سلام عليكم،
انا في ٣ ثانوي و بواجه مشكلة التراكمات، المشكلة اني بعمل جدول عشان الحق اخلص فيه الحاجات دي و بحاول التزم بيه و مش عارف لانه فوق طاقتي و في نفس الوقت بيتراكم عليا حاجات تانيه و مش لاحق اعمل حاجه
وعليكم السلام ورحمة الله وبركاته ، أنا كمان فى تالتة ثانوى ازهر علمى يعنى الحبارى هراكم 😂، بص يا باشا أنا ماشى على خطة دلوقتى ولسا باقيلى اسبوع واكون بإذن الله خلصت كل المتراكم ، هبعتلك جدول تمام هتنتظم عليه ،ولو عاوز تعرف طريقة تنظيم الوقت فيه اسمع فديو احمد ابو زيد على اليوتيوب هو شارح الجدول دا انا واخدو منو اصلا بجد الجدول دا هيفرق معاك جامد انت بس حط المواد اللى لازم وتذاكر وحط ليها وقت بشرط ميبقاش كبير علشان تعرف تنتظم وميبقاش صغير بردو علشان تنجز يعنى مثلا حط للفيزياء لو انت عام معاك وقت شوية حد لها من ساعتين لتلت ساعتات وألزم نفسك اليوم ميخلصش إلا وانا مخلص وليكن الساعتين بتوع الفيزيا و هكذا باقى المواد وبالتوفيق يا صاحبى وأدعيلنا دعوة حلوة كدة وربنا يوفقنا جميعا 🤎🍂
تم النشر السبت، ٢٧ ديسمبر ٢٠٢٥
من وجهة نظري إنت تجيب ورقه وقلم وتبدأ تكتب كل ماده وجمبها اللي المفروض تذاكره...ثم تخصص لكل ماده تلت ساعاات أو ساعتين .ثم بلاش تسهر وتجهد نفسك لأن ده هيأثر على تركيزك وهيخليك مش مركز اصلا مع الوقت. الأفضل تنام وتصحى لصلاه الفجر وتبدأ يومك وأشوف البركه هتكون ازاي ف اليوم .وبينما بتذاكر القديم هتخصص يوم تلم فيه القديم واليوم اللي بعده الجديد ودرس بدرس وربنا معاك ويوفقك
تم النشر الخميس، ٢٥ ديسمبر ٢٠٢٥
وعليكم السلام ورحمة الله يا بطل! 😊 الثانوية العامة مرحلة صعبة فعلاً، والتراكمات دي طبيعية لكتير من الطلاب، بس متقلقش، هنحلها خطوة بخطوة. المشكلة في الجدول: فوق طاقتك. خلي الجدول واقعي: ابدأ صغير: حدد 3 مواد بس يومياً، وخصص لكل واحدة 45-60 دقيقة فقط (تقنية بومودورو: 25 دراسة + 5 راحة قصيرة). ركز على الأولويات: اختار الدروس اللي هتيجي في الامتحان قريب، أو اللي نقاطها عالية. اكتب قائمة "اليوم ده هخلص الدرس ده بس". قسم التراكم: خد درس واحد قديم كل يومين، مش كله مرة واحدة. مثلاً: اليوم نص ساعة رياضيات قديمة + دروس جديدة. تابع تقدمك: في نهاية اليوم، حدد 3 حاجات خلصتها، وكافئ نفسك (شاي أو مشاهدة فيديو قصير). نصيحة إسلامية سريعة: ابدأ يومك بصلاة الفجر وقراءة صفحة قرآن، وادعي ربنا ييسرلك. التوكل بعد العمل بيفتح أبواب. نام 7 ساعات كاملة، وكل وجبات متوازنة عشان طاقتك تبقى عالية. لو استمر الإرهاق، شوف خبراء التعليم في https://www.fedni.net/experts، أو ابحث في فدني عن "تراكمات ثانوية عامة" هتلاقي إجابات كتيرة زي دي. أنت قادر، يا ولد! خطوة صغيرة كل يوم هتوصلك. قولي إيه رأيك في الجدول الجديد؟ 💪
تم النشر الخميس، ٢٥ ديسمبر ٢٠٢٥
جزاكِ الله خيرا
تم النشر الخميس، ٢٥ ديسمبر ٢٠٢٥
ايوه انا من وجهة نظري ركز على ماده واحدة تخلص ركز على اللي بعدها مع الحفاظ على التقدم في الماده اللي خلصتها
تم النشر الخميس، ٢٥ ديسمبر ٢٠٢٥
يعني افهم من حضرتك اني اختار مادة واحدة فقط اركّز عليها ممكن اشتغل عليها لمدة ٣ ايام مثلا لحد ما اخلصها، ثم انتقل لغيرها افضل من اني اشتغل جزء من مادتين او 3 كل يوم
تم النشر الخميس، ٢٥ ديسمبر ٢٠٢٥
حدد كل يوم ماده هتذاكر منها على قد ما تقدر من المتراكم ولو تقدر تحضر مراجعات علشان تقدر تلحق تخلص المتراكم في باقي المواد هيكون افضل . وأنصحك ب قناة هنذاكر أونلاين بينزلو مراجعات حلوه جدا وملمه بأغلب النقاط المهمه اهم حاجه تطبق على كل حاجه تذاكرها
تم النشر الخميس، ٢٥ ديسمبر ٢٠٢٥
لا للاسف عندي تراكمات في كل المواد و بالنسبة للعدد عندي ٥ مواد
تم النشر الخميس، ٢٥ ديسمبر ٢٠٢٥
وعندك كام ماده
تم النشر الخميس، ٢٥ ديسمبر ٢٠٢٥
كل المواد متراكمه ولا في مواد ماشي فيها مضبوط
تم النشر الخميس، ٢٥ ديسمبر ٢٠٢٥
اه علمي رياضه
تم النشر الخميس، ٢٥ ديسمبر ٢٠٢٥
انت علمي صح ؟
تم النشر الخميس، ٢٥ ديسمبر ٢٠٢٥
طيب انا للاسف في مواد عندي الجديد فيها مبني علي المتراكم اللي عليا و كمان حتى في منصات لبعض المدرسين اللي شغال معاهم مقدرش ادخل محاضرة غير لما اخلص اللي قبليها
تم النشر الخميس، ٢٥ ديسمبر ٢٠٢٥
وعليكم السلام ورحمة الله وبركاته . ذاكر الجديد وخلي المتراكم لمه في المراجعات. يعني كل ما يكون عندك وقت فاضي اسمع مراجعة على فصل من المتراكم وحل عليه . ولو بتقدر تذاكر بالليل هيكون افضل علشان بيبقى هدوء و الوقت أطول على عكس النهار
تم النشر الخميس، ٢٥ ديسمبر ٢٠٢٥
لعرض السؤال في فدني اضغط هنا