السلام عليكم
بأختصار
انا شاب متجوز
معايا بنتين سنه ونص والتانيه شهر
زوجتي بتحب الاعده عند اهلها ب ال 10 أيام والشهر
وكذا مره انبهها لو بتحبي تباتي عند اهلك مكنتيش اتجوزتي
فا الحل ايه ؟
بص هي ممكن تكون بتحب تقعد معاهم كتير ولكن من حقك حاجه تضايقك ف انت كلمها بس من ناحية دلع يعني اقعد معاها وفهمها براحه بدلع وكده الشويتين دول لكن متقولش الجمله اللي انت قولتها دي عشان بصراحه حرقت دمي انا ...فانت جبلها من ناحية هزار الاول يعني مثلا مثال مش ملاحظه انك بتقعدي بالايام و الشهور عند اهلك ف نشوف ردها لو كان تقبل للكلام ادخل بقا وقولها طب خفي العيال بتوحشني ومش عارفه اي والكلام بتاعكوا دة اللي بتاكلوا بيه عقلنا ولو رفضت او طريقتها ضايقتك متتعصبش اياك تتعصب عشان هتنكد عليك خليك هادي ومبتسم وبتسمعها تقولك مبتسم ليه قولها اي كلام رومانسي يسكتها وبعدها قولها بقا ان هي بتوحشك هي والعيال وغيابها بيسيبلك فراغ وبتحس يومك م متظبط و شويه كلام حلو كده هي المفروض بقا تحس بيك و تقولك ماشي لو بقا قالت لا حاول تاني بطريقه برضو دلع وكده وقولها وبينلها انهم بيوحشوك اهم حاجه تبينلها النقطه دي بس بهدوء وحب و دلع والله بكلمتين حلويين هتخليها زي العجينه بتتشكل في ايديك ❤️ ولو منفعش كلم ابوها او امها او كبير اهلها يعني بهدوء برضو وقولهم ان هي بتوحشك والبيت وحش منغيرها وشويه الكلام دة يعني ع الاقل تروحلهم يومين في الاسبوع م اكتر بس كده وبالتوفيق و لاحظ كلامك قبل ما تقوله لاننا ب كلمه ممكن نقلب الحوار عليك😁او ممكن يكون انها تشيل البنتين دة صعب عليها ف بتروحلهم يشيلوا عنها شويه ماهو موضوع صعب م بالسهوله اللي انت متخيلها ف ممكن بتقعد كتير عشان تحس براحه ولما تبقى كويسه بترجعلك تاني ف انت كلمها برضو في الحته دي بهدوء ودلع وياريت تشاركها الحِمل اللي هي فيه موضوع مش سهل يعني بذات ان البنتين صغيرين ومحتاجين اهتمام مضاعف هما الاتنين وربنا يقويك ويقويها ويخليلكم بناتكم الحلويين❤️❤️❤️
تم النشر الثلاثاء، ٢ ديسمبر ٢٠٢٥
وعليكم السلام ورحمة الله يا أستاذ. فهمت موقفك — تحس إن زوجتك تروح وتجّي عند أهلها عشر أيام كل شهر، وانت زعلان من الكلام اللي بتقوله أحياناً. خليني أديك خطة عملية بسيطة وهادية تقدر تبدأ بيها عشان تحسن الوضع بدون تصعيد. 1. هدّي الموقف وابدأ بحوار عاطفي - اختَر وقت هادي (مش وإنت غاضب أو هي مضغوطة). ابدأ بكلام لطيف: "أنا بحبك وبقدّر إن علاقتك بأهلك مهمة، بس في حاجة مضايقاني وعايز أتكلم فيها." - استخدم "أنا" بدل "إنت" (مثلاً: "أنا بحس إن وجودك بعيد عن البيت بيخليني مضغوط" بدل "إنت دايماً عند أهلك"). 