مساء الخير ، من فترة مش كبيرة بدأت ف هدف جديد ليا وبدأت امشي علي خطواته وانا ف نص الطريق توقفت و قلت مفيش داعي أكمل الحلم ملوش لازمه ! والصدمة أنه بيحصل معايا كدا ف كل حاجه لدرجة أنه أخيراً وصلت بدراستي وبقول عادي لو وقفت مع أنه مش عادي أكيد! حد عنده نصحية او شي يفيدني فيه؟
مع العلم أنا طموحة جدا جدا بس بتيجي ف نص الهدف ويتغلف بلامبالاة وأنه مفيش داعي أصلا
مساء النور .. ايه اللي بيخليكي توقفي وتقولي لنفسك لا مش عايزة اكمل؟ هل بيبقى فيه هدف في الاول فعلا .. ولا انتي بتعملي الاشياء ديه كلها من غير اي اهداف؟ هل بتبقى فيه معوقات وهي اللي بتخليكي تقولي لا انا تعبت مثلا؟ ايه اللي بيحصل بالظبط معاكي؟
تم النشر الخميس، ٢٩ فبراير ٢٠٢٤
اقفى وخدى نفسك لما يحصل معاكى كده اعتبرى انك راكبه طياره رحلتها طويلة ومحتاجة تنزل ترانزيت عشان تقدرى تكملى بقيت الرحله وتوصلى خدى يومين او تلاته او اسبوع ...اللى تشوفى انك محتاجاه على حسب الفتره اللى فاتت اللى التزمتى فيها وبذلتى فيها مجهود بدون توقف ومتعمليش اى حاجة ليها علاقة بالجهد والهدف ...اتفسحى وكلى حلويات و اعملى شعرك وحطى ميكب واطبخى حاجة جديدة وهكذا وبعد كده ارجعى كملى وخلى دايما عندك اوقات ترفيه عشان تقدرى تكملى لان ده مهم واوعى تتخلى عن هدفك ....انك تتخلى عن هدفك يعنى قررتى تدخلى دايره من التوهان انتى فى غنى عنها
تم النشر الخميس، ٢٩ فبراير ٢٠٢٤
خلي عندك اهداف صغيره و تقدري تحققيها علشان تحسي بفرق و هتحسي انك فرحانه لما تحققيهم زي ممكن تحسني الخط أو تشوفي دوره علي اليوتيوب أقل من 10 فيديوهات زي اسئله الجيل و دوري علي تاني و بعدين ادخلي علي الأهداف الكبيرة علشان تقدري تكملي
تم النشر الجمعة، ١ مارس ٢٠٢٤
بالتوفيق. والدعم حبيبتي،،✊✊🤍🤍🤍
تم النشر الخميس، ٢٩ فبراير ٢٠٢٤
حبيبتي تسلمي يا مريم ، تمام جدا وشكرا ليكي ، هحاول أركز اكتر علي دا .
تم النشر الخميس، ٢٩ فبراير ٢٠٢٤
وكل الدعم ليكي حبيبتي،✊🤍
تم النشر الخميس، ٢٩ فبراير ٢٠٢٤
حاولي كل متنجزي حاجه. تكافئي نفسك وتحفزيها. عشان تشوفي نجاحها بعينك. ويديكي دفعه اكبر ده غير انك تحاولي. تدرسي الحاجه ومتضيعيش وقت فالتفكير. تاني حاجه اهم من كده أن الحاجه تكوني بتحبي تعمليها جدا. ده هتعمليه بحب. مش مجرد فكرة جاتك وحبيتي تنفزيها. ومتخمسه لها بعد كده. ةصىفتي نظر عنها. لا حاولي تعملي الحاجه اللي انتي عارفه من جواكي أن لو تعبت فيها. تعلي ده استمتاع اصلا مش تعب فهماني. بس كده وعلي بركه الله
تم النشر الخميس، ٢٩ فبراير ٢٠٢٤
حبيبتي ده عقلك الباطن بيحاول بعطلك. عشان انتي لسه مشفتيش. نتائج اللي انتي بتعمليه. فبيحاولىيوقفك. او ممكن يقولك. يعني ايه الداعي فبيحاولىيخليكي فالنقطه اللي انتي فيها. عشان يحسسك بأمان الوقت اللي انتي فيه. ةبيحاول. يكدب عليكي يعني. ةيعني زي كده واحد يكون رايح مشوار. ومتحمس له. فالاخر بكسل فجأة. ليه لان عقلو الباطن ادالو إشارة أن ميتقدمش أو يخليه يبص الحكايه أن مش مهمه أو. ممكن تتم بطريقه تانيه
تم النشر الخميس، ٢٩ فبراير ٢٠٢٤
لعرض السؤال في فدني اضغط هنا