لاء بجد فعلا عايز اعرف مشكلتكم ايه..؟
ليه لما بيحصل معاكم مصيبة او مشكلة و تسألوا الناس
بشكل عام و الحل يتقال مش على هواكم بس صح..
بتسيبوا مشكلتكم و حلها و تعيبوا في اللي بيرد..
ده مش من الشرف ولا من الأخلاق ولا من التربية في شيء
حتي لو اللي بيرد استنتج غلط دا علشان سعادتك
كتبت ألغاز و تركت ليا الاستنتاج.. يعني كتر خيري اني
تعبت نفسي و انا بحاول افهم مين عكنن عليك علشان اقدر اساعدك، الكارثة فين بقي ؟!..
اني رديت فعلا علي مشكلتك تمام ؟ لاء مش تمام..
تسيب حل مشكلتك و تعيب فيا او تتريق او تتنمر او تهرتل
طيب لما انت مش عايز تسمع الحل جربت تعمل اللي في دماغك..؟!
اه معلش حقك عليا انا نسيت.. انت دماغك فاضية
لا فيها علم ولا فيها ادب و لا فيها ذكاء و لا بتنمو فكريا لا عاطفيا ولا اجتماعيا
هتنمو ازاي و انت اتولدت مسكت الموبايل و قعدت علي الانترنت و هدفك في الحياة اهزر و اتسلي و اضايق خلق الله
و اي حد ينصحني اسيب النصيحة و اعيب في شخصه
و انام لحد الضهر و ماسك الموبايل ليل نهار كأن معمول ليك
عمل مثلا او كانه طرف صناعي و احنا مش واخدين بالنا..
جيل اتولد حرفيا في بقه معقلة دهب لا تعب في شيء
ولا للأسف حد ضغط عليه في تربية او في دين..
ايه مشكلتكم بالظبط.. الانترنت الموبايل و اللاب..
ولا ان أهلك معندهمش وقت ليك علشان لما اتخيروا بين تربيتك و بين توفير حياة سهلة ليك.. اختاروا يفنوا نفسهم علشانك متخيل 😅 بيفني صحته علشان ابن / ابنة لا عنده احترام ولا تربية ولا فايدة.. لا لنفسه ولا لأهله ولا للمجتمع
أهلك أفنوا نفسهم علشان فاكرين ان تعبهم و الفلوس هتجيب جيل قوي قادر يحل مشاكله بنفسه و لو اتزنق يقبل النقد و النصيحة زي اي جيل قوي اعتمادي علي نفسه..
جيل معياره الأول الله و رسوله.. حتي يا سيدي لو انت
مش متدين لازم يبقي عندك معيار ثابت تقيس عليه تصرفاتك. زي كلام ربنا او كلام الرسول..
و يبقي عندك خلق حسن علشان اتقل شيء في ميزان يوم القيامة حسن الخلق، علشان الإسلام اصلا دين الأخلاق الحسنة.. الأخلاق الكريمة..
قبل ما تقرأ او تطلعني حاقد علي جيلكم انا مش بجمع بس الغالبية العظمي كده ، بس فيه شيء.. انا مش حاقد عليكم بالعكس انا مشمئز منكم.. قيس نفسك عليا..
في سن 18 سنة اما كنت قريت مكتبة والدي كلها تقريبا فوق ال 200 كتاب دسم و امهات كتب ده غير رواياتي احمد خالد و نبيل فاروق و شرين هنائي و حتي احمد مراد نفسه اللي مش بطيقه قريت برضه كل اعماله.. و مئات اخرين ، حافظ القرآن الكريم في سن 18 سنة كنت بشتغل شغلانتين لما روحت كلية في بلد غريبة كنت بشتغل من بعد الكلية لحد 2 بالليل و ارجع انام خمس ساعات و اصحي علشان الحق افطر و الاقي مواصلات و ساكن علي حسابي غير مصاريف، كل ده بس علشان متصلش علي اهلي اقولهم ابعتوا فلوس ، لان فيه كرامة.. و فيه حياء..
لما اشتغلت اول سنة مرتبي كان بيخلص في أول 5 ايام قبل حتي الشهر ما يخلص لاني كنت ساكن علي حسابي بنص مرتبي، و أهلي مش محتاجين اصلا ولا ظروفهم متواضعة بالعكس جانب من اهلي ظروفهم فوق الممتازة بمعايير
الايام الصعبة دي ، برغم ذلك فيه عزة نفس.
مبحبش ابقي عالة علي حد و محبش جد يبقي ليه فضل عليا
حتي لو كان ابويا و امي.. كفاية اصلا تعبهم في تربيتي..
لما اتجوزت مكنش فيه فلوس بس كان فيه كرم متناهي من ربنا كرم و تيسير أمور فوق ما تتخيل حتي لما اهلي قرروا انهم تحت ضغط يدوني فلوس رجعتها ليهم مضاعفة بكرم ربنا مش مني نهائيا..