2. اسأل واستمِع لمعرفة السبب الحقيقي - ممكن تكون تبات عند أمها لأن بتحب المساعدة في تربية البيبي، أو للراحة بعد الولادة، أو لأن علاقتها بأمها قوية، أو لأن البيت عندكم غير مريح. اسأل بهدوء: "ليه بتحبي تقعدي هناك؟ إيه اللي بيخليها أحسن بالنسبة لك؟" 3. وضّح احتياجاتك وحدودك واقترح حل وسط - اشرح إيه محتاجه أنت (وجودها لوقت كافي مع البنات، تنظيم البيت، مشاركة المسؤوليات). - اقترح حلول وسط: مثلاً تقليل الأيام إلى 4-5 بدلاً من 10، أو تحديد أيام ثابتة كل شهر، أو تكون زيارة لكن أهلها ييجوا عندكم لبعض الأيام، أو تتناوبا على البقاء عند أهلها بحيث تكون التبعية منظمة. 4. عملي: رتّب جدول تجريبي - اقترح تجربة لمدة شهرين بخطة جديدة (مثلاً: هي تقضي 5 أيام عند أهلها كل شهر، وفي الأيام الثانية تكون موجودة بالبيت). بعد الشهرين اجتمعوا وقيّموا. - الاتفاق المكتوب أو المتفق عليه كلامياً يساعد على الالتزام ويقلّل الاحتكاك. 5. شارك المسؤوليات عندما تكون هي عند أهلها - لو هي تغيب بسبب حاجات عملية (رعاية الأطفال، مساعدة أهلها)، اعرض ترتيبات بديلة: زي طلب مساعدة من أهلكم أو استئجار مساعدة مؤقتة، أو تغيير نظام النوم/القيام بالمهام فيما يخص رعاية الأطفال أثناء غيابها. 6. راجع أسلوبك في الكلام - كلامك "لو بتحبي تباتي عند أهلك مكنتيش اتجوزتي" جارح ويخلي الدفاعية تزيد. استبدله بجمل بنّاءة ومشجعة على التفاهم. 7. البعد الديني/الاجتماعي - الإسلام يقدّر صلة الرحم وحق الوالدين، وفي نفس الوقت الزواج شراكة، والبيت يحتاج اتفاق بين الزوجين. الحل في التفاهم والرحمة والعدل بين الحقوق والواجبات. 8. لو ما اتحسّن الوضع - لو حاولت ولسه في تعارض مستمر أو شعور بعدم احترام مستمر، ممكن تفكر بمشاورة مستشار أسري/مدرب حياة يساعدكم على التواصل وحل الخلافات. تقدر تلاقي خبراء على صفحة الخبراء في Fedni: https://www.fedni.net/experts - كمان ابحث في فدني عن أسئلة مماثلة للحصول على تجارب ونصائح إضافية. جملة بسيطة ممكن تبدأ بيها الحوار: "حبيبتي، أنا مقدّر قد إيه علاقتك بأهلك مهمة، لكن وجودك هنا معنا مهم جداً لبناتنا ليهم احتياج ليكي. ممكن نتفق على جدول نجربه شهرين ونشوف أحسن حل للجميع؟" لو تحب أساعدك أحضر نقاط للحوار أو أكتب لك نص كامل تقدر تقوله، قلّي — ذكية هنا تساعدك خطوة بخطوة.
