السلام عليكم ورحمه الله وبركاته طيب حتى لو كانت هي معموله من مكونات طبيعيه لكن الحاجات اللي بتكون معموله في اكياس لازم بيكون محطوط عليها مواد علشان تحافظ على بقائها جوه الكيس ده وهي بتتحط في درجات حراره مختلفه علشان المواد الطبيعيه اللي فيها ما يحصلهاش تعفن فالمواد الحافظه هي اللي بتكون مواد ممكن تسبب الحساسيه وطبعا بيتحط عليها جزء من الصبغه يعني هي ما بتبقاش ما بتبقاش حنه 100% يعني الحنه الميه في الميه هي الحنه الطبيعيه اللي تشتريها كده واضحه كده حنه بودر مفيش عليها أي حاجه ثانيه يمكن اي حاجه معموله في اكياس فهي لازم يكون عليها مواد صناعيه. أو جزء من الصبغه يعني فخلي بالك كويس قوي علشان حتى لو جربتي مره ثانيه أي حاجه لازم طبعا تعملي كده تست صغير وراه ودانك مثلا بنقطه يعني نقطه حرفيا كده وتسيبيها وتشوفي هيكون الاثر بتاعها إيه لقينا بس حتى احمرار خلاص كده يبقى احنا المنتج ده هيعمل لنا حساسية وما ينفعش ان احنا نستخدمه بدل يعني بدل ما نخوض في التجربه وبعدين يحصل كده انت ممكن بس تستخدمي حاجه تكون مضاده للالتهاب زي البيت مثلا وممكن تستخدمي او فيوسيكورت ده يعني اعتقد ان هو هيهدي معك كثير يعني ان شاء الله الف سلامه عليك. عشان مسألة الورم دي اعملي عليها كمادات ساقعة، يعني قطع من التلج كده ولو قدرتِ تحطي في التلج يعني المياه قبل ما تتجمد تحطي معها جيل ألوفيرا هتكون مهدئة كويسة جدًا يعني تخلي المكعب ده يجمد في الفريزر وبعدين تعملي به كده تقعدي تعملي به مساج على الحواجب بقى عشان ما تورمش إن شاء الله.
لعرض الإجابة في فدني اضغط هنا