انا عندي حاليا 18سنه بحب شخص بقالنا 6 سنين احنا جيران وتكلمنا واتعلقنا ببعض وحصل مشاكل بينا وبين أهله واهلي ومكلمناش فتره خلال سنه بس حبنا عمروا ما أقل بالعكس كان بيزيد . (الفتره الأولي لما اكلمنا كانوا شهر وجيت عشان اصارح مامتي عشان مكدبش ولا اعمل حاجه من وراها رد فعلها كان ضرب وخنقتني وكنت هموت صارحتها وقولتلها ف شخص معجبه بيه مدتش وقت للتفاهم ولا الكلام )
وبعدت فتره سنه ورجعت تاني طولنا كام شهر ف الكلام واهلي عرفوا وماما زعقت تاني معايا بس المره دي قالتلي ارمي نفسك وموتي وريحيني . وخدت الموبايل وكلمت اللي انا بحبوا وشتمتوا باهلوا جامد وخليتوا يجي البيت ومعاه عموه وخالتوا يتأسف ليها .
وبعدنا تاني 5 شهور ف الفتره دي كان ف واحده جارتنا اكبر مني ب5 سنين اتكلمت معايا وقولتلها ع الموضوع كلو واتكلمت معاهم برضو وعرفت منو لسه بيحبني وعايز يجي يتقدم لي .
(هو شخص محترم وبيشتغل ويصرف ع نفسوا من صغره ومتحمل المسؤوليه بس مكملش مشواره الجامعي وبيشتغل )
ف واحده قصاد بيتوا بالظبط دي تبقا بنت عم بابا دي ست حربايه شويه بس مبينه لمامتي انها طيبه وغلبانه ومفيش منها دي كانت عايزاني اجوز حد من عيالها غصب فكانت بتقرب من ماما عشان تسهل الموضوع وكدا فماما رفضت وقالت لها لا دول اخوات ومش اكتر خلينا حبايب كدا احسن هي بقا عرفت اني بحب ابن جارها وهي مش بتحبوا فقررت تقول عليه كلام وحش لماما انو بتاع بنات وبيكلم بنات وبيمسك عليهم صور
وقالت حاجات وحشه عليه ف ماما صدقت وفضلت تقولي اهو اللي انتي كنتي معجبه بيه شوفتي الارف اللي انتي كنتي هتقعي في فماما بدأت تكرهوا اوي وهو اصلا الكلام دا غلط لاني عرفاه اوي وسالت كذا حد عليه برضو ورجع كلمني المره التالته بس المره دي قالي عايزك ف الحلال وقدام ربنا والكل هاجي اتقدم
رفضت لحد مخلص ثانويه عشان لو قرر ويجي يتقدم وانا وقتها كنت لسه ف 2 ثانوي كانوا ممكن يقعدوني من التعليم فقالي مش عايزين مشاكل تاني بقا هاجي اطلبك من أهلك فرفضت وقولتله اخلص بس الثانوي وابقي تعالي اتقدم حاليا انا لسه مخلصه الثانويه وهو كلمني وقالي لسه بتحبني وعايزني ولا اي قولتلوا اه قالي طيب انا هخلي والدي يفتح الموضوع مع والدك قولتوا طيب ماشي .
فكلموا وكدا فرد بابا ع والده بنتي لسه هتكمل تعليمها (كدا بيرفضه بشياكه ) فدخلي تاني وقالي باباكي كدا رفض هعمل اي بالعلم انا بابا مقاليش موضوع حد اتقدملي دا .
ومش عارفه افتح الموضوع ازي من غير ما حد يعرف انو دخل كلمني عشان ميحصلش مشاكل تاني . بجد توهت وتعبت ومش عارفه افكر . اهلي مش قريبين مني خالص ديما قاعده لوحدي ف اوضتي ف الضلمه و الحمد لله قريبه من ربنا الي حد ما مبفوتش الصلاه . نفسيتي تعبت من كتر التفكير ومش عايزه غيروا ومش هعرف احب غيروا ومش عارفه اعمل ايه ولا اي الحل ..
عارفه أن بدأت غلط وعارفه أنوا حرام اني كلمتوا بس بجد انا قبل معمل حاجه قولت اصارح ماما واحاول اصاحبها رد فعلها أنها تموتني مش هتصدقوا مش عشان بس أن دا حرام وغلط لا دا عشان برضو هو مش ابن عيله كبيره تتبها بيها قدام الناس 😔
حاولت ابقا انا اللي قريبه من اهلي ف اي حاجه مش شرط الموضوع دا بس . بس ملقتش منهم حاجه أقل غلطه اعملها يتقالي كرهت البطن اللي سألتك ربنا يخدك والكلام دا بيتقال من قبل موضوع دا وع أسباب صغيره انا محدش علمني اطبخ ولا علمني اعمل اي حاجه انا اللي فتحت قنوات طبخ عشان اشوف واتعلم لوحدي حبا ف المطبخ مش لازم اتعلم عشان خاطر حد وبدأت اعمل حاجات بسيطه بس مظبطتش معايا من الاول فماما تشتم وتزعق وتضرب ومالكيش لازمه وقررت مش هطبخ ف بتنا تاني .
