كنت بشتغل في مكان وكان في شخص هناك كان في بينا إعجاب متبادل وواضح جدا و بيسأل عني اصحابي عن اموري وان كنت مرتبطة أو لا وكلام بشكل غير مباشر عن جواز وحاجة جد ولكنه مكلمنيش أنا بشكل مباشر حتى كلامنا كله كان في حدود العمل فقط فقلت يمكن محرج أو لسه بيدبر أموره واول ما تتظبط أحواله هيكلمني بشكل مباشر
ولكنه فجأة وبدون أي مقدمات بدأ يتعامل معايا بشكل وقح جدا وبدأ ينسحب تماما وحتى الكلام في العمل بقى بشكل جاف وهو متضايق جدا ومتأفف ومبقاش حتى عايز يبص في وشي (ده حصل بشكل أساسي بعد ما كنت بكلم صحابي عنه واني معجبة بيه و شايفاه انسان كويس وهو سمع الكلام ده عشان كان واقف قريب مننا بدون ما آخد بالي وصاحبتي قالت لي ده لما اخدت بالها)
وانا معرفش ليه التغير المفاجئ ده، وبعدها بمفيش تركت الشغل ده وانقطعت رجلي من هناك تماما ومن ساعتها مبقتش اعرف عنه أي شئ تماما لعدة سنوات، بعدها لقيته بيحاول يكلمني تاني بس طبعا من اكونتات مزيفة ويحاول الكلام كأصدقاء و يحاول يعرف أي حاجة عني أو مكان شغلي وخلافه عشان يشوفني ولكني اول ما بشك في الأمر بعمل بلوك واصد
عرفت بالصدفة بعدها (مش منه) أنه مكملش تعليمه وان في الفترة دي كان بيكمل وأنه كان عايزني فعلا بس خاف اني ارفضه فبادر هو برفضي كنوع من أنواع حفظ ماء الوجه...
أنا مش قادرة أسامحه لانه كان عارف اني بحبه فعلا وبخل عليا حتى بالتوضيح و فضل الهرب على أنه يواجه وحقيقي كنت هستناه بس الأقي دليل ف ايدي أنه بيحبني فعلا.. وسايبني بالسنين ميعرفش عني أي حاجة؟ ومازال بعد السنين دي كلها لسه متردد وبيترعش؟ ولسه مفيش حاجة جادة؟؟؟؟؟
وفي نفس الوقت مش عايزة اكون قاسية هو بعد لتحسين أموره ولكني كان من حقي المعرفة..
اسمح له تاني بالتواجد في حياتي؟ ولا ميستاهلش الفرصة
على حسب ما اظن هو فضل الهروب لانه مكنش عايز يعلقك بيه + لأ ملكيش حق المعرفة ده من وجه نظري لأن مفيش بينكم اي حاجه تحت اي مسمى هيقولك . وده أفضل حد ممكن تديه فرصه بالتواجد في حياتك لانه مستغلكيش وعلقك بيه واستغل مشاعرك اتجاهه وفتح باب للشيطان يدخل بينكم . الكلام ده من وجهة نظري الشخصية
تم النشر الجمعة، ١٩ ديسمبر ٢٠٢٥
معلش بس عايزه ايه من واحد بيدخل يكلمك من اكونتات فيك وبيوصل كلام ده حتى مش قادر يجي يكلمك ويتقدم ويدخل البيت من بابه طالما كمل تعليمه مستني ايه على الخطوة دي ولو اتقدم ساعتها صلى استخارة وشوفي انتي مرتاحة ولا لا
تم النشر السبت، ٢٠ ديسمبر ٢٠٢٥
لعرض السؤال في فدني اضغط هنا