السلام عليكم ورحمة الله وبركاته..
انا مخطوبه لشخص عن حب بس هو شخصيته مميزه "مختلفه"شويه عن أي حد بمعني أن أي فهم بيفهمه اي كان صح او غلط فهو بالنسبه ليه صح مهما حد اتكلم معاه أنه غلط فهو مش بيقتنع غير لنفسه وغامض جدا بس يشهد ربنا اني بحبه وعارفه أنه بيحبني انا دلوقتي اي حاجه بتحصل مني اوقات كتيره بتزعله مني وكتر غلطي وبحاول أفهمه اللي حصل بس هو عنده اني غلط اي كان سبب غلطي دا غصب عني أو برضيا ف هو غلطي وأوقات بيكون بسيط بس بيزعله وانا والله العظيم م بيكون قصدي أنه يزعل وأوقات كتير ببقي زعلانه بس بجي علي نفسي واعدي وأما بكون زعلانه من كلمه بتصالح إنما هو يفضل لكذا يوم وممكن تطول ومش بيرضا يقتنع بكلامي ويفضل يتهمني اني بتحجج وبحاول أفهمه بس برضوا لا هو شاف من أهلي وحش كتير وتعبنا حرفيا واتعذبنا علشان ربنا يكرمنا ونكون لبعض بالله حد يقولي اعمل اي انا بحاول ب أقصي جهدي اني احافظ علي علاقتنا لأن ماليش ف الدنيا غيره حرفيا ممكن حد يقولي بجد اعمل اي اتعامل ازاى لاني بقيت بخاف اتكلم أو اعمل اي حاجه ليزعل مني بجد يارب يجمعنا ف حلاله عن قريب
ان الشخص شايف نفسه صح على طول ...دى مش ميزة خااالص ...ده نوع من الكبر حطى كل حاجة فى مسماها الصحيح ...حتى لو انتى حاباه على كده ..مفيش مشكلة ..بس عشان تكونى واضحة مع نفسك النوع ده للاسف هتعيشى طول عمرك بتحاولى ترضيه ومش هيعجبه بردوا هو اصلا بيستمتع باحساسه انه واخد سلطة انه يقول صح وغلط ومش هيستغنى عن اللقطة دى ابدا حتى لو بقيتى روبوت بيعمل الحاجة بالظبط نصيحتى واضحه من كلامى وصعب ااقدملك نصايح تخليه يرضى عنك يعنى
تم النشر الثلاثاء، ٣ أكتوبر ٢٠٢٣
علشان أكون صريحة معاكي .. تصرفات خطيبك لا تبشر بالخير ابدا! يعني ايه فاكر نفسه صح علطول؟ اللي فاكر نفسه صح علطول ومش بيغلط، ده حرفيا مش هينفع تاخدي معاه ولا حق ولا باطل، هيفضل يلففك كده حوالين نفسك. لان من كلامك بيدل انك بتحاول ب اي طريقة انك تراعيه وهو ولا هو هنا اصلا! يعني تقعدي انتي تحاولي تعدلي من نفسك، وتحاولي متزعلوهوش .. لدرجة شوفي هو وصلك ل ايه!!! وصلك انك تيجي وتسألي ازاي ميزعلش منك! وصلك انك تقتنعي انك الغلطانه! مش هو اللي مثلا شايف نقسه صح علطول؟ مش هو مثلا اللي ولا بيراضيكي ولا اي حاجه؟ مش هو مثلا اللي بيكبر المواضيع؟ مش هو مثلا اللي بتحاولي باقصى جهدك ان حضرته ميزعلش وف الاخر يقولك بطلي حجج ويطلعك برضه غلطانه! شوفي هو وصلك ل ايه؟ ياريت نسيب معلش الحب في حاله دلوقتي، لان الحب مش هينفعك في حاجه بعد ما سالوبه ده يلففك بيه حوالين نفسك، ياريت نفكر هل الشخص ده كويس ولا لا؟ هل الشخص ده فيه توافق معاكي من كل الاتجاهات او لا؟ هل الشخص ده بتعرفي تتكلمي معاه ولا لا؟ لانك اساسا خايفة .. خايفة تتكلمي معاه ليحصل مشكلة؟ هل ديه علاقة صحية اصلا؟ هو المفروض الخطوبة اتعملت علشان نخاف نتكلم مع بعض للطرف التاني يزعل؟ ولا اتعملت علشان نشوف هل هنقدر نكمل ولا لا؟ هل الشخص ده فعلا صريح مع نفسه ومعاكي ولا لا؟ من كلامك انا شايفة انه ما شتء الله بغموضه ده شايف انه ولا هنا ولا هناك وصح ديما! يعني طالما هو صح علطول .. خلاص بقى كلامك هيروح فين جمبه؟ ياريت تفكري ف العلاقة ديه كويسة قبل الزواج، وتقيميها صح، وبلاش الحب يكون هو الركن الاساسي والاول والاخير!! ربنا معاكي ويوفقك