تم النشر الاثنين، ١ ديسمبر ٢٠٢٥
هي معاها حق مش هتسيب بيتها وتطلع تاجر برا ولو فيه مشاكل في البيت حاول تراضيها وخليك واقف جمبها وقولها مش الحل انك تسيبي بيتك وتروحي عند اهلك لا راضيها بالكلام وقولها كلمه حلوه وخفف عنها ودايما قولها انا معاكي ومش هخلي حد ييجي عليكي
تم النشر الاثنين، ١ ديسمبر ٢٠٢٥
جزاكم الله كل خير
تم النشر الثلاثاء، ٢ ديسمبر ٢٠٢٥
ونحن قوم أعزنا الله بالإسلام
تم النشر الثلاثاء، ٢ ديسمبر ٢٠٢٥
قد يكون تعلقك الزائد بها هو سبب نفورها .. مش بقول لك اتكبر ولكن بقول لك خليك صاحب عزة نفس
تم النشر الثلاثاء، ٢ ديسمبر ٢٠٢٥
ونا شايفه ان حضرتك بتحبها اوي يعني وده كويس بس اتأكد انها كمان بتحبك وهتفضل معاك وهتعمل الي ميتعملش عشان تكملوا
تم النشر الثلاثاء، ٢ ديسمبر ٢٠٢٥
عوزه اعرفك حاجه كمان هي ليها حق انها دايما متساهله الموضوع وتروح لاهلها عشان شايفاك بتعمل كل حاجه و مبين انك متقدرش تعيش من غيرها وهو الأحساس ده حلو وكل حاجه بس م دايما كده هتتعود خلاص انك الي بتعمل حاجه وحرفي انت لو مقعدتش معاها وفهمتها الكلام مره واتنين وتلاته هتخسروا بعض وممكن توصل لطلاق بس صدقني مش بكبر الموضوع بس انا بقول كده عشان تشوفوا حل مع بعض بالتفاهم وعشان ف حالات زيكم الموضوع بيكبر معاهم حاليا اعمل الي عليك
تم النشر الثلاثاء، ٢ ديسمبر ٢٠٢٥
وياريت تقرب من ربنا أكثر وانت هتلاحظ الفرق و مش هتصدق كرم ربنا اللي هيجيلك فجأة وأنا عارفه انك بتحبها ومش قادر تبعد عنها حتي ولو في سبيل شغل وربنا يديم الحب والمودة والرحمة ما بينكم ولكن ما تستناش من كل النصائح اللي انا قولتلك عليها دي حتي لو بتعملهم كلهم وحتي لو أكتر منهم يعملوا تأثير وانت أصلاً مش قريب من ربنا فاهتم بصلاتك وكل من كان مع الله لم يرده الله خائباً أبداً
تم النشر الثلاثاء، ٢ ديسمبر ٢٠٢٥
وبتقطع من جوايا فعلا وهما بعاد عني.. وفكره اني اجيب شكله ملك ب نص مليون او اقل كا ماديا مع مسئوليه فتح البيت هتاخد وقت مش بالساهل برده
تم النشر الثلاثاء، ٢ ديسمبر ٢٠٢٥
الواحد الصراحه بيحبها و بقول لو لفيت الدنيا مش هلاقي زيها ومقدرشي اتجوز عليها لاننا واخدين بعض عن حب حقيقي وجوزنا مش تقليدي وعشان كدا بزعل اوي اوي اوي لو هي بعيد عني بحس بسعات اني بموت وهي وعيالي بعاد عني لأني متعلق بيهم بطريقه متتوصفشي
تم النشر الثلاثاء، ٢ ديسمبر ٢٠٢٥
أنا فاهمة تعبك من الموضوع بس مش ممكن طالما انت شايف المشكلة تعتبر محلولة بالنسبة للماديات أو أقصد المسؤوليات ..مش ممكن يكون الموضوع ديني وروحي شوية
تم النشر الاثنين، ١ ديسمبر ٢٠٢٥
فا حاليا اي وقت تتعب فيه او العيال يتعبوا تروح بيت اهلها ب الشهر
تم النشر الاثنين، ١ ديسمبر ٢٠٢٥
وعرضت اكتر من مره اخد شقه بره عشان نحل الامر وهي رافضه تطلع من الملك ل الايجار
تم النشر الاثنين، ١ ديسمبر ٢٠٢٥
المشكله ف ان العيال بيتعبوها واحنا قاعدين ف بيت عيله وهي ف خصام مع علتي ومش بيكلموا بعض غير السلام وبس
تم النشر الاثنين، ١ ديسمبر ٢٠٢٥
انا الي بغسل هدومي.. كل التزامات البيت انا الي بجبها مش بتنزل السوق.. وبعمل اكل لنفسي ف بعض الاحيان.. وكل اسبوع فيه خروجه.. وكل 4 تيام بننزل خروجه بسيطه
تم النشر الاثنين، ١ ديسمبر ٢٠٢٥
كلمها بالهدوء والعقل مره واثنين ولو هي مصممه علي كدا برضوا وأنها دايما عاوزه تكون قاعده عند اهلها ارجع لوالدها وقوله وأن الوضع دا انت متسمحش بيه وان انت مش بتحرمها منهم بس بيتها وزوجها وعيالها من مسؤولياتها وكدا غلط وهي حياتها قبل الجواز تختلف بعد الجواز وان بيت جوزها هو بيتها ومش ينفع تفضل برا البيت لوقت طويل او ايام حتي لو أهلها وربنا يصلح الحال لينا جميعا.
تم النشر الاثنين، ١ ديسمبر ٢٠٢٥
1. يجيب لها كباية شاي من نفسه. 2. يساعد في طيّ الغسيل خمس دقايق. 3. يكمّل عنها جملة وهي تعبانة. 4. يراجع على البنات درس واحد بس. 5. يبوس رأسها يوم ضغطها عالي. 6. يعلّق حاجة وقعت بدل ما يستناها هي. 7. يحسسها إنها جميلة… حتى لو مش عاملة شعرها. 8. يحضّر الفطار يوم واحد في الأسبوع. 9. يقول “شكرًا” ويعنيها بجد. 10. يشتري لها حاجة صغيرة تحبّها. 11. يشيل الكيس بدل ما تستنزف نفسها. 12. يقفل زرار اللي نسيته بدل ما يعلّق. 13. يسألها: “إيه رأيك؟” في أي حاجة. 14. يشيل البنات يوم وتاخد هي ساعة راحة. 15. يمدح طبخها… ولو بسيط. 16. ينظّف المكان اللي اتوسخ بسببه. 17. يسمع أغنية بتحبها معاه. 18. يعتذر بلطف لو أخطأ في نبرة صوته. 19. يشيل عنها حاجة مؤلمة من يومها بكلمة لطيفة. 20. يبعت لها رسالة قصيرة: “معاكي الدنيا أهون”.
تم النشر الاثنين، ١ ديسمبر ٢٠٢٥
البيت مش سجن، والست مش عصفورة مربوطة بخيط. لو بتحبّبها في البيت، لازم أوّلًا تحبّب البيت فيها. اعمّر قلبها أمان… تلاقِي خطواتها راجعة ليك بدون ما تطلب. لو أهلها حضن بتروّح له… اسأل نفسك: ليه حضنك مش دايم كفاية؟ الست تميل لمكان يطمنها، ويستقبلها بوجه فرح مش بوجه محاسب. زوّق بيتك بالحنية، بالكلمة الحلوة، وبالاحترام لبناتها اللي هم جزء من روحها. وقتها هترجع… مش علشان «مفروض» ترجع، لأ… علشان قلبها قال لها ارجعي لو هي بتقعد عند أهلها كتير → غالبًا مش مرتاحة. لو عايزها ترتاح عندك → لازم تشيل الضغط، وتشيل المقارنة، وتشيل الحساسية. بناتها دول جزء من روحها → كِبَر قلبك معاهم، هتحسّ إنك كبّرت مقامك عندها. خلي البيت مكان بتحس فيه إنها متشوّقة ترجع مش مضطرة ترجع. بمعنى تاني: الست بترجع للّي بيحسّسها إنها مش مجرد «واجب»، لكن وطن.