اسفه لو طولت عليكم بس بجد عايزه حل او تفكروا معايا بصوت عالي ف الموضوع دا ممكن رائيكم يفدني كتير 🥺💗
أختي العزيزة، أولاً أقدر شعورك بالضيق والتوهان اللي بتمرين بيه، وأنا فاهمة إنك تعبتي نفسياً من كل الضغوط دي، خاصة مع اللي حصل في الماضي من ردود فعل أهلك. خلينا نفكر مع بعض بطريقة عملية وواقعية، مع الحفاظ على قيمنا الإسلامية اللي بتؤكد على أهمية الزواج الحلال والاحترام للأهل. ابدئي بتقوية علاقتك مع أهلك تدريجياً، مش بالضرورة من خلال الموضوع ده دلوقتي. حاولي تظهري لهم نضجك ومسؤوليتك، زي التركيز على تعليمك اللي باباكي بيشدد عليه، ومساعدتهم في البيت بطرق بسيطة بدون ما تتوقعي رد فعل فوري. ده هيخليهم يشوفوكِ أكثر نضجاً، وهيفتح باب للحوار الهادئ. لما تكوني جاهزة تفتحي الموضوع، اختاري وقت مناسب وهادئ، وابدئي بالتعبير عن تقديرك لرأيهم وخوفهم عليكِ، ثم أوضحي رغبتك في الزواج الحلال بعد إكمال تعليمك، بدون ما تذكري التفاصيل القديمة اللي ممكن تثير المشاكل. بالنسبة للشخص اللي بتحبيه، طالما هو جاد ومستعد يتقدم رسمياً، فالطريق الصحيح هو الانتظار حتى يفتح أهله الموضوع مرة أخرى بطريقة محترمة، مع التركيز على إثبات نفسه كشخص مسؤول. لكن تذكري إن البداية كانت غلط (الكلام بدون محرم)، وده بيحتاج توبة صادقة وتقرب أكثر من ربنا بالصلاة والدعاء. ادعي إن ربنا ييسر الأمور إن كان فيه خير، وإلا يبعد عنك الشر. ركزي دلوقتي على تطوير نفسك، زي تعلم مهارات جديدة أو الاستمرار في التعليم، عشان تبقي أقوى وأكثر استقلالية. لو حسيتي إن الضغط النفسي زاد، حاولي تكتبي أفكارك يومياً عشان تنظميها، وتذكري إن الصبر والتوكل على الله هما أفضل الحلول. لو عايزة تتكلمي أكثر عن خطوات محددة، أنا هنا.
تم النشر الثلاثاء، ١٤ يوليو ٢٠٢٦
السلام عليكم ورحمه الله وبركاته. خلينا ناخذ الموضوع من كذا اتجاه اولا الاتجاه الخاص الشخص ده كويس فعلا متعلقه به او بتحبيه علشان. هو شخص من اتجاه ان هو ممكن يكون بيقدم لك حاجه. مش موجوده مع اهل. ابي. في عموما اي عرض علشان خاطر انزل. احسن وجه تكون الانسولي موجود نظري حتى لو الشكل الاختبار. اجتماعيه. محتاج وجهه نظري ونشوف هل فيها جزء صح؟ فيه ده ضروري جدا تب؟ ص عليه طيب لو مقدرناش نوصل لحاجه. دلوقتي نعمل. ممكن؟ نقول انت. لو موجوده. زياره لطيفه لطيفه مامتك بتتكلم معاها والكلام يكون قدامك فده هيبقى مدخل تقولي بقى عرفتي من كلم باباكي جات الزياره دي عشان بيحاول ايه يعني تتكلم تاني وتقول قد ايه؟ طلباتكم ايه علشان توفوا وهكذا ممكن كمان ان انت تبدئي يعني تستفزي اي موضوع انه والله الواحده دلوقتي ممكن تكون مش عايزه تكمل تعليم على انه مش فارق مثلا ده لو انت بتفك او ايه المشكله واحده؟ ترتبط. مش عارفه صح؟ الكلام يعني من غير ما يكون الموضوع فيه حاجه بس بيبقى نوع من انواع النظر الخاصه دي عشان تبقي فاهمه الحاجات اللي انت هتوديها لطلب الولد. يعني الخطوات دلوقتي لا خلي كل الامور تمشي. اللي ربنا ان شاء الله لو كان في خير ربنا يقربه منك لان في حاجات كتير بنكون فاكرين انه طالما احنا حبينا ولكن هي احسن حاجه.ه نظر برده لازم نكون محتاج منها وبفهم منها حتى لو مش بيدو
تم النشر الأحد، ١٩ يوليو ٢٠٢٦
متستعجليش الامور و هدى نفسك عشان ميبقاش مشاكل اجتماعية و نفسية انا من رأيى ان تصبرى و تشوفى الدنيا هتاخدك على ايه ما يمكن برضو مش نصيبك و ربنا بيبعدك عشان بعدين ممكن تتأذى مثلا حطى كل الاحتمالات
تم النشر الأربعاء، ١٥ يوليو ٢٠٢٦
اصلا قبل ما اكمل الكلام ده كله حرام اصلا والمفروض تتوبي وامك عندها حق ان هي بتمنعك بس هي عملت كدة بطريقة غلط كانت المفروص تقولك بهدوء ان العلاقة دي حرام وربنا مش هيباركلكو لو اتجوزتو وكدة
تم النشر الثلاثاء، ١٤ يوليو ٢٠٢٦
ادعي بيه كتير و ادعي ان اهلك ربنا يهديهم عليكي الي عملتيه غلط بس توبي و متكلمهوش تاني و ادعي انو لو هو خير ليكي يجعلو من نصيبك يمكن شر ليكي و هو لو بيحبك بجد هيتقدم مره و اتنين و لو نصيبك هيجيلك حتي فرق بينكم السما و الارض
تم النشر الخميس، ١٦ يوليو ٢٠٢٦
لو نصيبك هييجى صدقينى حتى لو بعد سنين
تم النشر الأربعاء، ١٥ يوليو ٢٠٢٦
لعرض السؤال في فدني اضغط هنا