تم النشر الثلاثاء، ٣ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة ربنا يتملك بالخير ويكتبلك الصالح المفروض ان فترة الخطوبة اتعملت للتعارف يعني اعرف الشخص دا شخصيته طباعه اهله هل في توافق تفاهم مساحة كلاميه واكيد مع المواقف بيبان ومع ذلك في ناس مش بتقدر تفهم الشخص اللي قدامها برده وتتفاجأ بالواقع بعد الزواج سواء الحلو او الوحش انتي ذكرتي موضوع واحد اسالي نفسك؟؟ هقدر استحمل الطبع ده علطول ؟طول العمر؟ هل متاح اتناقش معاه فيه؟ لو حصل وانا متاكده اني صح بس هوا شايف اني غلط ممكن تكون ردة فعله ايه ؟هتعامل ازاي ؟ لو فرضا زعل مني تصرفي ده موافق الي جوايا ولا بمشي الدنيا؟ ربنا مايجيب امر سيئ بينكم بس الحياة فيها تخبطات كتير ومواقف هيكون تعاملكم فيها ازاي ؟ ممكن تتكلمي معاه ان يكون في رولز بينكم تمشوا عليها ويكون في مناقشة ناضجة بحيث كل واحد يقول اللي عنده بدون زعل ونوصل لحل يرضي الطرفين ربنا يصلح مابينكم ويصلحكم
تم النشر الثلاثاء، ٣ أكتوبر ٢٠٢٣
في فرق إن أنا صح وإن أنا شايف نفسي صح أنا صح يبقي فعلا تصرفاتي تستاهل إن انا ازعل أو أضايق من الشخص دا عشان علي حق.ومفيش حد بيموت من الزعل بس الزعل كفيل يموت اي حاجة حلوة بين اي إتنين. وفترة الخطوبة تعارف وقبول وفي الأخر دي حاجة ترجعلك إسألي نفسك ياتري الشخص دا بعد الجواز هيكون عامل إزاي طب هل هنوصل لحلول لاي مشكلة هتحصل ولا هيتصرف بطريقة تانية وفي الجانب الأخر حطي كل الإحتمالات يمكن يكون مخنوق حاجة مضايقاة ضغوطات من الشغل من حجات كتير الدنيا بقت صعبة علي الناس كلها الكاس لا يمتلئ من نقطة والإنسان لا يغضب من كلمة القصة كلها تراكمات. وربنا يهديكو لبعض وإن شاء الله خير💚
تم النشر الأربعاء، ٤ أكتوبر ٢٠٢٣
متزعليش من كلامى ده الى حد ما نرجسي وهيطلع عينك بعد الجواز صدقينى لو كت لقيت حد ينصحنى قبل الجواز كت عملت بالنصيحه ، احسن ما تخديها بعد الجواز ويكون الوجع اكبر ،،، متكمليش معاه انفدى بجلدك منه عارفه انه صعب وانك بتحبيه بس ده شخص سام وهتتعبى معاه وانصحك بعد ما تفركشي معاه تاخدى هدنه وتعالجى نفسك لانك طالما انجذبتى لهذا الشخص يبقى انتى جواكى تعبانه عندك احتياج عاطفى او نقص فى ثقه بالله عليكى خدى النصيحه من مجرب قبل ما تتدمرى اكتر من كده
تم النشر الثلاثاء، ٣ أكتوبر ٢٠٢٣
انت بتتنازلي عن حقك من دلوقتي الشخص اللي يخليكي تعملي كده من قبل ااجواز هيعمل اسوأ واسوأ بعد الجواز فنصييحه سيبيه
تم النشر الأربعاء، ٤ أكتوبر ٢٠٢٣
لعرض السؤال في فدني اضغط هنا