عندي تفكير سلبي طاغي عليا طول الوقت اي حاجة بتحصلي بقول لو ولو ولو ولو حتى لو كانت حاجة تافهة دماغي شغالة ٤٨ ساعة في ال ٢٤ ساعة مش عارف اعمل شات داون عندي ارهاق ووحيد وفارغ بحاول اقرب من ربنا وبحاول احسن من حياتي وبرجع كل مرة لنقطة الصفر مش عارف اعمل ايه
أنا آسفة إنك بتمر بكده، يا هيما. اللي بتحسه طبيعي وكتير بيواجهوه، وإنك بتحاول تقرب من ربنا ده خطوة قوية. ابدأ بخطوات بسيطة: اكتب أفكارك السلبية في ورقة كل يوم ورد عليها بإيجابية واقعية، وركز على صلاة الفجر والدعاء بـ"اللهم إني أعوذ بك من الهم والحزن". حاول تحدد هدف صغير يومي زي قراءة صفحة قرآن أو رياضة خفيفة. لو الإرهاق والتفكير مستمر، أنصحك تتواصل مع خبراء نفسيين على فدني: https://www.fedni.net/experts . وابحث عن أسئلة مشابهة في التطبيق عشان تلاقي تجارب أكتر. أنت مش لوحدك، وربنا معاك.
تم النشر الأربعاء، ٢٧ مايو ٢٠٢٦
لو عندك هوايه تعملها دة احسن حاجة توقف بيها دماغك وفي ناس بتقول الطبخ بيوقف بس مش بينجح معايا دايما
تم النشر الخميس، ٢٨ مايو ٢٠٢٦
انا لاحظت كدا برضو اني بفكر في الحل ومش بعمل بيه جزاك الله خير بإذن الله هحاول ابقا انسان احسن
تم النشر الأربعاء، ٢٧ مايو ٢٠٢٦
مينفعش أقول أنا عايز أغير حياتي، وأنا واقف مكاني مش بعمل حاجة طبيعي جدًا حياتي كمان هتكون واقفة، يبقى لازم تقوم وتاخد خطوات فعليـة وتبني عادات جديدة وتشتغل على بناء نفسك وشخصيتك وخططك ولو معندكش خطط أعمل حاجة تسعى عشانها، لكن الإحباط والكسل والخمول دول أعمال الشيطان قاوم وأعمل الحاجات الـ ممكن تغيرك حتى لو أنت كارها ومش قادر بس بعدين هتلاقي تغيير وبلاش تمشي على هوى النفس، النفس عايزة الراحة فـ أنت عودها على العلم والعمل والنجاح
تم النشر الأربعاء، ٢٧ مايو ٢٠٢٦
أنت عارف المشكلة يبقى واجب عليك عشان نفسك تلاقي حل، وعامةً مفيش حد هيتخلص من الأزمات والمشاكل في يوم وليله مفيش نتايج سريعة لأزم تعرف أن بنائك لنفسك مشوار حياة، النهاردة نزلت المسجد بعد شهر هتلاقي صحبة بعد سنة هيكون عندك صحبة أكبر، بعدين علاقتك هتزيد، وفرصك هتكون زيادة بس بدال ما تقعد تتأمل في حياتك أكتب كل مشاكلك الكسل؟ السبب ممكن مثلًا كثرة استخدام وسائل التواصل الإجتماعي؟ تبدأ تشوف المشكلة وتجمع حلول!!
تم النشر الأربعاء، ٢٧ مايو ٢٠٢٦
عندك حق بس انا اصلا كسلان ومنطوي وحتي مبعرفش اتعامل مع الناس مشكلتي مقعدة جدا لدرجة اني دماغي هتنفجر
تم النشر الأربعاء، ٢٧ مايو ٢٠٢٦
عندك صُحبة حاول تصاحب صُحبة تعينك ممكن تصاحب ناس أكبر منك وناس من سنك، الأكبر منك هيكون منهم إفادة كبيرة جدًا في الحياة والخبرات والـ في سنك أخرج معاهم بدلًا من التفكير الكتير هيساعدوك تشوف الحياة بطريقة حلوة وكمان الوحدة أثرها سيئ جدًا، اكتب أفكارك ومارس مهارة التدوين ولو فعلًا عايز صحبة صالحة هتلاقيهم في المساجد وفي حلقات القرآن أنزل حلقة قرآن وأطلب من المعلم صاحب صالح يعينك الحياة أوسع من إننا نفكر كتير حاول وشوف مثلًا فيديوهات لـ ناس مؤثرة وصاحب ناس ناجحة ناس عندها أهداف وأحلام وأنت لأزم يكون عندك خطة وأحلام وأهداف تعيش عشانها
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا