السلام عليكم انا بصراحه اول مره ادخل البرنامج ده بس انا فاض بيا بس انا في امس الحاجه اني افضفض لان بجد بفكر في الانتحار من كتر الوجع الي جوايه انا مش عارفه اذا كنت هعرف افضفض ولا لا بس هحاول واعذروني لو مش في حاجه مفهومه في كلامي بس لو حد فهم كلامي ياريد حد يقولي اعمل ايه واتصرف ازاي انا بجد تعبت المشكله كالأتي انا متجوزه متجوزه في سن صغير لكن كنت بتعرض لعنف اسري اتجوزة اول موصلة للسن القانوني ماما كانت عاوزه تخليني اخلص من العنف الاسري بأي طريقه فجوزتني وانا بصراحه اتجوزة الانسان الي بحبو احنا قرايب وهما كان مستعجلين في الجواز قعدنا اول سنه زي الفل بس من اول ايام جوازي واخو جوزي ملهوش كبير ومبيحترمش لكبير ولا صغير انا كنت بحب حماتي اوي وبحكم شغل جوزي انو بيسافر كتير فكنت ببيت عندها وهي كانت بتحبني جدا زي بنتها مهي في الاول والاخر زي بنتي بس هي للأسف كان معاها مشاكل مع سلفتي مبتحبهاش سلفتي وجوزها بقا يسكتو كانو بسبب اني انا قاعده معاها وعلاقتي حلوه معاها افتكرو اني انا الي بسلطها عليهم وانو انا التحبانه وانو انا الي بعمل مشاكل بينهم برغم انو اصلا المشاكل دي كانت موجوده من قبل متجوز وادخل البيت حتي وانا اصلا كنت غلبانه جدي وانا من النوع الي بتختصر وبتبعد وبتنعزل عن المشاكل خلاص جوزي جه وحل الموضوع وحابه اعرفكو طبعا انو كوزي كويس جدا معايه وبجد نادر وجودو بس اظاهر كدا هنتطلق خلاص لانو اهلو هيفضلو ورا طلاقنا لانهم بيعشقو حاجه اسمها خراب البيوت شطانهم هما الي بيدلهم المهم هكمل انا بعد كدا اختصرة وبقية عايشه لوحدي في البيت بعيدا عن المشاكل وكنت في حالي جدا فضل اخو جوزي ومراتو حاقدين عليا لان جوزي كويس معايه وشايلني فوق العين والراس ده غير انو بكم تعليمي وبنجح بتفوق فيه يسبوني في حالي برغم اني مختصراهم ومش بحتك بيهم اصلا ؟!لا ازاي يستنو جوزي يسافر من هنا علي شغلو يروحو يتلككولي علي ابسط واتفه الاشياء وانا عيبي اني انسانه حساسه جدا حساسة لدرجة انا بتعذب المهم انا فاض بيا وقولك لازم اوقف البني ادم الي مش محترم ده عند حدو وقولتلو انو يبطل شغل التلكيك ده والله والله لو عرفتو الحكايات الي بيتلكك فيها وردو الغير منطقي كل مواجهو بحس اني بتكلم مع ناس متخلفه عقليا وجهله ولا شمو ريحة التعليم المهم انا قولتلو انو من هنا ورايح يلزم حدودو معايه ويحترمني زي مبعترمو راح قالي لا انا الكبير واعمل الي انا عايزو لا يفرق معايه حد ولا ابويه ولا امي حتي روحت انا بصراحه من كتر القهر والحزن قولتلو انت قليل ادب وكبير كبير علي نفسك مش عليا انا انا مش بنت خايبنها من الشارع انا بنت ناس ولا هو عشان جوزي سافر مفكرني مداس ليك انت تحترمك نفسك معايه وتكلمني بإحترام زي مانا بدأت الكلام معاك بحترام ومن هنا ورايح تلزم حدودك معايه راح قالي انتي الي علي اخر الزمن هتعلميني ازاي اتكلم روحت رديت وقولتلو اتأدب واحترم نفسك وانت بتكلمني راح هو لما لقي نفسو غلطان ومش عارف يرد طردني من البيت وقولت احسن وانا اصلا مش عايزه اشوف وشهم تاني دول ناس متتعاشرش لان عرفيا اسلوبهم غلط في غلط واعوذ بالله من شرهم ودماغهم السم وبصراحه حقو يعمل اكتر من كدا مهو اصلا انسان فاضي لا شغله ولا مشغله قاعد في البيت زيو زي اي ست بيت ابوه هو الي بيصرف عليه وفاتحلو بيتو المهم انا قولت خلاص بعد المواجها دي خلاص هيسبوني في حالهم والمواجها كانت قدام مامتو الي هي حماتي وهي كانت ساكته وعارفه انو ابنها غلطان وسكتت انا بقا خلاص انعزلة نهائي ومبحتكش بحد هو يسكت بردو مهو ديل الكلب عمرو مهيتعدل مهو انسان فاضي برضو عمال يتلككلي واكون قاعده في امان الله يروح ملسني في