كيف أتعامل مع ضغط النفس والمشاعر حتى لا يدفعني إلى تصرفات أعلم أنها خاطئة ثم أندم عليها؟

Question

السلام عليكم ورحمة الله وبركاته في موضوع انا عملته غريب شوية وانا مش عاوزة اقع فيه تاني عشان بجد اي حاجة بتحصل بتقصر في جميع جوانب حياتي انا في فترة كنت مضغوطة جدا لدرجة ان كنت محتاجة اتكلم واطلع كل اللي جوايا بس مش قادرة احكيها لحد يعرفني عشان مش عاوزة احكام انا فكرت ان ممكن احكيها لشخص مجهول مثلا ولا انا اعرفه والشخص ده يعرفني الشيطان اقنعني بكده مع ان كنت بمانع نفسي بس سبحان الله لقيت قدامي برنامج تعارف وحاجات كده حملت البرنامج واللي حصل ان معجبنيش اللي بيحصل في البرنامج لدرجة ان فكرت نفسي مصلحة اجتماعية وكنت بقولهم ان ده حرام ومش ينفع كده والكلام ده بس في الآخر انا اللي طاقتي بتنفد للأسف وكنت بحس بصداع وخمول من كتر ما كنت متوترة مكنتش متوقعة كده ابدا المكان مش مكاني والكلام اللي بيتكلموا فيه مش ده اللي كنت عاوزة اتكلم فيه نهائي انا عارفة اللي عملته خطأ كبير او ان افكر حتى ان اكلم شخص انا مش اعرفه دي حاجة غريبة بس انا مش عارفة عملت كده ازاي الموضوع مش في كده الموضوع ان كنت بمسحه وبحمله تاني كذا مرة كنت فاكرة ان هقدر اسيطر على نفسي لحد ما خليت حد من اخواتي يغير الباسورد اللي دخلت بيه التطبيق ويبقى بس هو اللي عرفه ومسحته خالص انا بحكي ده كله عشان عاوزة مساعدة المفروض لما احس احساس زي كده اعمل ايه ؟ وازاي ابعد نفسي عن اي حاجة بعد كده زي كده لأن بجد انا بتعب والله .

Accepted Answer

كويس إنك عرفتي إن ده كان غلط، والأحسن كمان إنك غيرتي الباسورد وخليتي حد من اخواتك يعرفه. بعد كده لو حسيتِ إنك مخنوقة ومحتاجة تطلعي اللي جواكي، حاولي الأول تلجئي لربنا. اتكلمي معاه، ادعيه، وطولي في السجود، أو حتى اقعدي شوية عند الشباك أو البلكونة بصي للسما واحكي لربنا كل اللي في قلبك. مفيش حد أرحم بيكي منه، ولا أحن عليكي منه، وهو سبحانه أقرب ليكي من أي حد. وممكن كمان تعودي نفسك على الكتابة، اكتبي اللي جواكي في نوتة أو في الموبايل، ساعات مجرد إنك تطلعي الكلام من دماغك بيريح جدا. وحاولي تشغلي وقتك بحاجات مفيدة أو حتى ترفه عنك شوية، لأن الفراغ والضغط بيخلوا الواحد يعمل حاجات هو نفسه بعد كده يستغربها.

Answer

وعليكم السلام ورحمة الله وبركاته. أولاً، أحييكِ على شجاعتك في مشاركة تجربتك بهذه الصراحة، فهذا بحد ذاته خطوة مهمة نحو السيطرة على الموقف. ما مررتِ به طبيعي في فترات الضغط الشديد، حيث يحاول العقل البحث عن أي مخرج سريع للتنفيس، حتى لو كان غير مناسب. المهم أنكِ أدركتِ الخطأ واتخذتِ إجراءً عمليًا بإشراك أختكِ، وهذا يدل على قوتكِ الداخلية. للتعامل مع الضغط النفسي والمشاعر قبل أن تدفعكِ إلى تصرفات تندمين عليها، ركزي على بناء "خطة وقائية" مسبقة بدلاً من الاعتماد على قوة الإرادة لحظة الضغط. حددي مسبقًا الأنشطة البديلة التي تشغل طاقتكِ وتفرغ التوتر بطريقة تتوافق مع قيمكِ، مثل قراءة القرآن أو الاستماع إلى محاضرات إسلامية مفيدة أو كتابة يومياتكِ الخاصة دون مشاركتها مع أحد. هذه الأنشطة تساعد في إعادة توجيه الطاقة السلبية إلى شيء إيجابي ومثمر. ثانيًا، مارسي "الوقفة الواعية" عندما تشعرين بالرغبة في التصرف الخاطئ: توقفي فورًا واسألي نفسكِ "ما الذي أحتاجه حقًا الآن؟" غالبًا ما يكون الجواب هو الراحة أو الاستماع أو الشعور بالأمان، وليس التطبيق نفسه. ثم طبقي خطوة عملية مثل حذف التطبيق أو تغيير كلمة المرور أو الخروج من المنزل للمشي في مكان آمن. كرري هذه الخطوة حتى تصبح عادة. ثالثًا، عززي الجانب الإيماني بتذكير نفسكِ بأن الله يرى ويسمع، وأن الندم الحقيقي يبدأ بالتوبة والعزم على عدم العودة. اجعلي من هذه التجربة درسًا لتقوية حدودكِ الشخصية، مثل تجنب تحميل أي تطبيقات مشابهة مرة أخرى، والبحث عن طرق أخرى للتعبير عن مشاعركِ مثل الصلاة أو الدعاء بصدق. أنتِ قادرة على تجاوز هذه الفترة، فقد أثبتِ ذلك بالفعل عندما طلبتِ المساعدة من أختكِ. استمري في البحث عن أسئلة مشابهة على فدني للحصول على وجهات نظر إضافية، وتذكري أن كل خطوة صغيرة نحو السيطرة على نفسكِ هي نصر كبير.

Answer

كل ما الحاجة اللى منقدرش نستغنى عنها بعدنا عنها كل ما الوقت زاد كل ما الاحتياج قل او حتى الاحساس ب دا ف انتى بتحاربى نفسك فى الأول زى ما انتى فعلا عملتى ب انك منعتى دا بتغير الباسورد وهكذا بيعدى ٢١ يوم بتلاقى الأمر بقى عادى وكل ما المدة تتطول من غير استخدامك دا بيزود نسبة استغنائك + زاحموا السيئة بالحسنة حاولى تعملى حاجة جديدة ولنعتبر ورد قرآن مثلا فاهمة

كيف أتعامل مع ضغط النفس والمشاعر حتى لا يدفعني إلى تصرفات أعلم أنها خاطئة ثم أندم عليها؟

نفسية

خوف

سؤال من احد أعضاء فدني

تم النشر السبت، ٤ يوليو ٢٠٢٦

3 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك