17 سنه من كام شهر كده حصل زلزال و الحمد الله عدى على خير بس من يومها و انا متغيره و عرفت قد ايه الانسان ضعيف و ممكن ربنا فعلا في اي وقت يشق الارض و تبلعنا خوفت جدا و قعدت اعيط كتير حاليا يجاهد نفسي في منع الاغاني و اخدت فكره الخمار بس خمار الي بطرحه مش الفرنسي او الاندونيسي او الماليزي او كريب حتى بطرحه عادي رغم اني هموت على الاندونيسي بس يلا
لبست الخمار بس لاقيت كله ضدي و ماما ضدي و بابا مش بيقول حاجه بس بيبص ليا كده بذهول اللي هو ايه اللي انتي لابساه ده مش عارفه بجد هعيط و الكل بيقولي لو لبستيه عمرك ما هتتجوزي و هتفضلي كده
حاسه نفسي رجعت تاني مذبذبه ممكن تساعدوني 🤍😔
يا حبيبتي، أولاً أحييكِ بشدة على هذا الوعي والنضج اللي وصلتي له في سن 17 سنة. الزلزال كان اختبار قوي قربك لربنا، وده نعمة كبيرة. قراركِ بترك الأغاني ولبس الخمار الشرعي قرار ناضج وشجاع، وأنا فخورة بيكِ جدًا. أما بخصوص رد فعل أهلك، فده طبيعي في البداية. ماما خايفة عليكِ، وبابا مصدوم لأن التغيير جاء فجأة. الضغط ده بيخلّي الواحدة تحس إنها لوحدها، بس تذكري إن ربنا هو اللي بيثبت القلوب. حاولي تتكلمي مع ماما بهدوء في وقت مناسب، قولي لها إنكِ مش بتعملي كده عشان تختلفي عن الناس، لكن عشان بتحسي إن ده الطريق الصح اللي هيطمنكِ ويحميكِ. خلي كلامكِ مليان حب واحترام، وأظهري لها إنكِ لسه بنتها اللي بتسمع كلامها وبتحترمها. في نفس الوقت، كوني صبورة واستمري في الالتزام بلطف. أحيانًا الأهل بيحتاجوا وقت عشان يشوفوا التغيير الإيجابي في سلوككِ وأخلاقكِ، وده هيأثر فيهم أكتر من الكلام. ادعي لهم بالهداية، وادعي لنفسكِ بالثبات. ربنا بيقول "وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا"، فاليسر هيجي إن شاء الله. لو حابة تتكلمي أكتر عن الطريقة اللي تقدري تتعاملي بيها مع الضغط ده، أنا هنا أسمعكِ وأساعدكِ. استمري، أنتِ على الطريق الصح. 🤍
تم النشر الثلاثاء، ٨ سبتمبر ٢٠٢٦
بصي اول حاجة طبعا طبعا الجواز قسمة ونصيب والشخص اللي مكتوب لك هتاخديه كدا كدا إن شاء الله إنتي بقى حابة أبو ولادك في المستقبل يكون راجل محترم فيه سمة التدين ف الطبيعي مثلا لما واحد محترم هيدور أول حاجة بتتقال عاوزها بتلبس واسع او طويل، ف الطبيعي جدا والمنطقي اللبس الكويس غالبا بيجيب ناس كويسة والله اعلم وعلشان نبقى منطقيين الناس الكويسة مبقتش كتير الا من رحم ربي طبعا تاني حاجة ربنا اللي بيرزق، إحنا بنحسن لبسنا وشكلنا علشان نرضي ربنا مش الناس ومش علشان يجي حد أو لاء علشان بردو مش مقياس زي الصلاة مثلا هل لو صلينا او مصليناش هيحكم في هيجي عريس ولا لاء؟ الحجاب بشروطه " لا يصف ولا يشف" فرض علينا كلنا زيه زي ما الصيام والصلاة فرض ف خلاصةً اللي يقول حاجة تدايقه قولي انا مرتاحة كدا وأنا شايفة إن كدا برضى ربنا وإسمعي وكبري دماغك طالما مقتنعة بطريقة لبسك حاجة كمان حواليا صحاب مختمرات ومنتقبات مثلا منهم اللي اتخطبت واللي اتجوزت لناس ماشاء الله كويسين جدا وكان قدامهم كمان اختيارات كتير عادي زيهم زي أي بنت مش بتفرق في حاجة الجواز مرحلة هتيجي للشخص اللي ربنا كاتبه وبالطريقة اللي ربنا كاتبها وفي الوقت اللي ربنا كاتبه لحد ما يجي الشخص والمرحلة دي إحنا بنعيش عادي كدا بنعمل اللي شايفينه صح لحياتنا وأخرتنا وبس
تم النشر الجمعة، ١١ سبتمبر ٢٠٢٦
بصي حطي الأول نيه واضحة للخمار أو الحجاب زي أولا إنها لله ولأن ربنا أمرنا بالحجاب الشرعي وتتشبهي بحجاب أمهات المؤمنين ويكون حجاب لأبيكي من النار وكمان لأنك غاليه أوي في الإسلام و إن دا حق لزوجك المستقبلي أن محدش يشوف تفاصيل لبسك لو بنطلون مثلا وإفتكري إن الجنة مش ببلاش وإننا لازم نجاهد نفسنا واللي حوالينا ونظرتهم وبالنسبه لأهلك شويه في الأول وهيتعودوا على شكلك إنتي بس اثبتي وافتكري لو موتي دلوقتي هتكوني بخمار ولا لا ؟ عارفه إن نظرات اللي حواليك صعبه وكلامهم أصعب بس هتعملي ايه وبالنسبه للزواج دا رزق وربنا هو مقسم الأرزاق فخايفه ليه وهو بإيد ربنا ؟ ولو في الواقع كل المنتقبات والمختمرات اللي متجوزين اتجوزوا ازاي؟ ربنا مقسم الأرزاق .ربنا يرزقك ويرزقنا حجاب أمهات المؤمنين
تم النشر الثلاثاء، ١٥ سبتمبر ٢٠٢٦
اثبتي ي حبيبتي واعلمي أن قلب والدك ووالدتك وكل الناس بيد الله يُقلبها كيف يشاء فادعي كتير وربنا هيهديك ، وبالنسبه للجواز فخليكي أنه رزق من عند الله.
تم النشر الجمعة، ١١ سبتمبر ٢٠٢٦
شروط الحجاب .. ألا يصف ولا يشف ولا يكون زينة في نفسه . وأي بنت مش بتعمل الشروط دي آثمة وهتشيل وزر كل رجل ينظر إليها لو لبسها ضيق أو مبينه جزء من جسمها أيا كان ايد أو رقبه أو رجل .. ولو خارجه بزينتها
تم النشر الأربعاء، ٩ سبتمبر ٢٠٢٦
اثبتي . فقد أمرنا الله في كتابه العزيز بالستر . وبالنسبة لكلامهم فكلام خطأ الزواج زرق ، والشيطان بيوسوس لهم يقولوا كلام سلبي. اثبتي على قرارك وعقبال ما تلبسي النقاب إن شاء الله فهذا من العزة والشرف ، والحاجات التانيه إن أمر الستر معناه إخفاء الزينة ف مانجيش إحنا ننبهر بأي حاجه وهي غلط . الخمار الاندونيسي زينة في نفسه
تم النشر الأربعاء، ٩ سبتمبر ٢٠٢٦
المرأة ك الجوهر والهديا لمن يستاهلها يعني لو جبتي لشخص هديا ومغلف بقماش اسود باهت وكل اللي يشوفها يقول مش حلو ولكن جواه هذا الغلاف جوهر وهكذا هيا المراه المحتشما
تم النشر السبت، ١٢ سبتمبر ٢٠٢٦
الخمار الاندونيسي زينه ؟ رغم ان في شيوخ قالت مش حرام
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا