كنت عايز افهم ليه البنات مبتحبش الشاب المحترم الي زي ما بيقولوا عليه خام مع انه بيكون شاب محترم وكوايسه وبيكون متربي
التعميم آفة. أولًا لو تقصد بخام إنه ملوش علاقات مع الجنس الآخر ولا عرف بنات قبل كده فمين قال إن كل البنات بتفكر بنفس المنطق؟ فيه ملايين البنات في العالم، كتير منهم تفكيرهم مختلف وتفضل شريك حياتها يكون شخص محترم وعارف دينه وحدود ربنا كويس. ممكن المشكلة في الوسط اللي حولك. لو وسط معندوش مشكلة في الصحوبية والارتباط غير الرسمي فاحتمال كبير يكون ده تفكير منتشر لأسباب مختلفة. فيه بنات مثلا بتفتكر إنها لما ترتبط بشاب عرف بنات قبلها ومكملش معهم فده معناه إنها الوحيدة اللي قدرت تخليه يحبها ويفضل معها مع إن في النوع ده من العلاقات غالبًا بتكون هي مجرد واحدة وسط سلسلة طويلة. فيه بنات متأثرة بالأفلام والمسلسلات وصورة (الباد بوي) اللي هيتوب على إيديها والجو ده. يعني، الموضوع زي ما قلت مينفعش فيه تعميم خالص. دور في المكان الصح وللهدف الصح الحلال، وهتلاقي البنات اللي تفكيرها مختلف تمامًا. تحياتي.
تم النشر الخميس، ١٤ أغسطس ٢٠٢٥
مين ضحك عليك و قالك كده 😂...بص هي مش فكرة البنت مش بتحب الراجل المحترم لا الاحترام صفة مرغوبة لكن لكن لكن خلي بالك من النقطة دي عشان بيحصل فيها لبس البنت بتحب الراجل المحترم الأخلاق بيخاف ربنا و مش بيجري ورا بنات لكن مش قطة مغمضة .. يعني اي؟ يعني مش بيبقي بيتكسف او بيبقي بيستحي زيادة عن اللزوم و مش قصدي هنا انك تبقي بجح لا قصدي ان يبقي عندك حياء لكن مش بالشكل المبالغ فيه اللي يخليك تبان انك تتكسف زي البنات .. يعني لما تتجوز مراتك ان شاء الله انت مينفعش ساعتها تبقي مستحي و محترم لازم انت ساعتها اللي تبادر لان الكسوف الحياء دي صفاتها هي في الوقت ده مش صفاتك انت .. أتمنى تكون فهمت قصدي .. يعني خلي عندك حياء و خليك محترم لكن متبانش انك خجول او حياءك زائد و بتتكسف تبادر لمراتك لدرجة انك تبان زي البنات و بس .. لكن الراجل المحترم هو اللي بيخاف ربنا و كاريزما و مش بيجري ورا بنات دي صفاته .. و غالبا هتلاقي كل البنات بتجري وراه
تم النشر الخميس، ١٤ أغسطس ٢٠٢٥
السلام عليكم انت كده مركز مع نوعية بنات غير مناسبة ولا متوافقه مع نمط الاحترام والتربية لان النمط المنفلت نفسيا او سلوكيا من البنات هتكون عاوزه النموذج اللى ظاهريا محتترف اجتماعيات انما النمط المتربى المستقر نفسيا هتقدر المتربى وتحلم بيه وسط الانماط الاخرى من الشباب بشكل عام الراجل بيكون محترم بس مش خجول لدرجة انه يكون مرتبك ولا يكون محترم لدرجة انه ميفهمش الاخطاء الدارجة حواليه فيتضحك عليه بسهوله ولا يكون بكر فى علاقاته مع البنات لدرجة انه يجهل كيفية التعامل ومعلوماته العاطفيه صفر ( دى هى النقاط اللى غير مرغوبة من اى انثى اى كانت )
تم النشر الأحد، ١٧ أغسطس ٢٠٢٥
غلطان جدا...
تم النشر السبت، ١٦ أغسطس ٢٠٢٥
بيقولوا الطيور على اشكالها تقع
تم النشر الجمعة، ١٥ أغسطس ٢٠٢٥
هي مش قاعدة ولكن في من البنات سطحيين النظرة اللي بيبصوا لقصة الشعر والأساور والسلاسل والمظاهر .. ولكن ميعرفوش ان ورا المظاهر قد يكون هناك شخص بلا ضمير / عموما اللي مبتحبش المحترم فهي متستاهلوش / والشخص ميبصش للمظاهر لأن اي حد يقدر يمثل انه مثالي ومتدين ولكن الشخص يتعرف جيدا ويسأل جيدا ويشوف السمعة
تم النشر الجمعة، ١٥ أغسطس ٢٠٢٥
مش كل البنات ما تعممش
تم النشر الجمعة، ١٥ أغسطس ٢٠٢٥
ماعشان كده ربنا خلق المحترمه وخلق التانيه وخلق الجنه وخلق النار
تم النشر الجمعة، ١٥ أغسطس ٢٠٢٥
لعرض السؤال في فدني اضغط هنا