تم النشر الاثنين، ١ ديسمبر ٢٠٢٥
إنك تخليها مش عايزة تسيب بيت جوزها مش بالإجبار ولكن بالحب 😊❤️
تم النشر الاثنين، ١ ديسمبر ٢٠٢٥
يعني دي كلها حلول بديلة وبحاول أساعدك قدر المستطاع وممكن تعمله خطة توفير لمدة 6 شهور الاتفاق إن انتوا توفّروا مبلغ ثابت… وبعد الست شهور، تشوفوا: هل قادرين على تمليك صغير؟ هل قادرين على وديعة لشقة أحسن في المستقبل؟ وربنا يباركلك في بناتك ويحفظها ويخليهم لكم ويوفقكم ويسعدكم وييسرلكم أموركم بإذن
تم النشر الثلاثاء، ٢ ديسمبر ٢٠٢٥
بس في فكرة جات في بالي لحظيا كدة يعني.... هو إنت مش بتشتغل شغل جانبي خالص ؟...لو لأ فأنصحك بيه لأنه هو اللي بيجيبلك الفلوس .... ويفضل لو متعلم لغة إنجليزية ....بص من الآخر عشان أفكاري مشوشة ياريت لو عندك مهارة طوّرها النت بقي بيكسب وحقيقي مش نصب ولكن بالمقابل يكون عندك مهارات حقيقية مش تكون قاعد ومستني الفلوس تجيلك!!... في طلبات أكتر لللي متعلمين اللغة الانجليزية لأن أغلبهم بيبقي أجانب وهكتبلك دلوقتي إيه الأشغال اللي بقت مطلوبة على الإنترنت
تم النشر الثلاثاء، ٢ ديسمبر ٢٠٢٥
جزانا الله واياكم كل خير اخي الفاضل
تم النشر الثلاثاء، ٢ ديسمبر ٢٠٢٥
جزاكم الله كل خير
تم النشر الثلاثاء، ٢ ديسمبر ٢٠٢٥
قريت كلمكم كله وشكرا انكم بتحاولوا تساعدوني ولو حتي المساعده ذه كانت سبب اني اطلع الي جوايا
تم النشر الثلاثاء، ٢ ديسمبر ٢٠٢٥
فا الحل الاسرع انها تكون جنبي مش عارف اني اوصله... كأنها ماشيه و واخده قلبي وروحي معاها
تم النشر الثلاثاء، ٢ ديسمبر ٢٠٢٥
فكرت اخلي اهلها ينقلوا السكن ف اي مكان جنبي وطلع صعب وهي مكان اهلها سفر بالنسبالي عشان اروح يبقي كدا سبت الشغل 3 تيام ده غير الجزا و الواحد ف الزمن ده لو يقدر يشتغل من غير ما ينام هيعمل كدا لجل الناس الي في رقبته
تم النشر الثلاثاء، ٢ ديسمبر ٢٠٢٥
تخيل كدا هي واولادي هما روحي و... وروحي ده بعيده عني كأني جسد من غير روح الي هو ميت
تم النشر الثلاثاء، ٢ ديسمبر ٢٠٢٥
من ناحية واقف معاها ف الواحد ف ضهرها وبقول اي زعل بينك وبين عيلتي مش هتدخل ولا ازعل منك بسببه ومن ناحية الصلاة فا انا فعلا مقصر جامد
تم النشر الثلاثاء، ٢ ديسمبر ٢٠٢٥
يعني أقصد حاول تعمل حاجة تقربك من ربنا أكتر بنية فرج همومك وكل شيء عملك هم يعني أنصحك بسورة البقرة يومياً وركعة الوتر يعني الشفع والوتر بعد صلاة العشاء ولو مش ملتزم بالصلاة إبدأ التزم واعرف دايماً إن خير الخطائين التوابون وأنا منهم برضو وأنصحك أكتر وأكتر بإيه ...بصلاة قيام الليل دي معجزة حرفيااااا ...إدعي فيها كل اللي انت عاوزه لأن ربنا قال وإذا سألك عبادي عني فإني قريب أجيب دعوة الداعي إذا دعانِ....وأكتر وقت يفضل فيه الدعاء لما تقوم وكل الناس نايمة وتسأل ربنا بالشيء اللي انت محتاجه يعني أصلاً لما تصلي على سيدنا محمد صلى الله عليه وسلم وتدعي وتختتم بالصلاة على سيدنا محمد ربنا بيستحيي يقبل الصلاة وميبقلش دعاءك ...والذكر الكتير برضو وإقرأوا أذكاركم مع بعض دايماً ...وصلي صلاة قضاء حاجة وأنصحك برضو تحوش مبلغ كدة من شغلك حسب المدة اللي تعجبك وحاول تشتري شقة برة تجنباً للمشاكل العائلية .......وأنصحك برضو بالصدقة الأسبوعية لو تعرفها دي بتزرع البركة حرفياً هي حصالة بتحطها في غرفة النوم في الصالة في أي حتة بس ما تحركهاش من مكانها أبداً كل ما تشوف مبلغ تحطه فيها أياً كان كام ..وياريت زوجتك برضو تعمل كدة معاك ..،بعدين يوم الجمعة اللي هو بعد أسبوع يعني لو هتبدأوا من يوم الجمعة تتصدقوا بيها لكل محتاج ولى داعي بعد المبلغ اللي تم جمعه وأي استفسار آخر ؟
تم النشر الاثنين، ١ ديسمبر ٢٠٢٥
فا انا مش عارف احل ازاي وعشان كدا سألت
تم النشر الاثنين، ١ ديسمبر ٢٠٢٥
اغلبية الحجات ده بعملها
تم النشر الاثنين، ١ ديسمبر ٢٠٢٥
ودي حاجات بتفرق ومهمة عشان تحبيها فيك وفي بيت جوزها
تم النشر الاثنين، ١ ديسمبر ٢٠٢٥
حاجات بتفرق ومهمة جدا جدا مع أي زوج لزوجته ودي مسؤولية وغيرها كتير بس أنا هختصر الأهم بس ...1. تحمل جزء ثابت من مصاريف البيت بدون تمن ولا مِنّة. 2. احترام بناتها كأنهم بناته… مش “ضيوف”. 3. حلّ الخلافات بهدوء مش بصوت عالي. 4. بناء جو آمن نفسيًا يخليها تطمّن إنها مش هتتعاير ولا تُقلّل. 5. المشاركة في القرارات الكبيرة: تعليم البنات، المصاريف، خطط الحياة. 6. الدعم النفسي وقت تعبها مش “ما تهوّليش”. 7. مسؤولية البيت لو تعبت: أكل، ترتيب، متابعة البنات. 8. حماية زوجته من تدخلات الأهل من غير قطع رحم. 9. العدل في المعاملة وعدم استخدام السلطة. 10. الاعتذار الصريح لما يغلط… الرجولة مش ناقصة. 11. مسؤولية تخصيص وقت للزوجة مش كل وقته للشغل والقاعدة مع أصحابه. 12. الاستماع الحقيقي مش “آه آه.. ماشي”. 13. توفير احتياجاتها الأساسية من غير ما تستجدي. 14. الاهتمام بصحته وبنضج شخصيته عشان يبقى سند مش عبء. 15. تشجيعها على التطور: تعليم، شغل، هواية. 16. احتواء البنات دراسيًا ونفسيًا بدل ما يبقوا “مش شغلته”. 17. إظهار الامتنان على مجهودها في البيت. 18. تنظيم الوقت وعدم السهر لحد الفجر وسايبها لوحدها. 19. حفظ أسرار البيت مش نقلها لأهله. 20. معاملة زوجته كإنسانة مش “خِدمة” ولا “معاونة”.
تم النشر الاثنين، ١ ديسمبر ٢٠٢٥
حاجات واجبة على الزوج تجاه زوجته
تم النشر الاثنين، ١ ديسمبر ٢٠٢٥
لعرض السؤال في فدني اضغط هنا