أنا بنوته عندي 18سنه
مخطوبة لشخص كويس الحمد لله وربنا يصلح الحال يتمم لنا على خير هعيش في بيت مستقل والبيت الحمد لله خطيبي مجهزه بالكامل ما شاء الله البيت عبارة عن 3 أدوار متشطب كامل من احسن حاجه بس سكننا هيكون في شقة الدور التاني، والشقة فيها أوضتين أطفال وصالة وحمامين ومطبخ وأوضة نوم وكمان فيه مندرة صغيرة منفصلة لاستقبال الضيوف في الدور الأرضي ومدخل البيت هي سبب مشكله
المشكلة إن عندنا تقاليد وأصول في تجهيز العروسة سجاد وستاير على العروسه وإن أهلي رافضين رفض تام يجهزوا المندرة بالسجادة والستاير لكن أهلي رافضين تمامًا يجيبوا أي حاجة للمندرة لا ستارة ولا سجادة ومصممين إنهم مش هيعملوا فيها أي حاجة خالص وأنا محرجة جدًا أتكلم مع حد أو أدخل حد من العيلة في الموضوع زي كدا خصوصا طول الوقت لوحدنا عمر ما حد عرف بزعلنا او فرحناا\ في البيت
خطيبي من ناحيته دافع مبلغ كبير جدًا في تجهيز البيت لوحده ولما عرف إن أهلي رافضين قال إن المندرة أصلًا صغيرة جدًا وإنه مش فاهم ليه يحصل خلاف على ستارة وسجادة وحاسس إن أهلي مستخسرين الحاجة دي فيه وده عمل بينا مشاكل وأنا بجد تعبت من الموضوع
أنا بنت وحيدة وكنت متخيلة إن تجهيز بيتي هيكون فرحة ليا لكن بدل الفرحة بقيت بعيط ومقهورة.
وخايفة المشكلة تكبر بين خطيبي وأهلي وخايفة من كلام أهله وفي نفس الوقت مش عارفة أعمل إيه والموضوع كل شوية بيكبر أكتر
فرحي بعد حوالي شهر وأنا شخصيًا مش معايا فلوس أجيب بيها ستارة وسجادةومش عارفة حتى مقاس الشباك أو سعر المتر
أنا فعلًا مش عايزة أعرف مين الصح ومين الغلط، أنا محتاجة حل عملي وهادي للمشكلة دي قبل الفرح 😔
لو مكانكم مكاني، أتصرف إزاي؟
ومش هينفع أسيب السجادة والستارة ع وقت بعد الفرح لان الناس هتيجي تبارك في الصباحيه وخطبيي مصمم اني لازم يجوا وإلا مش هيستقبل حد
وأهم حاجة إزاي أقدر أحل الموضوع من غير ما يحصل خلاف أكبر بين أهلي وخطيبي؟
ياريت تساعدوني بحلول وتجارب حقيقية لأني فعلًا تعبت ومش عايزة فرحتي تتكسر بسبب الموضوع ده❤️🩹
يا بنت الحلال ..أهم حاجة دلوقتي تهدي وترتبي أفكارك وتفتكري إنك لسه على البر والجواز مش بس شقة واسعة وديكورات ومظاهر العيشة الهنية هي الود والتفاهم والاحترام بين العيلتين وإذا كان أولها عناد وضغط عليكي وعلى أهلك وتحميلكم فوق طاقتكم لمجرد مظاهر قدام الناس يبقى لازم تقفي مع نفسك لحظة وتستخيري ربنا بجد صلي صلاة استخارة وادعي ربنا يبينلك الخير فين لأن المظاهر هتروح وبيروح بريقها بعد الفرح وبيفضل الطبع والمعاملة والقدرة على احتواء المشاكل لو خطيبك مش قادر يتفهم موقف أهلك وبيحملكم فوق طاقتكم عشان مندرة أو سجادة وستارة يبقى لازم تحسبيها بعقلك وتشوفيه هل هو شخص قادر يتحمل المسؤولية ويعاملك بالحسنى ولا بيجري ورا كلام أهله والمظاهر الخارجية استخيري ربنا وسلمي أمرك ليه واللي فيه الخير ربنا هييسرهولك وجد والله ربنا يحفظك ويسعدك
تم النشر الثلاثاء، ١ سبتمبر ٢٠٢٦
أختي العزيزة، أولاً أحب أقولك إن شعورك بالضغط والحزن طبيعي جدًا، خاصة وأنتِ بنت وحيدة وكنتِ متخيلة الفرحة دي بشكل مختلف. الموضوع ده مش بس عن ستارة وسجادة، ده عن توقعات وتقاليد وكرامة كل طرف، وده بيخلي الأمور أصعب. خلينا نفكر مع بعض في حلول عملية هادية تحافظ على علاقتك بأهلك وخطيبك، وتقلل التوتر قبل الفرح. ابدئي بخطوة واحدة هادية: اجلسي مع أمكِ لوحدها في وقت هادي، مش عشان تطلبي منها حاجة مباشرة، لكن عشان تعبري عن مشاعرك. قولي لها مثلاً: "أنا تعبانة نفسيًا من الخلاف ده، وخايفة إن الفرحة تتأثر، وأنا مش عايزة أحد يزعل من التاني". ركزي على مشاعرك مش على "مين الصح"، لأن ده بيفتح قلوب الأهل أكتر. لو أهلك مصرين على الرفض، اقترحي حل وسط بسيط زي شراء ستارة وسجادة رخيصة وبسيطة جدًا تناسب حجم المندرة الصغيرة، أو حتى استخدام ستارة مؤقتة من البيت لو موجودة. أحيانًا التقاليد بتكون مرنة لو حسوا إن البنت محتاجة الدعم النفسي. من ناحية خطيبك، حاولي تشرحي له بهدوء إن أهلك مش بيستخصروا، لكن عندهم أسبابهم الخاصة (ربما ضغوط مالية أو تمسك بمبدأ). اقترحي عليه إنه يتقبل تأجيل الموضوع لما بعد الفرح بشهر أو اتنين، ويستقبل الضيوف في الصالة مؤقتًا، أو يشتري هو حاجة بسيطة جدًا لو أمكن بدون ما يحس إنه "مضطر". ده هيحافظ على كرامته ويقلل الضغط عليكِ. تذكري إن الزواج في الإسلام مبني على الرحمة والتفاهم، فالخلافات دي اختبار أولي. لو الموضوع مستمر، فكري في قياس الشباك بنفسك لو قدرتِ (حتى لو بمساعدة حد محايد من العيلة بدون تفاصيل)، وابحثي عن أسعار بسيطة في الأسواق المحلية عشان يكون عندك فكرة. ولو حسيتِ إن الضغط زاد، خدي وقت لنفسك وادعي ربنا يصلح الأمور، لأن الدعاء بيجيب راحة. جربي تبحثي عن أسئلة مشابهة على فدني عشان تشوفي تجارب بنات تانيين مروا بنفس الموقف. أنتِ قادرة تتجاوزي ده، وربنا يتمم لكم على خير ويفرح قلبكِ. ❤️
تم النشر الثلاثاء، ١ سبتمبر ٢٠٢٦
ان شاءلله حاااضر هوا شخص كويس طول فتره خطوبه مزعلنيش كويس جدا ومعاا اهلي
تم النشر الثلاثاء، ١ سبتمبر ٢٠٢٦
سؤال هل كان في اتفاق بين خطيبك و وأهلك بإنهم هيشاركوا في بناء البيت ؟
تم النشر الثلاثاء، ١ سبتمبر ٢٠٢٦
طيب أنتِ مش قلتي ان البيت اللي تلات ادوار ما شاء الله كله بتاعكم و خطيبك جهزه علشانك؟ ولا الشقه بس اللي بتاعتكم؟
تم النشر الثلاثاء، ١ سبتمبر ٢٠٢٦
اهلك رافضين ليه؟ و مين شخصيا اللي رافض فيهم ولا كلهم؟ رافضين بسبب المصاريف مثلا ولا عند ف ان اهل خطيبك اشترطو عليكم كتير مثلا ف موضوع العفش و كد و هاتي سجاده نوع كذا و الكلام دا؟ طيب خطيبك عنده مشكله انو يعمل هوا الاوضه او حتي يشارككم ف تجهيزها؟
تم النشر الثلاثاء، ١ سبتمبر ٢٠٢٦
طيب م كدا خلاص ، أهلك مش مُلزمين يتكفلوا بعفش البندرة طالما هما مش عاوزين ، وعاوزة أقولك لو محصلش نصيب في الآخر متقعديش تجلدي في نفسك ، لعله مش خير ليكي ويمكن ربنا يسَّر المشكلة دي عشان يبعدك عنه ، الله أعلم كان منكم تكون حياتك ازاي معاه ، فكل حاجه خير ، سواء كملتوا أو لأ استعيني بالله واصبري وصلي استخارة كمان مرة .
تم النشر الثلاثاء، ١ سبتمبر ٢٠٢٦
لا طبعا مكنش في اتفاق غير اننا نجيب اوضه نوم أطفال وديب فريزر وقت اتفاق اضافه علي جهازي انا كعروسه
تم النشر الثلاثاء، ١ سبتمبر ٢٠٢٦
بصي عندك حلين : أول حل : تجيبوا شيخ يحكم بأصول الدين بين الطرفين ويهدِّي الوضع ، لإن من الناحية الشرعية ، بناء البيت مكلَّف علي الزوج ولا يُشترط علي أهل الزوجة المشاركة في الدفع ، بس المشاركة دي من دافع المساعدة في بعض الأحيان ، لكن مش شرط ولا واجب عليهم يشاركوا في التجهيز ، واللي بيحصل في بعض المجتمعات من تقاسم وتجهيز بين الأهل والعريس دا عُرْف وتقاليد اجتماعية وبتكون برضا الطرفين لكن مش فرض ديني ، فموضوع ان أهلك رفضين يشاركوا دا مبيخالفش الشرع ، ومفيش حد يقدر يجبرهم ولا يلزمهم بالدفع طالما مكنش في اتفاق مسبق انهم يشاركوا بالتراضي . ثاني حل : اشرحي لخطيبك الوضع من الجانب الشرعي ويا اما هو يتكفِّل بإنهاء التجهيز هو ، يا إما كل شيء قسمة ونصيب ، مفيش تعارض مع حدود الشرع ، معلش هو راجل ومسؤول عن تكاليف بيته سواء دافع كتير أو قليل مش هنْدِينله بالفضل احنا ! هو دا بيته وطبيعي يصرف ويتكفل بكل حاجة و المفروض طالما عاوز أهلك يشاركوا في الدفع كان اتفق من البداية معاهم .
تم النشر الثلاثاء، ١ سبتمبر ٢٠٢٦
رافضين رفض تام ان يعملوا فيهاا حاجه
تم النشر الثلاثاء، ١ سبتمبر ٢٠٢٦
يعني كمان مش مشكلة مصاريف؟ طيب الحل الاحسن انكم تشاركو فيها مفيش غير كدا
تم النشر الثلاثاء، ١ سبتمبر ٢٠٢٦
طيب يعني اصلا البيت كله بتاعكم و اوضة الضيوف دي تبعك لانها هتفيدك ف تستقبلي الضيوف بعيد عن الشقه ف دي حاجه كويسه ليكي كمان يعني اهلك مفروض ميتدايقوش من كد
تم النشر الثلاثاء، ١ سبتمبر ٢٠٢٦
لا عشان شيفين انها معزوله 😔
تم النشر الثلاثاء، ١ سبتمبر ٢٠٢٦
طيب صراحه عنده حق..مشكلتكم ف المصاريف ولا فكرة انها معزوله عن الشقه بس؟
تم النشر الثلاثاء، ١ سبتمبر ٢٠٢٦
مجهز تلت ادوار كاملين
تم النشر الثلاثاء، ١ سبتمبر ٢٠٢٦
رافضين رفض تاام كلهم عشان شيفين معزوله عن شقه وغير ان خطيبي شايف انهم مستخسرين في سجاده وستاره ولما كلمت ان نعملهاا بعد الزواج انا وانت قال انا مش بفهم في حاجات دي انا صرفت كتيرر غير دي لازم تتعمل عشان ضيوفك واهلك ولا مش هتسقبليهم غير في مدخل بيت مش هدخل حد مندرتي ولو عملت فيها حاجه ولا ممنوع حد يدخل شقه شايف مكان خاص بينااا خايفه من الإحراج او فرحتي تتكسر😔❤️🩹
تم النشر الثلاثاء، ١ سبتمبر ٢٠٢٦
لعرض السؤال في فدني اضغط هنا