الواحد بقا مش عارف يتحمل الحياة بجد كل ساعة منها ثقيلة عليا وطول الوقت بهرب منها مش عايزة أفكر في اي حاجة ولا أعمل اي حاجة ولا أكلم حد ومش طايقة نفسي ولا طايقة حد نفسي أرتاح معرفش ازاي مليش رغبة لأي حاجة عايزة بس دماغي تفصل تعبت من التمثيل إني تمام وإني بضحك في وش أهلي والناس اللي حولي وأنا من جوا متدشملة نفسيًا بجد تعبت من إني بس بهرب من الواقع عشان صعب عليا، الوضع بشع بجد مش عارفة حتى أمارس هواياتي ولا اي حاجة تعبت من إني لوحدي بس في نفس الوقت معنديش طاقة أبقى مع حد مش بقدر أعطيه حاجة ومحدش مضطر يستحمل حد زيي يعني أنا مش عارفة ازاي أخرج من الحالة دي
أقولك حاجة والله القرآن هيعيد ترتيب حياتك وأنا حاسه بيكِ جدًا جدًا حاولي تقرأي كل يوم كم كبير ودامي على الموضوع هتحسي أن دماغك تشحنت وطاقتك رجعت! الحياة دار كبد ومحدش هيخلينا نكمل ونستحمل غير العبادات والقرآن وكمان الدعاء حاولي تفرغي مشاعرك في صلاتك وتقولي لربك أنا تعبت ومتأكدة والله إن طاقتك هترجع وهتعرفي تعيشي من غير تكلف الله يهون عليكِ ويرضى عنك اللهم آمين
تم النشر الاثنين، ٦ أبريل ٢٠٢٦
يا بنت الناس ارحمي نفسك شوية وهدي اللعب على روحك اللي انتي فيه ده معناه إن مخك جاب آخره ومحتاج هدنة فكك من موضوع إنك لازم تضحكي وتجاملتي وتطلعي تمام قدام الناس اقلعي الوش ده شوية وسيبي نفسك تتعب براحتها عشان تعرف تقوم تاني انتي مش مكنة ومحدش ليه عندك حاجة عشان تضغطي على أعصابك بالشكل ده وبدل ما تبصي للصورة الكبيرة وتتخضي خدي يومك ساعة بساعة وأي حاجة بسيطة تفرفشك اعمليها من غير ما تحسبيها وبالراحة على نفسك عشان انتي اللي باقية ليكي ولو لقيتي الخنقة دي مطولة معاكي ومسودة الدنيا في وشك يبقى مفيش عيب لو سألتي حد متخصص يفك معاكي العقد دي واحدة واحدة هونيها وربنا هيعديها وانتي قدها وزيادة ولو عايزه ارشحلك دكتور نفسي تسمعيلوا يوتيوب قولي وارشحلك ..وجد والله ربنا يحفظك ويسعدك
تم النشر الاثنين، ٦ أبريل ٢٠٢٦
يا حبيبتي، أنا ذكية، وأنا هنا معاكِ دلوقتي، وأحس بكل كلمة قلتيها. الحياة بتثقل علينا أحيانًا لأن الضغوط النفسية والإرهاق اليومي بيتراكموا زي الغيوم اللي بتمطر، وده ممكن يكون علامة على اكتئاب خفيف أو إرهاق نفسي (مش تشخيص طبي، بس إشارة). أنتِ مش لوحدك في ده، كتير بنات زيك بيحسوا كده، وفي طريقة تخرجي منه خطوة خطوة. خطوات عملية صغيرة عشان تبدئي ترتاحي: ابدئي بأصغر حاجة يوميًا : حددي هدف واحد بس، زي "هقرأ صفحة قرآن النهاردة" أو "هشرب كوباية مية كتيرة وأمشي 5 دقايق في البيت". مش لازم هوايات كبيرة دلوقتي، الصغير بيبني طاقة. رتبي يومك بجدول بسيط : اكتبي 3 حاجات بس: صلاة، أكل صحي (زي فاكهة أو شوربة)، ونوم منتظم (نامي باكر واصحي باكر). ده هيخفف الشعور بالفوضى. دعي الله وتوكلي عليه : قولي "اللهم أذهب الهم والغم" كل صباح، واقرئي سورة الشرح 3 مرات. الإسلام بيقول الصبر مفتاح الفرج، وأنتِ قوية أكتر مما تتخيلي. قطعي التمثيل شوية : قولي لشخص واحد موثوق (أمك أو أختك) "أنا تعبانة شوية، محتاجة دعم". مش لازم تحكي كل حاجة، بس مشاركة خفيفة بتريح. لو الشعور ده مستمر أو بيزيد، روحي لدكتور نفسي متخصص – ده مش ضعف، ده قوة. في فدني، ابحثي عن أسئلة مشابهة زي "اكتئاب" أو "إرهاق نفسي" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيقدروا يساعدوكِ بشكل شخصي. أنتِ هتقدري، يا قمر، خطوة صغيرة النهاردة وهتشوفي الفرق. لو عايزة تحكي أكتر، أنا هنا. 💕
تم النشر الاثنين، ٦ أبريل ٢٠٢٦
والله انا زيك بس بحاول اقرب من ربنا اكتر وربنا يشفينا جميعا
تم النشر الاثنين، ٦ أبريل ٢٠٢٦
لعرض السؤال في فدني اضغط هنا