السلام عليكم ورحمة الله
طيب خليني اقول لكم حاجه انا بحب القطط و بأكلهم كمان وكان في قط في الشارع هو عارفني وانا ساعات بأكله ونفسي أرحمه عشان هو قط ضعيف بس بابا شايف ان القطط مقرفه ومهما تكلمت معه وأقول له ان القطط نضيفه مش هيقتنع فأنا كنت بدعي اليوم ان ربي يخلي بابا يقتنع بس وانا بدعي قلت اني عاوزه ارحم القطه
وقتها افتكرت حاجه ان في حمامه عندنا في البيت والحمامة دي بتحبنا اوي وكانت ساعات تاكل من تحت رجلي وكانت قريبه مننا اوي بس هي وسخت البيت فكنا بنطردها برا ونحط لها الاكل برا البيت عشان البيت ما يبقى وسخ بس بابا عرف ان الحمامه فيها يعني حشرات فاخذ الحمامه و ونظفها ومن ساعاتها الحمامه بتخاف نقرب منها بس ما بتمشي من البيت
المهم في يوم شعر كان على الأرض ف الحمامه الشعر ده اشتبك في رجلها وفي شعرايه لفت على صبعها و الحمامه كل يوم بتتعذب بسبب الشعرايه دي لأنها قربت تقطع صباعها و صباعها حاليا لونه ازرق و باهت
بابا قال انه بيذبحها عشان يرحمها بس ما ذبحها و اخويا قال لي ابي انه يمسك الحمامه عشان يحاول يفك الشعره دي بس بابا رفض وقال إنه بيذبحها احسن معلومه بابا بيحب الحمامه دي اوي لدرجه انه كان بيقول لها يا بنتي المهم احنا نادرا ما بنحط لها اكل عشان بننساها ايام والحمامة لغاية دلوقتي لسه مكمله معانه عشان الاكل
وانا افتكرت ده وانا بصلي وقلت إزاي انا هرحم قطه وانا مش عارفه احط على الاقل اكل للحمامه وخفت اوي عشان افتكرت ان الحمامه دي ممكن اتحاسب عليها وانا خايفه و زعلانه عليها ومش عارفه اعمل ايه عشان انا صغيره عمري اقل من 15 عاما و انا بفتكر ده كله وانا بصلي حسيت ربي بيقول لي إزاي هترحمي قطه وانتي مش عارفه تأكلي حمامه وحولت دعائي كله وبدأت اقول يارب ارحم الحمامه عشان انا مش بيدي اعمل حاجه وانهيت الصلاة على الدعاء لها
ياريت بجد حد يقول ليه اتصرف إزاي
يا حبيبتي ماشاء الله عليكي ربنا يديم طيبتك وبرأتك دي انت انسانه طيوبه اوي وقلبك ابيض وفي عطف على ارواح الحيوانات ربنا يديمه عليكي تبارك الله ، شوفي بالنسبه للقطط ممكن تبقي تحطلها اكل برا فهماني زي مانتي كنتي بتعملي مع الحمامه اي حاجه مش شرط تدخليها بيتكم عشان تهتمي بيها وربنا يجعله في ميزان حسناتك لان الي بيرحم روح دا حاجه عظيمه اوي عند ربنا ، الحمامه بقا ممكن لو في بيطري عندكم قريب توديها ليه لو معرفتوش تسلكولها الربطه الي على صوبعها ووالدك اكيد مش عشان حاجه قالك كدا بس هو خايف عليكم من الأمراض والكلام دا ، ودا حقه والدليل انه بيحب الحمامه دا بيدل انه مش عنده عداء مع الحيوان عموما هو بس عارف ان اغلب قطط الشوارع بيكونوا فيهم حشرات وحجات من دي ، عشان كدا لما بنربي حاجه في البيت بنهتم بنضفتها عشان نكون مرتحين اكتر، ارحموا من في الأرض يرحمكم من في السماء واللي بيرحم روح في الدنيا ربنا بيرحمه حد عاوز اكتر من رحمة ربنا ، ومتخفيش ربنا بيرزق كل روح على وجه الأرض وان انت مأكلتهاش غيرك هيأكلها فهماني يعني متنعيش هم أنها هتجوع وكدا وكل واحد بيعمل الي بيقدر عليه مش اكتر ، طريقتك في الكلام فهمتني حاجه واحدة بس ان الي زيك مفضلش منهم كتير فاثبتي على وضعك وادعي ربنا يثبتك ويزيدك وادعي ينور دربك للصح ❤️
