تم حذف هذا السؤال
وانا هقول لك الاجابه اللي انا شايفاها الصراحه يعني ممكن من كذا اتجاه على قد ما عرفت يعني البسيطه لان انا الامور دي كل مدى وكل شويه بكتشف ان انا عندي يعني عدم معرفه وعندي جهل بامور وخبايا كتير ما كانتش واضحه بس بسبب المهزله اللي بتحصل دلوقتي مش بحب اسميها حتى حرب بصراحه ولكن المهزله اللي بتحصل دلوقتي وضحت واكدت حاجات كتير قوي ممكن الواحد كان حتى محتار فيها او ساعات بيصدقها وساعات تانيه لا بس من الاباء ان ليه ناس كتير ما تدعمش كثير بتدعمش القضيه يعني او مش بتعمل حاجه تجاه القضيه. عشان الاصناف دي من الناس اللي هم بيتكلموا بس هيفضلوا موجودين لحد اخر الدنيا كانوا موجودين ايام الرسول عليه الصلاه والسلام وقت ما كان في يعني رسول وابي ووحي وقران يتنزل وعلامات كتير. بتقول ان ربنا عنده قدره كبيره تظهر قدامهم يعني دي كده كده احنا شايفين قدرات ربنا طول الوقت بس يعني درت الوضع كان بالنسبه لهم اقوى ولكن مع ذلك عملوا كده برده عادي قالوا احنا هنعمله هنخرج وهنحاربه وقعدوا وتحججوا وقالوا اصل. اللي عندنا نساء مش عايزينهم يترمملوا اله اصل احنا عندنا ولد عايزين نربيهم اهو عادي. نفس صنف البشر ده موجود وبيقول اصل كده هنضر اقتصاد البلد فمش هينفع نقاطع او اصل المقاطعه دي ما فيش منها لازمه وما فيش منها رجا هتلاقي بس بشكل تاني على حسب العصر اللي احنا عايشين فيه. طيب ليه بقى اساسا الناس دي كده او ليه في غيرهم كده او ليه في ناس مش عايزه تفهم ومش عايزه تستوعب عشان الجهل؟ احنا رغم ان احنا في وقت هو وقت سهل انك تجيب المعلومه الا ان الناس بقت كساله حتى عن انهم يجيبوا المعلومه اللي هي تيجي لهم بضغطه زرار سبحان الله كان زمان في ناس بتسافر بلاد بالشهور وبالسنين عشان يتعلموا عشان يعرفوا معلومه فسبحان الله يعني فعلا صدق الرسول صلى الله عليه وسلم انه يكون من اهم الادعيه اللي بيدعيها كل يوم اللهم اني اعوذ بك من العجز والكسل لان حاجه صعبه صعبه وحاجه وحشه ان انها تصيب البني ادم ان هو يكون كسول ان هو يكون عاجز وعاجز مش حقيقي يعني احنا معجزين نفسنا وعجزنا مش حقيقي. لما اي حد يقول انه يعني هو انا الحاجه اللي هعملها هتعمل ايه يبقى هو شخص بيوهم نفسه بالعجز وهو في الاساس شخص كسول حتى ان هو يتحرى الحقيقه ما بيعملش كده وبيكتفي انه حاجه بتيجي قدامه مكتوبه بطريقه لولبيه وكان منطقيه وهي اصلا مبنيه على حاجات. يعني مش صح يقول لك اه تمام ما هو الكلام معقول اهو بيدور هو بقى ما بيدورش فيعني ربنا يعافينا من الصنف ده وتخلينا دايما كده عندنا بصيره واحمد ربنا انا وانت من الناس اللي شافها صح احمد ربنا ان انت مش من الصنف التاني وربنا يسترها علينا.
تم النشر الاثنين، ١٥ أبريل ٢٠٢٤
لاسف رايئ نفس رايك بس إلي يستفذني إنه يجي واحد قاعد في بيته وماضغ ويقولك حركة حماس إرهابية هوا ميعرفش إنه كده بيكفرء كل الشهداء إلي ماتو في فلسطين والله المستعان
تم النشر الاثنين، ١٥ أبريل ٢٠٢٤
ربنا ينصرهم
تم النشر الثلاثاء، ١٦ أبريل ٢٠٢٤
للأسف علشان احنا جبنا
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا