بيتكلم بس الموضوع بقا بالنسبالي صعب اوي دماغي بقت دايما تعبانه ودايما مش مركزه بقيت بنام كتير اوي اوي اوي يمكن اكتر من 12 ساعه ومبعرفش اقاوم دا وبالتالي مبلحقش اذاكر ودايما مرهقه نفسيا وتعبانه وعايزه اعيط وأما بقوم بفضل باصه للمعلومه واستحاله تدخل دماغي وفكرة انك تقول لأهلك عايزه اروح لدكتور أو كدا ف هتسمع كلام يأذيك اكتر ماانت اصلا مأذي مع العلم أن الضرر برضو جاي منهم شويه وانا مش عارفه اعمل اي عايزه حد يوجهني ويكون معايا خطوه بخطوه لحد مااوصل.. شكرا

Accepted Answer

مساء الخير على حضرتك دايمآ واحنا صغيرين بتكون عندنا احلام كتيره نتمنى تحقيقها في المستقبل لكن للأسف ان الاحلام دي تبدأ تقل مع الصدام بالواقع وهنا الفرق بين الحلم وبين التنفيذ لأن الحلم بيبص على النتيجة والهدف زي بالظبط ما تبصي على التفاحة ويعجبك شكلها لكن شكل التفاحه دا وراه مجهود كبير بداية من وضع البذور لرعاية الشجر وسقيها ومتمر بمراحل كتير ومجهود كبير علشان تطلع ثمرة جميلة ؛ هكذا احلامنا بتكون شايفة الثمرة دون النظر على التفاصيل اللي بيكون فيها مجهود كبير واللي بمجرد ما ندخل في ذلك الجهد بنلاقي ان الشغف ضاع وضحينا بالحلم بسبب ان الطريق لتحقيقه محتاج جهد واراده هنا بقى هتلاقي ان حلم دكتورة الصيدلة اللي هو حضرتك واقف قدام تحديات كتير منها كثرة المواد أو تراكم المعلومات وقد نواجه ضغط اسري من تنمر او تعنيف او تشدد وايضآ قد نتعرض لضغوط اجتماعية او مادية وكل ذلك قد يجعلك تفقدي الثقة على تحقيق حلمك لكن اللي لازم تعرفيه ان كل تلك التحديات هي كما ذكرنا بالمثال انها تمثل رعاية الزرع علشان يؤتي الثمار اللي تتمنيها وبتحلمي بيها يعني اللي انتي فيه ده هو بعينه الاجتهاد في تحقيق حلمك فلازم تسئلي نفسك دايمآ هل انسحب من تحقيق هدفي واستسلم أو اعاند واجتهد على تخطي العقبات لتحقيق ما اريد ؟ عارفه لو انسحبتي هتدخلي في تحدي جديد بس لهدف ليس لك فيه اختيار ، لان طبيعة الحياة كده طريق النجاح ليس سهلآ ويحتاج لتجديد الشغف دايمآ وبدلآ من النظر على المجهود المبذول لابد وان ننظر على الثمار التي نحصدها من ذلك المجهود ومن الضروري انك تساعدي نفسك بالتحفيز على الاستمرار ودا نحققه من خلال الاتي: ١) استبدال النظر بدلآ من التركيز على العقبات التي تواجهك فمن الضروري ان تنظرين على الهدف والتركيز عليه فقط ومهما كانت التحديات فسوف تنتهي بمجرد الوصول ٢) تجاهل كل السلبيات التي قد تواجهك سواء من تنمر او تعنيف واعتبارها ضريبة الوصول للنجاح ٣) تأكدي ان الهدف قد اقترب لأن ما مضى من مراحل تعليمك ما بين ٦ اعوام ابتدائي و٣ اعدادي و٣ ثانوي فقد انتهى تقريبآ ١٢ عام وما بى اقل مما مضى إلا أن ما بقى هو بمثابة تسوية الثمرة قبل قطفها ٤) من المهم تنظيم وقتك ما بين المذاكرة ولو لمدة سعتين باليوم وما بين النوم جيدآ + ممارسة هواية او رياضة او وسيلة ترفيه عن نفسك يوميآ ٥) مصاحبة الناجحين والمتفوقين حتى نستفاد من علمهم ونجاحهم وبالتالي نتجنب الفاشلين والباكيين والمتشائمين حتى لا نعتدي منهم ٦) عليك ان تأخذي الامر انه مسئلة حياة او موت (حياة إذا ما حققنا الهدف وعشنا كما نريد وموت إذا ما تخلينا عنه واستسلمنا لكل الضغوط وعليك بالعناد والصمود حتى نحتفل بنجاحك وتفوقك يادكتورة) ٧) كتابة اسم الدكتور (اسمك)في ورقة كبيرة او لوحه ووضعها على باب غرفتك او على مكتبك او فوق سريرك ودائمآ انظري لها ٨) لا ننسى ان الرسول أمرنا بالتفائل وحثنا على السعي وانت ما عليك إلا بالتفائل وحسن ظنك بالله والسعي قدر استطاعتك ثم ترك التوفيق على الله وهو لن يخيب ظنك به ويارب يوفقك ويصلح حالك

حلمي يضيع ولا أعرف كيف أتصرف وصرت مرهقة نفسيًا، ماذا أفعل؟

نفسية

تعليمية

سؤال من 🦋 🦋

تم النشر الخميس، ١٨ ديسمبر ٢٠٢٥

1 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك