اتعرفت على ولد من احد التطبيقات التعليمية وبدا يساعدني كتير في الدراسة لانه كان ممتاز ما شاء الله ومع الوقت بقينا صحاب وفي مرة كنت بهزر معاه وكلمته علي بنت خالي الرضيعة انها بنتي زعل اوي وقالي انتي متجوزة
انا اتخضيت انه بفكر اني متجوزة وانها مثلا مش حد قريبي وهو من طريقة كلامه كان حزين جدا ويقولي انتي لسه صغيرة وازاي تتجوزي في السن دا (لاني في الوقت دا كنت في 3 اعدادي ) فالمهم قولتله اني مش متجوزة وانها بنت خالي فراح قالي علطول انه كان خايف فلما سألته ليه قالي علشان بحبك
اتصدمت لاني حرفيا كنت عايشة في جفاف عاطفي من الاسرة - فبعتلي رقمه وبدانا نتكلم (كل الكلام اللي كان في الاول كان شات بس) طول الفترة اللي اتكلمنا فيها يقولي صليتي؟ يقعد يقرا في قران وانا استمع وكان قمة في الحنية والطيبة والاخلاق عمره ما قالي حاجة مش كويسة بس بعد فترة ماما حست ان في حاجه فاخدت مني الموبايل لغاية اولي ثانوي واحنا مفيش بينا تواصل بس هو كان دايما بيرن وماما ترد وهو يسكت
وفي اولي ثانوي رجعنا نتكلم تاني -بصراحة كنت دايما بحسه بيحبني اوي اوي وكان دايما بيقولي بحبك وولا مرة زعلني او اتخانقنا بس كان بيجيلي اوقات بحس اني زهقت من كلمة بحبك المستمرة فحصل موقف وحد دخل يستظرف ويتعرف فقولتله مرتبطة فالمهم فضل ورايا لحد ما اقنعني انه اكيد زي كل الشباب وبيلعب بيا وقالي نختبره واخد رقمه وبدا يكلمه على اساس بنت فحصل حوار مع اني كنت متاكدة مليون في المية انه برئ
انا بصراحة استغليته علشان ابعد لاني زي ما قلت كنت زهت من رومانسيته الزيادة وفعلا دا حصل لكن فضل يكلمني وكل مرة حرفيا كان بيعيط بتأثر كبير اوي لغاية ما في مرة بعتلي فويس انه كلم خاله يكلم أهله علشان يجوا يخطبوني (احنا كل واحد من محافظة وعمرنا ما شفنا بعض غير من صور البروفايل ودي كانت صورة واحدة لكل حد فينا )
وانا اهلي عرفوا واكيد اضربت واخدوا مني الفون وبعدها اني ندمت بجد لاني عرفت قيمة الحنية دي بعد ما فقدتها وندمت جدا اني سبته بالطريقة دي لانه بجد كان انسان محترم جدا احيانا بحن للايام دي -بس بعدها انا قربت لربنا وعرفت اني كنت غلط كبير اوي وتبت لربنا
وفعلا انا تغيرت واهلي رجعوا يثقوا فيا تاني وانا دلوقتي عندي اموت ولا اني اضيع ثقت اهلي فيا او اخلف بوعدي لربنا وحاليا هو كلم والدي وقاله انه بقى طالب في كلية طب وعايز يجي يتقدم انا مفيش حد قالي انا عرفت بالصدفة ومعرفش والدي رد عليه بإيه بس اتقدملي عرسان وحصلت كذا مرة نظرة شرعية بس محصلش نصيب الحمد لله
سؤالي هل لو ارتبطت بغيره لو محصلش نصيب بينا أقوله عن الماضي وعلاقتي السابقة ولا لاء؟
السلام عليكم، قولًا واحدًا لا. أولا ده ماضي وراح وأنتِ الحمد لله تبتِ واتغيرتِ، محدش له حق يسألك ولا يحاسبك عليه. لو سألك متقوليش وانكري ولو أصر خليكِ حازمة في موقفك. خطيبك شرعًا مش من حقه يسأل وأنتِ شرعًا مش مأمورة تعترفي بحاجة. ربنا سترك وإن شاء الله غفر وقبل توبتك فليه تهتكي ستر ربنا وكمان تعطي مجال للشيطان يدخل وينثر بذور الشك بينكم. تفتكري الرجال بتقبل حاجة زي كده، قليل جدًا دلوقتي اللي مش هيغلب ذكوريته وشكه ويتفهم حكم الشرع في النقطة دي ويتعامل مع البنت بتوبتها وتغيرها، وفي الغالب الشاب بيتغير من ناحية خطيبته وحتى لو كمل للزواج يفضل الشك ناحيتها وأحيانا بيعايروا ويعملوا مشاكل بسبب كده. فأنتِ امشي شرعًا زي ما ديننا قال، اثبتي على تبتك وهدايتك ولا تهتكي ستر الله لك. *** ممكن تقرأي الفتوى دي عشان تفهمي أكتر https://www.islamweb.net/ar/fatwa/453202/التحذير-من-سؤال-الخاطب-عن-ماضي-الفتاة وفتوى تانية https://www.islamweb.net/ar/consult/420801/تحذير-الفتاة-من-إخبار-خطيبها-بعلاقاتها-القديمة وربنا يكتب لك الخير ويوفقك له.
تم النشر الثلاثاء، ٢٥ نوفمبر ٢٠٢٥
مفيش داعي، ومش من حق اي حد يسألك عن الماضي بتاعك... محدش سليم.
تم النشر الخميس، ٢٧ نوفمبر ٢٠٢٥
اللى فات مات اى ولد بترتبطى بية وتحكيلة عن ولد هيفقد ثقتة فيكى دة غير ف اى خناقة هيقولك روحى لى كذا م انت عملتى و سوتى وكل الكلام دة متحكيش لحد حاجة و لو ليكى نصيب ف حد ان شاء الله هيكون بس انتى عاوزة ولى لا علشان متاذيش حد بسببك او تعلقى حد و بعد كدة تسبية ولو عاوزة نصحتى خدى اللى بيحبك متخديش اللى بتحبية علشان اللى بيحبك هيصونك و يخاف عليكى ومع الوقت هتحبية و تتخطى كمان مرحلة الحب ودة واحد شريك ف احسنلك متسبهوش يضيع من ايدك
تم النشر الأربعاء، ٢٦ نوفمبر ٢٠٢٥
التحدث من دون تفاصيل يثير الشكوك انتبه انتبه ـ الافضل عدم ذكر اي اشي
تم النشر الثلاثاء، ٢٥ نوفمبر ٢٠٢٥
السلام عليكم ـ هل الارتباط المستقبلي المذكور في كلامك في حدود الشرع اي بمعني الخطبه ام المقصود ايش ـ اما بالنسبه للماضي فإن الله غفور رحيم ويقبل التوبه عن عباده طالما تاب توبة نصوحه حقيقيه ـ اما للمتقدم فلا فائده من ذكر هذه الامور طالما لن تؤثر على الخطبه وهي ليست لها قيمه ومعرفة الخاطب لها قد ينظر إليك بعين أخرى او بمعني أوضح تنزل قيمتك من نظره والله المستعان .
تم النشر الثلاثاء، ٢٥ نوفمبر ٢٠٢٥
لا
تم النشر الثلاثاء، ٢٥ نوفمبر ٢٠٢٥
للعلم انا مش مع حد دلوقتي الحمد لله عرفت غلطي وتبت الشاب اللي كنت بكلمه بقالنا 4 سنين منفصلين ومنعرفش عن بعض حاجة غير اني عرفت من كام يوم انه كلم بابا بس معرفش كان رد بابا اي -بس لما في ناس متقدمالي ف كنت بسال اقول ولا لاء بس خلاص كله قال لاء
تم النشر الأربعاء، ٢٦ نوفمبر ٢٠٢٥
لو سال قوليقله بس من غيؤ تفاصيب
تم النشر الثلاثاء، ٢٥ نوفمبر ٢٠٢٥
حتي لو هو سال ؟
تم النشر الثلاثاء، ٢٥ نوفمبر ٢٠٢٥
لعرض السؤال في فدني اضغط هنا