حاجه او مشكله انا معملتهاش اصلا وانا بقا اسكت واطنش لحد مبجد فاض بيا وجبت اخري وماما جت وحكتلها وقولتلها يماما انقذيني ارجوكي حطي النقط علي الحروف وخليه يحترمني جات ماما عشان تتكلم معاه قالتلو انا عايزه اصلح ومعرفش الحوار الي دار بينهم لاني كنت برا بس جيت واتكلمة مع حماتي قدامي وقلتلها انوعايزين نحل المشكله وانو الي بيحصل والي بيعملو ابنك ده غلط وميرضيش ربنا اتفاجئ بقا انو حماتي مغلطاني انا وقولتني كلام مقلتهوش لدرجة انو بنتها نفسها اندهشة وقالتلها ايه الي بتقوليه ده يماما ده محصلش رحت انا بقا طلعة كل الي جوايه وقولتها يعني انتي علي كدا لو ابنك قتل حد وهو الي غلطان هتقفي معاه وتظلمي البريئ طبعا منا مش بنتك ولا ضناكي وعلفتها وفضلة اقولك قولي كلمة حق بحق الله يشيخه ده الي بيني وبينك ربنا وهي بردو متمسكه بأنو تغلطني انا واقلتلي هو ولد راجل يعمل الي هو عايزو لكن انتي بنت يحترمك ليه وهنا الصدمه جاتلي وخلاص اعصابي تعبت انهارة وقولتلها مفيش حاجه اسمها راجل وست في الاحترام الاحترام للأتنين وللكبير والصغير ايه الي انتي بتقوليه ده انا مكنتش اتوقع منك كدا وفضلة اصرخ وانهردة من كتر القهر ووجع القلب حتي ماما ضربتني بلقلم وفضلة تضرب فيا وفي الاخر ماما اتخلة عني وسبتني مداس ليهم ومقتنعه انو بعد منهرة وصرخة اني قليلة ادب وفاجر وانها معرفتش تربي طيب انا الانهيار ده غصب عني دي تراكمات وطلعة وهبة مره واحده انا مش عارفه اطلع بره البيت وبقية حاسه اني منبوزه نفسي اعرف انا عملة ايه لده كلو والله انا كنت في حالي انا نفسي اعيش في حالي بسلام هما عايزين مني ايه ليه بيعملو معايه كدا والله بكتبلكو الفضفضه دي وانا منهاره قلبي هيموتني انا خلاص ضهري اتكسر ومبقاش ليا حد وبقية وحيده بالكامل 💔 ماليش لسند ولا ضهر حتي امي اتحلة عني ازا كان امي اتخلة عني اهلي البقين هيعملو فيا ايه انا تعبت
مش ممكن تعيشي مع أهلك لما يكون جوزك يكون مسافر؟
تم النشر الثلاثاء، ٦ فبراير ٢٠٢٤
جوزك عارف باللي بيعملوه معاكي؟
تم النشر الاثنين، ٥ فبراير ٢٠٢٤
هو أنت مش ليكي شقة مقفولة عليكي خاصة بيكي أنت وجوزك ولا ساكنة معاهم في نفس البيت والشقق مفتوحة على بعض؟
تم النشر الاثنين، ٥ فبراير ٢٠٢٤
متفتحيش ل حد الباب مهما حصل اخو جوزك عايز يجيبك سكه و يعمل معاكي علاقه غلط بحكم انك ست وجوزك م ف البيت و انتي بلاش تزعلي او تعيطي احكي لجوزك و بلاش تخلفي خالص عشان هتظلمي العيال و لو تعرفي تخدي كرامتك و تطلقي يبقي احسن من وجع الاعصاب و الهم ال انتي فيه دول عالم وسخه م هينفع معاهم غير كدا
تم النشر الأربعاء، ٧ فبراير ٢٠٢٤
وبعدين خلاص مهي امي اتخلة عني وكسرتني ومفهمتنيش وجات عليا زيهم اروح فين انا مبقاش ليا حد انا بقيت في البيت محسوره بقي عندي خوف ورعب اطلع من البيت او اخطلت بحد
تم النشر الثلاثاء، ٦ فبراير ٢٠٢٤
انا بعمل كدا في الاجازات بس حالبا مقدرش لان انا لسه بتعلم وكمان الجامعه بتعتي جمب البيت
تم النشر الثلاثاء، ٦ فبراير ٢٠٢٤
اه بس هو مش عارف يعمل ايه هو واقع بين نارين وانا متفهمه ده كويس لان دول مهما كان اهلو وانا مشعارفه اعمل ايه ومش عايزه اضغط عليه لان دول اهلو فاهمني مهما كان مش عايزه افرقو عن اهلو هو حاليا منقطع عن الاتصال لانو برا مصر ومش عارف اخر الاخبار ولا ايه الي مستنيه من خراب بيت 💔
تم النشر الثلاثاء، ٦ فبراير ٢٠٢٤
الشقه مقفوله عليا بس انا في نفس العماره الي عايشن فيها بس بردو محدش سايبني في حالي 💔💔بيخبطو عليا وبمشاكل انا زات نفسي معرفش عنها حاجه وبيتلككو وبيعملو زي محكية في الي كاتباه 💔
تم النشر الاثنين، ٥ فبراير ٢٠٢٤
لعرض السؤال في فدني اضغط هنا