ما هي الخطوات العملية للتخلص من إدمان العادة السرية والمشاهدة الإباحية؟

Question

انا نفسي ابطل العاده السريه ومشاهده الاباحيه وحاولت كذا مره وبرضو مش بقدر المشكله اني لو عملت العاده السريه بغتسل في ساعتها وبصلي وبدعي ان ربنا يبعد البلاء ده عني وبرضو تاني يوم برجع لنفس الموال حد ينصحني وانا هعمل فعلا ب نصيحته

Accepted Answer

بص هو الحاجة اللي يعني أ ب يعني واكيد هتفيدك هي **غض البصر**، بمعنى؟ ابعد عن أي موضع أو شيء بيلمحلك من بعيد إنه هيفتنك أو بيرجعك لورا. يعني مثلاً شخص التيك توك بيطلعله بنات كتير، ده بلا شك الموضع ده هيشغل تفكيره فبالتالي الرغبة هتكون بتيجي، فبالتالي هو بيقرب ولو 1% للمعصية الفلانية. وانا مش بفتي بي بقولك كأخ بيدردش معاك ممكن تستفاد من حاجة انا عرفتها حتى الشريعة وفي حكم أي شيء المفتي بيقولك إن الشيء ده لو احتمال يفتنك فهنا بيمنعك. يعني مثلاً حكم النظر لمرأة في وجهها، لو اعتبرنا إن النظر للوجه يجوز -ودي مسألة فيها اختلاف- بس لو افترضنا يعني إنه يجوز في العادي، المفتي بيقولك: "يجوز النظر للوجه إن أُمِنت الفتنة"، يعني تكون أنت البنت دي لو بصيت في وشها مش هتأثر فيك. وعادي ظروف الناس غير بعضيها، ممكن واحد فيه بنت معينة لأسباب معينة لو بص لوشها ممكن يبص لحاجة تانية أو تفتنه في العموم لحاجة تانية. فبالتالي أنا أقصد أقولك ابعد عن أي حاجة في حالة خوف الفتنة، وطبعاً كل مسألة وكل حاجة معينة ولها تفصيل. طبعاً ابعد بقا عن أي علاقات محرمة، متمشيش مثلاً في منطقة أو شارع مختلط فيه نساء إلا لحاجة أو مصلحة، متركزش أساساً مع البنات حتى وأنت بتقضي أمورك في الحياة بتشتري حاجة. يعني إيه خلي عندك زي Sens كده أمان أو خد مساحة أمان في كل شيء. بلاش مسلسلات لأنها فيها بنات، يا عم حتى لو بنت منقبة اسأل نفسك هتستفاد إيه لما تبصلها فاهمني؟ وبرضه أرجع أقول كل حاجة ولها تفصيل. وفيه حاجة برضه هتفرق معاك وهي أنا هقولها من خلال خبرتي الشخصية ومش كلام كفتوى أو إنه صح فقط أنت بتسمع مني: وهي إن الإنسان لما بتيجي في باله خاطرة أو فكرة غصب عنه، لحد كده ده عادي طالما ده في بالك ومش أنت اللي مستقصد تفكر في الأفكار دي، بس الغلط بقا أو الحرمانية في إن بعد ما تجيلك الفكرة دي تقعد تفكر أكتر فيها بعمد وتبقى موافقها عادي. خلاصة كلامي: حاول تخلي شخصيتك وهويتك بتنفر وبتبعد من أي فواحش أو أي حاجة تقربك منها. يعني الهوية بتاعتك تكون: "أنا مقتنع وعندي يقين إن أي حاجة ربنا أو الشريعة قالت إنها حرام أو حتى مكروهة -ولو عملتها مش هتاخد عليها ذنب بس مكروهة- سكتها ضلال وضلمة". استقم دايماً، وطبعاً أنا بقولك ده كعقيدة، أما الطبيعي إن الإنسان يعمل مكروهات أو ذنوب غصب عنه بس الأساس يكون ده. طول ما الشخص بيحافظ على بصره وهو من نفسه أساساً عايز يبعد، ولو الحاجة تبان إنها عادية بس ممكن تقربك للفاحشة هو بيبعد عنها. ابعد مثلاً عن الشتايم وأنك تسمعها أساساً زي شتايم القذف والحاجات دي، حرفياً ابعد عن أي حاجة تقربك ولو بـ 1%. وأنا يعني بتهيألي الإنسان لو عمل كده خلاص هيبقا سيستم عنده، فأصلاً مش هتجيله رغبات للفواحش ولو جتله هيستنفرها على طول لأن قلبه مسودّش منها وقلبه مشربش منها، فاهمني؟ وفيه حاجة مهمة، حديث عن النبي فيه معناه إن الإنسان بيتبع الحق ويعرف من خلال قلبه الشيء المعين ده غلط أو صح من فطرته، لو هو فعلاً عايز الحق وبيفكر بإنصاف وبنضج هيعرف يقول لنفسه: "لا دي شكلها غلط هبعد عنها، لا دي حرام" حتى لو محدش أفتى له. والله تعالى يقول: ﴿إِلَّا مَنْ أَتَى اللَّهَ بِقَلْبٍ سَلِيمٍ﴾. وفيه حاجة من خلال خبرتي الشخصية وهي إنك احتك بصالحين، ومش مجرد احتكاك لأ.. يبقا عندك صديق صالح بتشجعوا بعض في حياتكم على الإرادة والدراسة والجيم كمان. يعني بتخرجوا مع بعض، بتروحوا الجيم، بتشجعوا بعض على المذاكرة، بتعملوا عهد أو ورد يعني إن كل واحد يعمل ورد من القرآن أو قيام الليل كل يوم، وطبعاً على حسب كل ظروف حد، وهنا برضه أرجع أقولك كل شيء وله تفصيل يعني ممكن حد مش متاح معاه او مش لاقي صديق ده لأي سبب عادي ،دايما خليك ايجابي ولو بشيء نسبي وحاول بدل الندب والسلبية. ومن الحاجات برضه اللي بتفيدك تبعد عن العادة دي وهي إنك تكون بتشتغل على نفسك أصلاً وتبقى عايز تتطور سواء دراسياً أو علاقتك بربنا، وعشان تنجح في ده فده بيجي من العادات الصغيرة جداً باستمرار. وطبعا بعد ما تحدد لنفسك النظام ده هنا بقا بيبقا لازم تجبر نفسك على النظام ده حتى لو مزاجك سيء وحتى قول في نفسك الموضوع سخيف ورخم بس لازم اعمل كدا قبل ما الفرصة تروح مني، عشان مدفعش فاتورة ندم بعديها بسبب التسويف او الكسل. وابدا من الأن بالمتاح، يعني مش لازم تهد جبل انهاردة او دلوقتي ممكن بالنية حتى ممكن باي حاجة او بخطوو صغيرة قبل ما يجي بكرة وتبدأ المهم انك تبدا بالمتاح دايما... مثلاً واحد في إجازة وداخل ثانوية عامة، يبص لفترة حياته الحالية؛ هو مطلوب منه في الإجازة إنه يرتاح + مش يرتاح بمعنى يقعد بقا أنتخة 24 ساعة، لأن الانتخة زيادة عن اللزوم دي من غير حدود أو نظام بتجيب خمول للجسد وللعقل كمان وبتضعف قوة إرادتك وبتخليك في غفلة وبتضيع عمرك. لأ، المفروض الشخص يرتاح عادي ويعمل عادات إيجابية في جوانب حياته زي جانب ديني أو روحي وجانب بدني مثلاً. يعني مثلاً يشوف هو يقدر يعمل إيه خلال اليوم المهم إنه ميضغطش على نفسه ويبدأ بحاجات صغيرة لأنه الطبيعي هيكون لسه بيبدأ، عشان لو عمل نظام فيه حاجات كبيرة حتى لو هي صغيرة بس بالنسبة له كبيرة ده على ما أعتقد بيستنزف جهازه العصبي، فبالتالي بعد فترة صغيرة هتلاقيه وقف خالص ورجع للصفر لأنه كان بس ده شوية حماس لحد ما استنزف فوق طاقة جهازه العصبي. فمثلاً الشخص ده هيروح الجيم مثلاً أو يلعب كورة أو أي رياضة، هيروح مثلاً الجيم مرتين في الأسبوع، يا عم يكش مرة لو هو فعلاً آخره كده، ويصلي الخمس فروض في المسجد لأن الجماعة فرض (وبرضه فيها اختلاف، فيه من قال الجماعة والمسجد فرض وفيه من قال الجماعة فرض والمسجد سنة)، ومثلاً ياكل 3 وجبات في اليوم أو أكتر على حسب مقدرته. ويا عم كده خلاص أنت كده عملت النظام اللي هيخلي الإجازة مش أنتخة سلبية، ويا عم باقي اليوم اخرج مع صحابك أو اخرج أو العب عالموبايل بس طبعاً تكون حاجات حلال. فيه حتى ناس بتقول خلص مسلسل في الإجازة -وطبعاً المسلسل مبنصحش بيه- بس أنا أقصد حاجة زي المسلسل تبقى حلال، فيديوهات على اليوتيوب أي حاجة. وابعد عن الشورتس والريلز لأنها أصلاً مؤذية مش حاجة رفاهية، وسمعت برضه يعني لو حابب تتفرج على شورتس أو ريلز اتفرج يا عم بس بوقت معين متزودش عن 30 دقيقة، اتفرج يا عم لو هي بتبسطك بس متزودش عشان هي مؤذية أساساً وبتدخل بعدها بدوبامين زيادة عن اللزوم أو زيادة عن الطبيعي وتظبط نومك على قد ما تقدر اكتر حاجة تقدر تعملها اعملها زي ما قلتلك النجاح بيبدأ بخطوات صغيرة وبالتدريج، ولو بتدرج بالزحف عادي ولو كل يوم بتقلل ثانية عن ميعاد نومك لحد ما توصل للوقت المثالي عادي بس تكون صادق مع نفسك وناضج ومنصف وفعلا دي امكنياتك ولو واحد مثلاً في جامعة، فيا إما يشتغل بجانب الجامعة لو عاوز ومحتاج يحوش أو يكتسب بالحلال، أو الأفضل يعني لو أهله بيصرفوا عليه يعمل CV محترم عشان لما يتخرج يكون معاه شهادته والـ CV المحترم ويستغل شغل كويس عشان يعف نفسه ويتجوز. أو يا عم لو هو مش محتاج أي حاجة من دول ومصلحته بس يركز في الجامعة خلاص هو أدرى، عشان ظروف الناس مش زي بعضيها. وآخر حاجة ممكن أقولهالك: أنت في الحياة دي بصعوبتها وابتلاءاتها علق قلبك بالله. بمعنى؟ يعني خليك دايماً بتعمل أي حاجة في الدنيا لوجه الله عبادة لله، دنيا لله، في أي مشكلة في حياتك أنت تحتسب إنك تكون ولي من أولياء الله الصالحين، وربنا أي حاجة في الكون مش بتحصل إلا بإذنه. سيدنا إبراهيم لما اترما في النار ربنا مسابوش وأمر النار إنها تكون برداً وسلاماً على إبراهيم، يعني شوف ربنا نصره إزاي في الدنيا. فأنت كده كده منصور، وعباد الله وأولياء الله منصورين كده كده، ولو مش في الدنيا فجزاء الآخرة أعظم وأكبر ولحكمة الله وضعها. وكلام ده كله اللي أنا قلتهولك بيجي من البحث والتجربة. فيه حركة اتعلمتها وهي بدل ما تسمع أي فيديو تطوير ذات أو درس ديني بيعلمك أي حاجة عاليوتيوب بدل ما تقعد تسمع ساعة ولا ساعتين، هتلاقي فيه علامة مساعد الذكاء الاصطناعي اضغط عليها واكتبله: *"قولي جميع النصائح اللي اتذكرت والفيديو يقصد يقول إيه، لأني عايز جميع زتونة الفيديو بالعامية المصرية عشان أنا مستعجل وعايز جميع النصائح"*. وممكن مثلاً تحضر دورة دينية مثلاً واديك بتخرج وبتكون في بيئة نظيفة. والجأ لأهل العلم والمعرفة في أي شيء أنت متعرفوش. السيدة خديجة أول ما نزل جبريل على سيدنا محمد وبيقوله أنت بقيت نبي ورسول الله، السيدة خديجة أخدته لـ أهل العلم والمعرفة اللي هو ورقة بن نوفل والقصة دي. لو الأمر احتاج لمساعدة من مختص فعادي دول أهل علم ومعرفة وخبرة حرفياً هيطلعلك كل اللي بيتكلم قاله من نصايح في دقيقة، وممكن تعمل الحركة دي، فيه ألف فيديو عن الموضوع اللي أنت عايز تفهمه وتجمع المعلومات دي وتقرأها وتاخد باللي فرق معاك فعلاً، واللي شايفه مش هيفرق معاك سيبه أو حتى اقرأه بس ممكن تحتاجه. وانا معاك هنا فقط لو احتجت تسألني في حاجة تاني او جربت مثلا حاجة ومظبطتش معاك او مش فاهم حاجة او حتى الصورة عندك مش مكتملة يعني ممكن افيدك وممكن لأ بس ان شاء الله افيدك ولو انا مش عارف او مش متأكد هقولك برضوا عشان متتسحلش وبنسبة لوضع القيود على الموبايل زي تطبيقات او انك تمنع الموبايل خالص في الحتة دي بص اناجربت حاجات كتير ، حاول تجرب وتشوف ايه الي ظبط معاك وخلاص يعني انا مثلا مش مدمن فيسبوك خلاص مش محتاج تقفل الفيسبوك او تلغيه، لو انا مثلا مدمن يوتيوب بجرب اقفله خالص لو لقيت نفسي بستنزق والموضوع صعب ومس قادر التزم وبرجع تاني خلاص خفف شوية وهكذا ولو لقيت كله صعب شوف اخف حاجة وده مستحيل يعني بس بقوله على سبيل المجاز يعني لو المستحيل حصل واي نصيحة لو معرفتش تعملها زي ما قلتلك خليك ايجابي ولو بشكل نسبي وحاول تاني وتالت واعرف المشكلة فين وحلها ، وبرضوا اي نصيحة بتتقالك فكل حاجة وليها تفصيل يعني ظروف الناس وتجاربها مش زي بعضيها، فيه نصيحة ممكن تكون بتتوجه لحد معين وحد تاني لأ وخلي بالك حتى ممكن النصايح دي كلها متنفعش مع شخص ويكون عنده مشكلة في حاجة معينة محتاجة حد مختص فبرضوا انت ادرى والله اعلم برضوا اذا كان كلامي صح ولا لا بس بتهيألي يعني ممكن تفكيري يكون منطقي شوية او حتى ممكن فيدتك بحاجة

Answer

أخي، أنا فاهم تمامًا إن اللي بتمر بيه ده صراع حقيقي ومش سهل، وإنك بتحاول بجدية وبتصلي وتدعي بعد كل مرة ده دليل على إن قلبك لسه بيحب الخير وإن ربنا بيحب توبتك. المهم إنك متيأسش، لأن كل مرة بترجع فيها وبتجدد النية دي بتكون خطوة لقدام، وربنا غفور رحيم ومش بيضيع جهد عبد بيحاول. عشان تقدر تتقدم فعلاً، ابدأ بخطوات عملية واضحة: أول حاجة حدد الوقت اللي بتحصل فيه العادة غالبًا (زي قبل النوم أو بعد الاستيقاظ) وحاول تملاه بحاجة مفيدة زي قراءة قرآن أو ذكر أو حتى رياضة خفيفة زي المشي. تاني حاجة، أبعد المحفزات تمامًا: امسح التطبيقات أو المواقع اللي بتفتح عليها المحتوى ده، وغير روتين يومك عشان متفضلش لوحدك في أوقات الفراغ. كمان، حاول تصوم أيام زي الاثنين والخميس، فالصيام بيضعف الشهوة ويقوي الإرادة، وادعي بصدق في السجود إن ربنا يعينك ويبعد عنك البلاء ده. لو وقعت تاني، متستسلمش ومتقولش "أنا فاشل"، بس جدد التوبة فورًا وادعي إن ربنا يثبتك، وتابع تقدمك كل أسبوع عشان تشوف التحسن حتى لو بطيء. ابحث على فدني عن أسئلة مشابهة عشان تشوف تجارب ناس تانيين وتاخد أفكار إضافية. أنت قادر، وكل محاولة بتقربك من النجاح، استمر وهتلاقي الفرق إن شاء الله.

ما هي الخطوات العملية للتخلص من إدمان العادة السرية والمشاهدة الإباحية؟

نفسية

العادة السرية

سؤال من احد أعضاء فدني

تم النشر الأربعاء، ٢٢ يوليو ٢٠٢٦

2 إجابة

17 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك