من وانا صغيرة كنت شاطرة جدا ومن الأوائل ف كل المواد ف ابتدائي واعدادي كان ليا اهداف ف حياتي و دخلت ثانوي عشان نفسي احقق هدفي وواثقة من قدراتي بعد ما دخلتها مبقتش بذاكر نهائيا مقضياها لعب و مش بعمل اي تقدم ف حياتي قلت ارتاح السنتين دول واشد ف تالتة ودا أكبر غلط عملتوا جات تالتة وانا بحاول اذاكر مش عارفة اقعد ساعة ع الكتاب درجاتي ف الحصص بالعافية اجيب النص اكيد دا كلوا بسبب السنتين اللي مفتحتش كتاب فيهم مذاكرتي دلوقتي بقت زي حد لسه بيتعلم ازاي يذاكر واهو انا ف نص السنة وف مواد متفتحتش حالتي النفسية مدمرة مذاكرتي بقت بطيئة جدا مبقاش ف هدف ف حياتي بس كل ما اشوف اهلى وثقتهم فيا بدمر اكتر معرفش ازاي اقولهم بنتكوا بقت فاشلة حاطين فيا طموحات عالية ودا مدمرني اكتر انا ف اهم سنة بقى ضميري ميت ومش بذاكر المذاكرة بتاعت زمان بطلب منكم الدعاء ليا وان ربنا يعيني واعمل حاجة في الشهور اللي فاضلة
حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتر...
انا كنت زيك بالظبط وانا حاليا اوله جامعه وبقولك والله لسه فيه وقت وكتير كمان وتقدر تخلصى المنهج وترجعى عليه تانى ...انا للاسف كانت محاولاتى غلط ف محققتش اوى بس ربنا كرمنى ب كليه ومجال كويسين جدا حاليا وربنا هيكرمك متقلقيش ...اهم حاجه حطى ف دماغك أن لسه فيه وقت وعهد الله فيه وقت كتير بس استغليه صح ونظمى اهم حاجه التنظيم ودى نصيحه انا خدتها من معيده ف كليه طب بشرى مهم جدا التنظيم فوق ما تتخيلى...اهتمى بعلقتك ب ربنا ودى حاجه مهمه طول عمرك مش ف السنه دى بس ..اصحى قبل الفجر ب ساعه او نص ساعه صلى وادعى ربنا كتير اوى اوى باللى نفسك فيه وصلى الفجر واقرأى الورد من القرأن ولو صفحه وابداى مذاكره 25 دقيقه وخمس دقائق راحه لحد ما تكملى أربع دورات وخدى استراحه وهكذا وظبطى يومك على حسب دروسك ودنيتك واهتمى ب صحتك واكلك ...صلى كل الفروض وقربى من ربنا جامد علشان والله ما حد هينفعك ف الدنيا دى ويسندك غير ربك وربنا هيسخرلك كل حاجه ومتقلقيش ..أسعى واجتهدى وحطى ف دماغك أن لسه فيه وقت وانا بتعلم وبعبد ربنا ولازم اجتهد واتعب علشان اوصل وانا بتعلم بردو وبذاكر وهنجح وربنا هيكرمنى ويعملى اللى فيه الخير ..واعرفى انك لو تعبت واجتهدت ربنا عمره ما هيضيع تعبك وانك ليكى رزق بس اهم حاجه تعملى اللى عليكى اوعى تيأسى ...عايزاكى بس تنظمى نفسك واستعينى بالله وتبعد عن الفون خالص ولعى فيه اديه لمامتك المهم ابعديه عنك وتوكلى على الله ...هتتعبى ف النص خدى بريك بسيط تشمى فيه نفسك وتشحنى وكملى على اللى انتى كنتى وقفه عنده بلاش تعملى غلطتى وتبداى من الاول تانى اكبر غلط انك ف كل محاوله تبدأى من الاول تانى لا انتى تكملى وترجعى مع الجديد ..يعنى جزء جديد وجزء قديم ..وفرغى واكتبى كل اللى ف دماغك ف ورق وفضفضى ل ربنا ف السجود واحكيله وقولى كل إللى نفسك فيه ل ربنا وهو سمعك وربنا هيكرمك والله متقلقيش وهيوفقك بس والله لسه فيه وقت صدقينى بس اهم حاجه تستغليه صح ومتضيعيش وقت ولازم تجتهدى وتتعبى ابدأى علطول...ولا تأجل عمل اليوم إلى الغد ..ربنا معاكى ويوفقك يا رب وتحققى اللى نفسك فيه واعرفى أن ربنا عمره ما هيعملك حاجه وحشه وهيعملك كل اللى فيه الخير بس اجتهدى ومتيأسيش وربنا لما يشوفك بتتعبى وبتبذلى أقصى ما عندك هيكرمك ..ابداى علطول وحطى هدف واعملى خطه وغيرى عاداتك ولازم تغير هويتك اللى هى انتى وتفكيرك تجاه السنه دى وتجاه الوقت اللى فاضل لأن فيه وقت ...ومتقلقيش يا جميل ربنا موجود وطول ما هو موجود متخافيش ولا تقلقى هيكرمك وهيسندك ..حطى هدف واشتغل عليه وربنا معاكى ولسه فيه وقت كويس اوى
وانتى بتذاكر فيه معلومه مش فهماها اسألى المستر اللى بتخدى عنه عادى لو معلومه سهله وانتى مش عارفاها أو قديمه عادى لازم تسأليه ..واعرفى كل حاجه عن اللى بتذكريها واسألى عادى ولازم تفهمى كل كلمه وتعرفى كل معلومه ليها علاقه بالمنهج عندك ووحده وحده هتلاقى الدنيا اتظبطت ..حلى كتير مهم اوى الحل الكتير هتغلطى عادى ف الاول وهتغلطى كتير ومش هتبقى عارفه تحلى بس احنا لسه مش ف امتحان اخر السنه وامتحان اخر السنه بيبقى حاجه تانيه متقلقيش بس مهم اوى تحلى كتير وانتى بتذاكرى
في وقت كبير قدامك صدقيني ذاكري ٢٥ دقيقة وخدي بريك ٥ دقايق اعملي كده اربع مرات وفي اخر مره خدي بريك ١٥ دقيقة وارجعي اعمل الكلام ده تاني النظام ده فعال جدا اسمه pomodoro
جزاكم الله خيرًا هحاول أعمل بنصائحكم/بالنسبة للوقت بسأل الله البركة ف الوقت لأن حرفيا الشهر بقى كأنه يوم بيعدي بسرعة
أن شاء الله ربنا هيبركلك بس توكلى عليه ونظمى وقتك وربنا معاكى ويوفقك يا رب ويكرمك
ادعي ربنا كتير وتوكلي عليه وقوي عزيمتك واصرارك ؟ازاي؟تتكلمي مع نفسك بالايجابيات كتير جدا
الحمدلله مرحلة وعدت واتعلمت منها كتير
لعرض السؤال في فدني اضغط هنا