السلام عليكم ورحمة الله وبركاته
معايا صاحبتي من ابتدائي صحاب جامد بس احنا دلوقتي تالتة ثانوي عشان في مرة مقولتلهاش هناخد ايه في الحصة اتخانقت معايا ونزلت استوري بتقول أصحاب السوء وذو الوجهين والحاقد والحاسد وانا مضايقة منها وهي قليلة ذوق جدا في كلامها وصلتني لدرجة اني دخلت اسأل المفروض اعمل ايه
السلام عليكم ورحمة الله وبركاته ـ الافصل نصحها بالمعروف وارشادها لعلها تغير من نفسها. لقول النبي ﷺ لمؤمِنُ مِرآةُ المؤمنِ. ولو كل مسلم وجد من أخيه المسلم سوء فتركه ولم ينصحه ويرشده لتفرقنا جميعا. الافضل بلا شك نصحها لعلها اتبعت عاطفتها او كانت في ضيق فقالت هذا ـ واذا ظهر منها سوء واضح وسوء اخلاق وهذا يعود. بالضرر عليكي هنا تركها افضل.
تم النشر الخميس، ١٣ نوفمبر ٢٠٢٥
مش بالعمر علي فكرة ولا انتوا بقالكوا كام سنة مع بعض ودي تقريبا مش صاحبة اصلا لان الصحبة اللي بجد اللي تتخانق معاكي في الوقت دا يا اما علشان مصلتيش فرض او انك اهملتي في مذاكرتك او متخانقة مع والدتك مثلا دي الصحبة اللي تستاهل نقول عليها صحبة كويسة وبتحبك وخايفة عليكي نفس خوفها علي نفسها لكن هي كدا بتشوش عقلك عن المذاكرة ف من وجهة نظري ابعدي عنها وخلي بينكم مسافة متحكيش ابدا علي مذاكرتك قدامها ولا علي خصوصياتك وركزي في مذاكرتك وربنا معاكي يا رب
تم النشر الأربعاء، ١٢ نوفمبر ٢٠٢٥
اولاً ، ابعدى عن اى حد بيتعامل بالطريقة دى حتى لو هى صاحبة عمرك ماهى مش بالسنين اصلها ، ثانياً انت فى فترة من اهم فترات حياتك اللى لازم تركزى فيها جداً وتفوكك من اى حاجة تضايقك ونصيحة منى ماتركزيش مع صاحبتك دى ولا مع غيرها ، تجاهلى الجميع وركزى فى دراستك وهدفك علشان ماتندميش بعدين على كل دقيقة تضيع منك ، ركزى مع هدفك فقطططط، ولا تسمحى لاى حاجة تاخد منك وقت او مجهود يعطلك عن هدفك
تم النشر الأربعاء، ١٢ نوفمبر ٢٠٢٥
وعليكم السلام ورحمة الله وبركاته يا حياتي — أنا أفهم قد إيه الموضوع ضايقك، خصوصًا إن صحبتكم طويلة والجرح من واحد مقرّب بيبقى أعمق. هحاول أديك خطوات عملية تساعدك تتعاملي مع الوضع بهدوء وكرامة. 1) اهدئي وخدي وقت قصير - قبل أي رد فعل، خدي نفس (لمدة قصيرة) وابتعدي عن الرد على الستوري فورًا. القرار الهادئ أحسن من ردة فعل ممكن تندمي عليها. 2) فكّري في الهدف - عايزة ترجع العلاقة زي الأول؟ عايزة اعتذار؟ ولا عايزة تفرقي مسافة؟ لما تعرفي الهدف يبقى أسهل تختاري الطريقة. 3) اتكلمي معاها خصوصي وبصراحة - الرسائل العامة أو الردود قد تصعّب الموقف. ارسلي لها رسالة خاصة أو اتكلمي وجهًا لوجه لو ممكن. استخدمي جمل تعبر عن مشاعرك بدل الاتهام: مثال: - "أنا زعلانة جدًا من الستوري اللي نزلتيه، حسيت إنه وصفني بكلام جارح. ممكن تشرحي لي ليه نزلتيه؟" - لو عايزة تكوني أكثر حزمًا: "الكلام ده أذى مش بسيط بالنسبة لي. أتمنى تشيلي الستوري وتعتذري لأن الموضوع أثر فيا." 4) اطليها فرصة تفسّر وتعتذر - اديها فرصة تشرح موقفها — ممكن يكون سوء تفاهم أو مزحة ما كانت تقصدها بطريقتها. لو اعتذرت بصدق، فكّري تقبلي الاعتذار أو تتفقوا على حدود جديدة للعلاقة. 5) انتي تحطي حدود لو استمرت - لو رفضت تمسح الستوري أو استماتت في الإهانة، ساعتها ليكي الحق في حفظ نفسك: قللي التواصل أو خدي مسافة مؤقتة. المسامحة منقوطة بالسلوك المستقبلي — مش معناه تضيعي حدودك. 6) لا تردي عليها بمثل الشيء - الانتقام أو نشر كلام عنها يضر بكرامتك وبالعلاقة أكثر. الأفضل تظلّي أكبر وأهدى — هذا يعطيك قوة نفسية ويبعد المشاكل. 7) بعد القرار: اعتني بنفسك روحياً ونفسيًا - صلي وادعي، اطلبى من الله الثبات والحكمة. المسامحة أمر محمود في الإسلام، لكن ليست معناها استمرار التعرض للإساءة. افعلي ما يحفظ كرامتك. لو حابة مشورة أعمق (استشارات نفسية أو لفظية) ممكن تلاقي خبراء على صفحة الخبراء في Fedni — وأنصحك كمان تدوري على أسئلة مشابهة في فدني يمكن تلاقي تجارب ونصايح تفيدك. أنا معاكي، واحترمي مشاعرك وكرامتك — ولا تنسي إن الحق في السلامة النفسية أهم من أي علاقة مضرة.
تم النشر الثلاثاء، ١١ نوفمبر ٢٠٢٥
الصراحة الاحسن انك تبعدي عنها لأن الشخص اللي مش بيعذر غيره ولا يعرف يسامح فده هياثر علينا بالسلب ولو عاوزة تحاولي معاه مرة كمان ده اختيارك بس حافظي علي مشاعرك انك لوفشلتي متكونيش ضعيفة
تم النشر الخميس، ١٣ نوفمبر ٢٠٢٥
لعرض السؤال في فدني اضغط هنا