تم النشر الخميس، ١٥ مايو ٢٠٢٥
وعليكم السلام ورحمة الله وبركاته يا عزيزتي، أولاً، أحب أشيد بحبك ورحمتك تجاه الحيوانات، وهذا شيء جميل جداً يعكس قلبك الطيب وشفقتك على كل مخلوق، وهذا من صفات المؤمنين. إن رحمة الإنسان بالحيوانات من علامات الرحمة التي أمرنا الله بها، وقد قال النبي صلى الله عليه وسلم: «في كل كبد رطبة أجر». بالنسبة لحالتك مع الحمامة: مشكلة الشعر العالق في رجل الحمامة : هذه وضعية تحتاج لتدخل سريع وعناية، لأن استمرارها يؤلم الطير وقد تؤدي لمضاعفات خطيرة. لو لم تستطعي فعل شيء بنفسك، يمكنك أن تطلبي من والدك أن يسمح لك بمساعدة الحمامة بتنظيف الرجل بلطف شديد، أو يمكنك طلب مساعدة من شخص كبير في السن أو من جهة مختصة أو حتى مستشفى بيطري لو وجد. كيف ترحمي الحمامة؟ قدم لها الطعام والشراب خارج البيت في مكان آمن بانتظام، وضعي ذكرك أو فكري في طريقة تتفادي بها نسيان إطعامها. إن كنت لا تستطيعين إخراجها من وضعها الحالي، فكوني قريبة منها بالكلام والاهتمام، ولو فقط بالدعاء لها. الدعاء لها مستحب ويفيد، لكن لا يتوقف الإنسان فقط على الدعاء، بل يعمل بما يستطيع. التعامل مع والدك ورفضه: حاولت جاهداً أن تفهميه أهمية الرحمة والعناية بالحيوانات، وهذا موقف راقٍ منك. إدخال شخص آخر يعيني أو وسيط من العائلة أو أحد الكبار الذين تحترمهم والدك يمكن أن يساعد في إقناعه. اشرحي له أن تنظيف رجلي الحمامة قد يمنع عنها الألم والمرض ولا يعني استمرار بقائها في البيت، كل ما في الأمر هو عناية مؤقتة. دورك كطفلة: أنت بحكم سنك لديك حدود في قدرتك على التصرف، لذلك لا تحملي نفسك فوق طاقتك. ولكن حسن نيتك يدخلك في رحمة الله، وتواصلك مع طيبة قلبك هي الشيء الأهم. نصيحتي لك: سجلي ملاحظات عن حالة الحمامة وشاركيها مع والدك بطريقة هادئة وغير مواجهة. إذا فيه إمكانية، استشيري خبراء الحيوانات أو البيطريين في منطقتك، وربما يمكنكِ السؤال على تطبيق فدني عن استشارات مختصة في رعاية الحيوانات. لا تضغطي على نفسك بالذنب، عملك الأكبر هو الدعاء والنية الصادقة لفعل الخير، وأنت تبذلين ما في وسعك. أتمنى لك الصبر والنجاح في رحمتك للحمامة، والله ييسر لك الأمور ويوفقك لكل خير. وإذا حبيتي، ممكن تستكشفي في تطبيق فدني قسم الخبراء لتتواصلي مع أشخاص متخصصين في رعاية الحيوانات أو أمراضها. أنا ذكية معك دائماً، وأي حاجة تحتاجيها أنا هنا. دمت بخير وسلامة. 🌷🐦
تم النشر الخميس، ١٥ مايو ٢٠٢٥
لعرض السؤال في فدني اضغط هنا