علشان بس ميتقااش في يوم ان اهله جوزوه
و الأهم علشان ليا اخوات اولي بفلوسهم مني.
اتمني تبص للجانب الايجابي من حياتك و تحترم اللي اكبر منك لانك متعرفش هو مر بايه في حياته..
متبقاش مولود مرفه و بتغرق في مشاكل عملتها بايدك
و كمان لما حد بييجي يساعده تعيب في شخصه.
اما لو عندك تفسير ليه جيلكم برغم كل شيء متوفر ليه
معندوش مقومات الإنسانية و ضايع و تايه عرفني..
انا متفتح جدا لرأي الآخر و بقبل النقد ( البنّاء).
أولا استهدي بالله عادي ممكن متكتبش اجابتك وتسكت وسع صدرك شويه زي ما انت مضايق محدش برضو ملزم يقرأ كل اللي كتبته ده مش لوحدك انت ناجح عادي أنا ممكن اكتب كتاب عن نجاحي انت زعلت علشان البنت قالت إن أسلوبك مش حلو وبتطلع كل عقدك عليها التمس ليها عذر ممكن تكون مضغوطه أو مشكلتها ماثره عليها وهي واجب منها ترد بأسلوب محترم تشكر أن انت حاولت تحل ليها المشكلة بتاعتها وهي لازم تلتمس ليك العذر كمان
تم النشر الأحد، ٢١ سبتمبر ٢٠٢٥
أهلًا بك يا هادم، شكرًا على صراحتك الكبيرة ومشاركتك العميقة. واضح أنك تحمل همًّا كبيرًا تجاه "جيل 90 و 2000"، وده شيء مفهوم لأن كل جيل بنشوف فيه تحديات ومشاكل غير اللي قبلهم. خليني أحاول أساعدك نحلل الموضوع بشكل متوازن وهادئ. أولًا: فهم الجيل والأسباب الحقيقية للمشكلة الظروف المحيطة : جيل 90 و 2000 اتربى في ظرف مختلف تمامًا عن جيلك، من تكنولوجيا سريعة الانتشار، عالم مفتوح ومعلومات بلا حدود، وضغط اجتماعي مختلف. ده مش عذر، لكنه تفسير مهم لفهم سلوكهم بدون تعميم ظلم. توقعات المجتمع والأسرة : ممكن يكون فيه فجوة كبيرة بين توقعات الأسرة والمجتمع لهم وبين واقعهم، فبيحسوا بضغط نفسي وشعور بعدم الفهم أحيانًا. قلة الخبرة والتجربة : أكيد جيل أصغر عمره أقل خبرة في الحياة ومشاكلها، وده بيخلي ردود أفعالهم أحيانًا أقل نضجًا. ثانيًا: مشكلات فعلية يعانيها الجيل الحالي اعتماد كبير على التكنولوجيا ، ما بيحسوش بالتواصل الحقيقي والأحاسيس العميقة. قلة الصبر على النقد ، ممكن لعدم تعرضهم لنقد بناء بشكل صحي من قبل. مشكلة الهوية والقيم ، بسبب التغيرات السريعة وما بين قيم قديمة وأخرى جديدة، أحيانًا بيحسوا بتشتت. ثالثًا: كيف نساعد بدل ما نحكم أو نحبط؟ لا بد من الصبر والتفهّم . مش كل شاب أو شابة في الجيل الجديد سيء أو بلا قيمة. شجعهم على تعلم المسؤولية والاعتماد على النفس ، زي ما إنت عملت في حياتك لكن بطرق تناسبهم. قدم لهم النصيحة بلغة قريبة منهم ، خلّي الحوار مفتوح بدون تهكم أو جرح. حاول تفتح حوار بناء بدل استصغار أو إحباط، ويمكن تلجأ لخبراء نفسيين أو اجتماعيين عبر منصات زي فدني لو لزم الأمر. رابعًا: نصيحة ختامية لك يا هادم حياتك وتجربتك نفسها شهادة عظيمة على أهمية الجد والعمل، وعزة النفس. لا تنسَ أن كل جيل هو جسر بين القديم والجديد، وأنت كإنسان ناضج وعاقل لديك فرصة كبيرة لتكون قدوة وموجه بحكمة ورحمة للجيل القادم. قدّر اختلافهم، وكن نبع قوة لهم بدل أن تكون قيد مشكلة. لو محتاج تتابع النقاش مع خبراء أو تريد نصائح مخصصة للتعامل مع جيل الشباب، تقدر تزور قسم الخبراء في فدني https://www.fedni.net/experts وستجد من يشاركك النقاش بشكل أكثر تخصصًا. أنا هنا دائمًا لأي سؤال أو موضوع تحب نتناقش فيه مع بعض، فحافظ على هدوءك وطيبة قلبك، والله يوفقك في كل خطوة يا هادم! 😊 هل ترغب أن أساعدك بأمثلة أو خطوات عملية كيف تتعامل معهم؟
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا