انا من فتره ارتبطت بشخص اونلاين عمري ما شوفته في الحياة الواقعيه بس بعتلي صوره وانا بعتله صوري حبينا بعض واتعلقنا ببعض وبعد كام شهر المفروض هيخطبني المهم انا كنت دايما صادقه معاه في كل حاجه وهو كذلك بس لقياه الفتره الاخيره متغير وكلامه قليل سألته ليه كدا قالي فعلا معاكي حق بس مشغول وقالي حاسس بتأنيب ضمير قوي اوي قولتله لا مش للدرجادي قالي انتي تستاهلي كل الخير وحنونه وطيبه وعمري ما كدبت في حاجه ما عدا حاجه واحده بس
وهي ان دي مش صوري ولا دا انا ،وفضل يعبر قد ايه هو غلطان وندمان ومتقبل اي رد فعل مني وانه عمل كدا وكذب عليا بالشكل دا عشان خاف ابعد عنه بسبب شكله
لان انا كنت من بدايته العلاقه في فترة التعارف اتكلمت في ايه بيجذبني اكتر للراجل وقلت الشكل والجسم فهو فكرني مش هوافق بيه وبعتلي صور حد تاني.
وقتها كنت مصدومه صدمه من قوتها مقدرتش اتكلم فضلت اعيط بس بسبب الخذلان والقهر اللي كنت فيه بعد ما وثقت فيه واديته الامان يخوني بالطريقه دي ليه
المهم دلوقتي انا مبقتش مرتاحه ولا بقيت حاسه بنفس الحب بعد ما كل حاجه اتهدت كدا في نظري وللعلم شخصيته وطباعه واسلوبه بجد ما شاء الله حلوين اوي بس بسبب الكدبه وبسبب الشكل مبقتش قادره اتقبل الوضع الجديد
ممكن تفيدوني بجد من قلوبكم عشان انا محتاره بين اني اكمل معاه علشان شخصيته واتغاضى شكله ولا ابعد عشان مظلموش ومظلمش نفسي معاه لاني مش هعرف اديله حب زي زمان لا حب ولا اهتمام ومش عايزه اجرح فيه ولا اكسر ثقته بنفسه انا محتاره اوي وموجوعه اوي ان انا حبيت واحد تاني وهو السبب في كدا
ثانياً بقا، ابعدي عنه لان حرام شرعا زي ما قولتلك، ولو نفترض إنه جه البيت من بابه وبقت في علاقة رسمية هو لا يصلح من وجهة نظري،لأن هو كدب عليكي كدبة مش صغيرة ف ايه ضمان إنه مش مخبي حاجات تانية؟ وانتي مع الوقت هتبدأي تشكي فيه غصب عنك بسبب الي حصل ده، ده غير إنه مش ناضج كفاية علشان ياخد خطوة جواز دلوقتي الي يعمل كده يبقا لسه محتاج شوية مؤهلات نفسية قبل الخطوة دي وده مش عيب أبداً بس هو غير مناسب حالياً كمان انتي من كلامك خلاص مبقتيش مقتنعة بي فوقعت من نظرك حتة القبول بي كشكل وده شيء مهم لازم زي ما هو متقبلك انتي كمان تتقبلي
تم النشر الجمعة، ٦ فبراير ٢٠٢٦
يا حبيبتي، أول حاجة أقولك إن صدمتك دي طبيعية جداً، والوجع اللي جواكِ ده مش هيروح بسرعة، بس أنتِ قوية وهتقدري تتجاوزيه إن شاء الله. خليني أفهمك الموقف بوضوح وأديكِ خطوات عملية من منظور إسلامي ونفسي، عشان تاخدي قرار صح. 1. الكذب ده خط أحمر كبير : هو اعترف، وده شجاعة جزئياً، بس الكذب في الهوية الأساسية (صورة، شكل) يهز الثقة تماماً. الثقة زي الزجاج، لما تتكسر صعب ترجع زي الأول. حتى لو شخصيته حلوة، الخوف ده يعني إنه مش واثق بنفسه، وده ممكن يأثر على علاقتكم بعدين. 2. من منظور إسلامي، العلاقة دي مش مناسبة أصلاً : الإسلام يقول التعارف لازم يكون شرعي، عبر الأهل، مش أونلاين سراً. ده ممكن يفتح باب الفتنة والخطايا. لو عايزة تكملي، لازم توقفي الكلام الخاص فوراً، وتدخلي الأهل والخطبة الرسمية. بس بعد الكذب ده، فكري كويس: هل ده اللي تستاهليه؟ أنتِ طيبة وحنونة، تستاهلي واحد صادق 100% من الأول. 3. قرارك اللي محتارة فيه : لو كملتِ : هتحسي بالذنب والتبرير، ومش هتقدري تدي حب حقيقي زي زمان. ده هيظلمكِ ويظلمه، زي ما قلتِ. الشكل مش كل حاجة، بس الكذب يخلي الشكل مشكلة أكبر. الأفضل: ابعدي دلوقتي . قوليله بكرامة: "أنا أقدر اعترافك، بس الثقة راحت ومش قادرة أكمل". بلوكي وامسحي كل حاجة، عشان ترتاحي نفسياً. اللي حبيتيه كان "وهم"، مش الشخص الحقيقي. خطوات عملية عشان تتعافي: اليوم : واظبي على الصلاة اقري قرآن يومياً. أسبوعياً : اكتبي إيجابياتكِ (أنتِ صادقة، طيبة، تستاهلي الأفضل). مارسي هواية جديدة زي القراية أو الرياضة الخفيفة. طويل الأمد : ركزي على تطوير نفسكِ وتحقيق أهداف إلى أن تقرري خطوة الزواج. متقلقيش هترجعي أقوى، وهتلاقي اللي يستاهلكِ بإذن الله. لو عايزة تتكلمي أكتر أو تشوفي أسئلة مشابهة في Fedni، ابحثي هناك هتلاقي إجابات كتير. ربنا يفرح قلبكِ يا قمر 💕
تم النشر الخميس، ٥ فبراير ٢٠٢٦
ودلوقتي عشان فهمتي أن آخرة العلاقات هي الضرر (زي ال٣ اللي فوق) فسيبيه ... وعشان ثقته متقعش ويظن انك سبتيه عشان شكله فالأفضل انك مثلا تصوريله الرسالة اللي كتبتها فوق وتقولي له انك تبتي .... فقد حرمتي نفسك متعة قيام الليل والسكينة وراحة البال والقرب من الله والاكتفاء به وانتي من تحتاجي الله وهو لا يحتاجك ..... فإن عزمتي على ترك العلاقات لوجه الله فلا شك هذا صعب أن يغير الإنسان شئ إعتاد عليه ولكن بعد تخطي فترة الصعوبة تكون فترة الثقة والحياة الطيبة الفطرية النقية النظيفة
تم النشر الخميس، ٥ فبراير ٢٠٢٦
بصي بعيدا عن سؤالك بس انا عايزك تفكري لبعيد شويتين .. ايه الهدف من العلاقة دي اصلا .. وايه آخر الطريق ده ؟ هتقولي الحب والجواز ... بس اكدا انتي فاهمة غلط لأن العلاقات دي مش آخرها جواز .. دي آخرها حاجة من الثلاثة : ١-ابتزاز بصورك ٢-يزهق منك ويشوف غيرك ٣-جواز ملئ بالشكوك لأن بديهي أنه كلمك وانتو مش متجوزين فهتشكي أنه ممكن يخونك ويكلم غيرك ده غير أن مفيش أساس أخلاقي تبني عليه تربية الأبناء ....... دي أول تجربة لكي أحمدي ربك انك وقعتي في واحد محترم واعترف لك لأن ممكن واحد تاني يستمر في التمثيل ويبتزك بالصور ..
تم النشر الخميس، ٥ فبراير ٢٠٢٦
بصي العلاقات المحرمة بتبقا نهايتها وحشة كلها، واحنا عندنا خاطىء دايمًا في مفهوم العلاقة المحرمة، العلاقة المحرمة هي انك تتكلمي مع شخص اجنبي عنك من غير ضوابط شرعية ومن غير ضرورة، طب ما احنا بنتكلم بأدب وبأحترام وفي مواضيع عامة؟ بردو حرام يا حبيبتي، فالأول ابعدي عن سكة دي تماما مدخليش نفسك فيها هتستهلكي نفسياً وعاطفيًا صوني قلبك لل يستحقك ويعرف قيمتك
تم النشر الجمعة، ٦ فبراير ٢٠٢٦
لعرض السؤال في فدني اضغط هنا