اولا مبروك وربنا ينفع بيكي♥️ فكره انك تخافي من التحدث امام أشخاص او فكره الظهور. لازم نحدد بتخافي من ايه وبيظهر عندك ازاي. بتخافي من مظهرك تخينه او رفيعه هل مابتحبيش لبسك فبتقفي واقفه منطويه هل تخافي تقولي معلومه غلط فصوتك بيضعف او بتتوتري. خايفه ان اي حد يحكم عليكي مثلا انك مش شاطره عموما أداء بقي او شكل او كاريزما. حل كل الحاجات دي. التدريب. كلنا بنخاف زيك وفي اهم المناقشات بنتلعثم وبنقول كلام غلط عشان العقل العاطفي اللي بيخرج وهو مش وقته اصلا. طيب نحل ازاي لو هتبقي مدرسه وارشحلك اوي تعملي ده. اول حصه او بدايه كل حصه اعمل حاجه اسمها كسر الحاجز النفسي مع الطلبه زي عاملين ايه ياولاد علقي ان شكلهم حلو هاتي حلويات ليهم شوفي الواجبات هزري معاهم. بس ذكاء المعلمه انها تحسب الوقت من غير مايلاحظوا. بعدها ابدأي اشرحي بشكل قصصي كل ماده وليها زاويتها. وتسغليهم معاكي من باب ايه رأيكوا نقترح كذا وتقومي البنت اللي حاسه انها مش عارفه تساعد معاكي كده تقوليها هتشرحيلنا الدرس الجاي انتي حضريه. التدريس لذيذ جدا وجزاءه كبير وفرحته أكبر وقت ماتحسي ان اللي قدامك فهم المعلومه♥️انتي بقي قبل ماتروحي حضري نقط مهمه في دماغك عيدي وزيدي ع نفسك الامثله وممكن اقترح عليهم نشاط ايه هنا أعملهم مسابقه ايه اجيب جايزه ايه.بقي في العاب تعليميه كتيره جدا. لو غلطتي ف كلمه عدي لنفسك ماتتكسفيش لو نسيتي عادي بصي ف الindex ركزي انك ماتديش ضهرك للطلبه كتير. اقفي واثقه انك شاطره. طيب بالنسبه للشغل مع بابا لو هيريحك تمام بس عاده كل التعامل مع رجاله بحكم المجال فده هيبقي أصعب حبه عليكي. لو خلاص شايفه انك مطمنه تنزلي مع بابا انزلي وحطي. في دماغك لو غلطت هيحصل ايه يعني ولا حاجه. واتعاملي بأدب وذوق وراجعي بابا الأول كتير لحد ماتفهمي الموضوع. ومبروك تاني ايا كان اختيارك♥️
شكرا لحضرتك
تم النشر الاثنين، ١٠ مارس ٢٠٢٥
هو الشغل نفسه يعلمك الالتزام بس طول ماهو مكان بابا مش هتلتزمي. يبقى ياريت مثلا تنزلي ٣ مرات ف الأسبوع وحاولي تفكري انه مشروعك واعرضي ع بابا تعملي page ع الفيس وسلي نفسك تتعلمي فيديوهات تبيعي واعرضي فيها المنتجات لو ينفع.
تم النشر الأحد، ٩ مارس ٢٠٢٥
لا انا مش خايفة من فكرة شكلي وانا الحمد لله بعرف اشرح المعلومات كويس وكنت بذاكر لصاحباتي وتقديري العام جيد جدا مع مرتبة الشرف وكنت بحب الكلية بتاعتي بس علشان متخرجة من ٢٠١٦ وعمري ما اشتغلت معلمة قبل كده ومش بتعامل مع ناس جديدة قدمت علي مدرسة بالحصة في الازهر ومتقبلتش عامة لسة فيه مسابقات لسة مقالوش شروطها بس انا خايفة اقدم فيها وممكن انجح وممكن لا هو اللي موجود حاليا قدامي المحل بس بزهق منه بسرعة بابا وماما نصحوني ان لو المسابقة ظهرت شروطها قدمي فيها وزاكري كويس لو نجحتي فيها اشتغلي مدرسة لو لا يبقي المحل موجود بس انا فكرة الالتزام بحاجة مش بعرف اعملها وشكرا علي اجابتك
تم النشر السبت، ٨ مارس ٢٠٢٥
لعرض الإجابة في فدني اضغط هنا