السلام عليكم ورحمة الله وبركاته
انا حاليا في علاقة حب مع شخص ونحن الاثنين في تخصص طبي صار بينا هواش فترة ورجعنا من أيام قليلة أوقات أحس انه ما تعود على وجودنا في حياة بعض مره ثانيه وأوقات أحس انو بطل يحبني وأوقات أقول ان يمكن يكون بس في خيالي انا
هل لازم اصارحه اني احس انه تغير مش نفس الشخص او يمكن بس مضغوط دراسيا
بصى ياغاليه اللى المفروض انه يتعمل هو انك تبعدي وتقطعى العلاقه دى لأنها ليست فى إطار شرعى بمعنى انها علاقه محرمه ولا ترضى الله عز وجل ونهايتها لن ترضيك ومش بقولك متخليش بس حتى الحب احنا أُمرنا بكتمه وعدم الإعتراف بيه بمعنى ان حرام اروح اقول للأجنبى(ليس من محارمى) انا بحبك ف اللى المفروض يتعمل فعلا ياسكر انك تبغيه ان اللى بينكم لازم يقف وكل واحد فيكم يشوف دراسته وهو يشوف مستقبله ولو عايزك ف بيتكم موجود يتفضل ويطلب إيدك من والدك ولو مش قادر مادياً يصبر شويه وبعدين يتقدم وبحكم انك بتحبيه ف هاتستنيه ثانيا انتى بتدرسى والدراسه مش محتاجه جهد قد ماهى محتاجه توفيق واى حاجه فى حياتنا عموماً ف ازاى ربنا هايوفقنى وانا بعصيه وبغضبه وخافى على نفسك لو انتى بتعصى ربنا وحياتك موفقه ثالثاً المطلوب ان الشخص اللى هاعمل معاه حياتى وهايكون شريك ليا فى كل حاجة انه يكون راجل والراجل اللى يتقال عليه راجل بجد هو اللى لما يعوزك يدخل البيت من بابه ويقعد مع رجالة البيت ويطلبك للجواز منهم اما اللى بيدخل للبنت وبحبك وعايزك ومش عايز غيرك عشان يدخل البيت ف ده مش راجل ولا يصلح ان يكون شريك يوم واحد وليس حياة بأكملها ف انتى غاليه وهاتفضلى طول عمرك غاليه واللى عايزك ييجى لحد بيتك ويطلب إيدك من أهلك انا حاسه بيكى وعارفه ان البعد هايكون مؤلم جدا وصعب خصوصا لو انتى متعوده على وجود الشخص ده فى حياتك بس من ترك شيئاً لله عوضه الله خيراً منه وانتى لازم تشغلى وقتك سواء بإكتساب مهاره جديده او تركيز فى دراسه او تخرجى تتفسحى وتنجحى فى حياتك ف كل دى بتكون مفاتيح للحياة يعنى لازم تشغل وقتك فراغك لأن الفراغ كارثه وهو سبب كتير من الأوجاع والمشاكل اللى فى حياتنا واعتذر منك لو كان اسلوبى فيه حده بس ده نابع من خوف عليكى ربنا يوفقك ويسدد خطاك ولو الشخص ده هو الخير ليكى يقربه منك ولو شر يبعده عنك
تم النشر الخميس، ٦ نوفمبر ٢٠٢٥
مفيش علاقه ناجحة بتبدأ قبل الجواز اي علاقه خارج إطار الجواز بتبقه تقضية وقت وعلى فكره الاحساس ده منك الرادار بتاعك انتي حددي نوع العلاقه معاه وساعتها هتعرفي الاجابه
تم النشر الأربعاء، ٥ نوفمبر ٢٠٢٥
لعرض السؤال في فدني اضغط هنا