السلام عليكم انا عندى حاله غريبه معرفش ايه الحل أو هى ليه لتحصلي بس هى حرفيا بتحصل ليا من وانا فى ابتدائى لحد دلوقتي وانا فى الثانوى خلاص ، المهم الحاله دى عباره عن انى بسمع اغانى وبفضل اتخيل كل حاجه فشلت فى تحقيقها فى الواقع زى أن فى ولد انا معجبه بيه بقالي سنه ونص ف فى الحقيقه انا وهو متكلمناش قبل كده ف لما اسمع اغانى وابدأ اتخيل بحس انى دخلت عالم كده وبدأت اتخيل حجات كتير بس الموضوع بقا خطير عشان بقيت مبعرفش بين الحقيقه والخيال يعنى ممكن اسمع اغنيه عن الصحاب الغداره فى يجيلي سيناريو فى دماغى أن حصل موقف وصحابي غدروا بيا فى اقوم تانى يوم اتخانق معاهم كأنهم عملوا كده فعلا والحقيقه ان كل ده مجرد تخيلات يمكن دى الحاجه الوحيده الي بتفرحنى جدا موضوع انى احقق فيها كل حاجه فشلت اعملها فى الحقيقه انا حاولت كتير اوى ابطل اسمع اغانى لكن للاسف معرفتش وانا الموضوع ده مخلينى مش عارفه اصلي لانى بنسا وحسيت أن ربنا تعب من تصرفاتى وذنوبي لأن ربنا كان دايما بيبعتلي إشارات كتير اوى زى يصحينى علي صلاة الفجر أو يفكرنى بالصلاه بس بقت بتحصل حجات غريبه زى أن كل ما الاذان يأذن مبسمعوش ماما تسمعو وانا لاء معرفش ايه الي بيحصل فى حياتى بجد
السلام عليكم ورحمت الله وبركاتو انا هديلك علاج فعال اسمعى اغانى اجنبيه كتير ومتقوليش الى ربنه تعب منك علشان الله عزه وجل قدر على كل شياء وإقراىء القران كتير ابل متنامى
تم النشر الأحد، ٣ ديسمبر ٢٠٢٣
وعليكم السلام ورحمة الله وبركاته اولا كلمة ربنا وبجابنها تعب... لا تجوز... ان الله لا يمل حتى تملوا.... فلو انتى حاسه ان فى تعب فهو تعب منك انتى لانك بتحاول محاولاتك مش كفايه. زى ما عملتى هنا واستشرتى وطلبتى مساعده... ده ضرورى تعمليه بردوا وتطلبي حد قريب ليكى يكون بيساعدك على ادراك الحقيقة وياخدك تصلى ويقعدك تسمع قرآن... الكفة بتاعت الخيال سحبتك زى الدوامه لأنها بتديكى أحاسيس انتى حاباها.. ورغم انها معاها أحاسيس تانيه مش حلوه الا ان ده مش بيخرجك منها. حتى لو مش عارفه تبطلى سماع اغانى.. زاحمى صوت الاغاني بصوت القرآن وخصوصا الرقيه الشرعيه.
تم النشر الأحد، ٣ ديسمبر ٢٠٢٣
في دعاء انا حرفيا من غيره بضيع جدا وبحس اني مش قادرة أعمل أي حاجه أي حاجه حتى أبسط الحاجات، "اللهم أعني على ذكرك وشكرك وحسن عبادتك ". دعاء مهم جدا ، والحوقلة كمان مهمة جدا لأي حاجه خلي على لسانك دايما لا حول ولا قوة إلا بالله، ربنا عايز يشوف بس صدقك وصدق رغبتك وانها خالصة لوجهه وهو هيعينك ان شاء الله.
تم النشر الاثنين، ٤ ديسمبر ٢٠٢٣
حاولي تعوضي الأغاني بسماع القرآن الكريم وبودكاست خصوصا البودكاست الدينية هتلاقيها في اليوتيوب ،اعملي جدول مهام فيومك بحيث مايبقاش مجال تسمع اغاني وتتخيلي، اعملي مؤقت للصلاوات عشان يذكرك . + ربنا مابيبتليش حد الا وهو عارف انه قادر يتغلب عليه . (لا يكلف الله نفسا إلا وسعها لها ما كسبت وعليها ما اكتسبت ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الكافرين) [البقرة 286]
تم النشر الاثنين، ٤ ديسمبر ٢٠٢٣
اسمعي قران كريم يريحك قبل النوم مثل صوت عبد الرحمن مسعد ده هيحببك في القران اما بالنسبه للصلاة كل ما تحسي انك تعبانه او مرهقه او حتى فاضيه صلي لان الصلاة هيريحك وطول مانتي قاعده اسغفري ربنا وان شاء الله مشكلتك هتتحل
تم النشر الأحد، ٣ ديسمبر ٢٠٢٣
أختي الغاليه ربنا غفور تواب مستحيل يمل من عباده حولي تبعدي عن الاغاني نهائي لانها هدمر حياتك وشغلي صورة البقره والتزامي بالصلاه وأدعي ربنا انه يصلح حالك وربنا كريم بعباده حياتك هتتغير كتير ان شاء الله
تم النشر الثلاثاء، ٥ ديسمبر ٢٠٢٣
مفيش حاجه اسمها حاولت كتير وفشلت ورجعت أعمل الذنب ده تاني، كلنا هنفضل نحاول ونتوب ونرجع ننتكس وهكذا لحد ما نموت، دي طبيعة الإنسان أصلا احنا مش ملائكة ، اوعي تزهقي من التوبة أو تيأسي من رحمة ربنا "يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا" حاولي بس وافضلي حاولي ولو وقعتي ارجعي قومي تاني عادي دي طبيعتك أصلا وطبيعتنا كلنا متتوقعيش من نفسك أكتر من قدرتها، ربنا عارف اننا هنفضل نذنب مهما تبنا عشان كده قال "وعزتي وجلالي لأغفرن لهم ما داموا يستغفرونني" أبوابه مفتوحة طول الوقت لكد ما نموت ، ف ظتخليش الشيطان يضحك عليكي بالفكرة اللي مفهمالك انك متقدريش، لا انت تقدري ، محتاجه بس تتوكلي على الله وتؤمني بقدرتك وانك أقوى من شيطانك
تم النشر الاثنين، ٤ ديسمبر ٢٠٢٣
ربنا لسه رايدلك خير والله، لسه بيبعتلك إشارات وعايزك ترجعيله وعايز يستخدمك في عبادته، مفيش إنسان سيء بيقول اللي انت بتقوليه ده، كونك عارفه ان الأغاني أو أي ذنب عموما هو اللي مسببلك مشكلة ف دي إشارة من ربنا عشان ده وقت انك تتوبي توبة نصوح أساسها هو الندم وعزم انك مترجعيش للذنب دا تاني.
تم النشر الاثنين، ٤ ديسمبر ٢٠٢٣
صيغة الكلام ده عن ربنا سبحانه وتعالى حرام
تم النشر الاثنين، ٤ ديسمبر ٢٠٢٣
يعني اي ربنا تعب من تصرفاتي
تم النشر الاثنين، ٤ ديسمبر ٢٠٢٣
اسمعي صوره ق بصوت الشيخ عبدالله كامل او ماهر حمد المعيقلي بجد صوتهم جميل جدا وحولي تتدبرين معاني الايه وكمان حاجه خذي خطوه سريعه الي الامام واحزفي جميع الاغاني من علي الفون
تم النشر الأحد، ٣ ديسمبر ٢٠٢٣
لعرض السؤال في فدني اضغط هنا