الفترة دي حاسه بتوهان جامد حاسه اني في عالم تاني الصلاة بقت تقيلة ع قلبي آخري الفروض بس كل يوم قبل م انام بحصل عادة الفكرة انا مش بشاهد مواقع ولا الكلام دا عقلي برسم احداث قبل م انام ف الشهوه بتزيد بسبب الأفكار دي
انا تعبت من نفسي قبل كدا حكيت لزميلتي عن المواقع واني تعبت هي نصحتني بس مكانتش قريبه مني وبيتها بعيد اوي عننا هي كانت بتركز مع صحبتها وانها عايزه تختم ما شاء الله بس انا تمنيت حد يقف معايا أو لما حكتلهها تشدني
انا من وقتها قفلت ع نفسي مش عارفه اعمل اي هفضل كدا لامتى انا تعبت وهمتي نزلت قلبي واجعني بجد مش عارفه بجاهد وبقاوم الحرب لوحدي بس معاناه مش لاقيه صحبه قريتي كلهم ناس عاديه مش عارفه هل العادة هي سبب إن الهمه تقل معايا امتى نقول انها عاده انا مستغربة ازاي عاده من الصور ف الدماغ
بصي يا بنت الحلال عشان تخرجي من الحالة دي غيري روتين قبل النوم اً لأن دايماً الموقف بيبدأ من التخيلات دي أول حاجة حطي موبايلك بعيد عن السرير واشغلي مخك بأي صوت شغال زي سورة البقرة أو بودكاست أو قصص بالصوت عشان دماغك تلاقي حاجة تركز فيها بدل ما تبدأ ترسم خيالات وتستسلم للتفكير اي حاجه بتحبيها وتاني حاجة متضغطيش على نفسك في الصلاة وابدئي بأقل جهد ممكن يعني صلي الفرض بس أول ما الأذان يأذن من غير ما تستني وحافظي على أذكار النوم واستعيني بربنا بإنك تطلبي منه القوة بصوت واطي وبشكل مستمر وتالت حاجة عشان تفرغي الطاقة العقلية والنفسية دي لازم تتحركي خلال اليوم سواء برياضة خفيفة أو تمشية أو تنظيم أوضتك لأن المجهود البدني بيهدي عقلك وبيخليكي تنامي أسرع من غير تفكير وأخيرا اقفلي الصفحة دي تخالص ومتأنبيش ضميرك ولا تقارني نفسك بأي حد وخليكي عارفة إن جهاد النفس خطوات صغيرة فوق بعض وبتبدأ بتغيير العادات اليومية البسيطة دي .. وجد والله ربنا يحفظك ويوفقك لما يحب ويرضى
تم النشر الخميس، ١٠ سبتمبر ٢٠٢٦
عارفه لما تلاقى فيديو قرآن فى الريلز اسمعيه وكمليه وفكرى فيه.. اكتر حاجه بحسها تبعدني عن الحرام لما اسمع ناس بتتكلم عن ربنا وعن الدين لما تلاقى واحده تستريحى ليها وهي بتتكلم عن الإسلام الايمان بيزداد جوانا لمجرد أن إحنا سمعنا.. الله عز وجل لما يختبر العبد بيزود الشهوه عنده للمعاصى فا بيختبره أما فى أشخاص تانيين الشهوه عندهم قليله ودا من حفظ ربنا ليهم.. نامى على وضوء وقومى قبل الفجر اتوضى صلى ركعتين قبل الفجر صلى الفجر وادعى ربنا بكل يقين أن ربنا معاكى ومهما ذنب عملتيه المهم ترجعى اوعى تنسي نفسك وأن ربنا معاكى
تم النشر السبت، ١٢ سبتمبر ٢٠٢٦
بصي هي الفكرة كلها عادات في يومك بتحصل وهي بتنتج التفكير والنفسيات واي حاجه عموما، انا من رأيي تغيري سلوكياتك في يومك، بمعنى تبداي تبدلي عاداتك اللي انتي شايفاها وحشه بعادات حلوه، وليكن بتتفرجي على التيك توك بطلي وخلي بداله القراءة، وليكن بتبداي يومك بمسك التليفون وتردي على الرسائل بدليها بقراءة قران، المهم انتي حاولي تغيري اي سلوك انتي فعلا شايفاه غلط، القرب من ربنا محتاج مجاهده، وحاجه فرقت معايا عشان انتظم في الصلاه واحس بذلتها ( كنت بتدبر القران ) هيفرق معاكي اوي واسمعي فيديوهات دينية وثقفي نفسك في الدين لأن ده الأهم وارشحلك امجد سمير، ثانيا حتة الشهوه دي محتاجه تتعرفي على نفسك بمعنى تعرفي اي اللي بيخليها تتحفز وتبداي تقطعيه بالتدريج، وليكن غض البصر وغيره وارشحلك تقراي كتاب العادات الذرية هيعلمك ده كله، الموضوع مش بالسهل ومحتاج وقت وصبر وكل مره تقعي فيها متقسيش على نفسك وقومي في نفس اليوم لأن ده طبيعي جدا، انا بحاول بقالي حرفيا سنتين ولسه موصلتش للنتيجه اللي عايزها بس في تحسن في حياتي كتييير اوي والحمد لله بطلت عادات وحشه كانت عندي وبنيت عادات انا فعلا عايزها، واقراي كتب لانها حرفيا هتفرق معاكي في طريقة التفكير والشخصية وحاجات كتير اوي ده طبعا بجانب القران لان ده اهم، واخيرا حتة انك بتحربي لوحدك وانك مش قادره، دي افكار شيطان وهتيقسك، خلي ديما هروبك وشكواكي لربنا مش لحد تاني خالص
تم النشر الأحد، ١٣ سبتمبر ٢٠٢٦
أختي العزيزة، أشعر بمدى تعبك وصراعك الداخلي، وهذا الشعور بالتوهان والثقل في الصلاة والأفكار المزعجة قبل النوم أمر يمر به كثيرات، وهو دليل على أن نفسك تحاول السيطرة لكنكِ لا تزالين تقاومين. مجاهدة النفس ليست سهلة، لكنها من أعظم الأعمال التي يحبها الله، وكل خطوة صغيرة فيها تُكتب لكِ أجراً عظيماً. ابدئي بخطوات عملية بسيطة وثابتة. قبل النوم مباشرة، اجعلي روتيناً يشغل عقلك عن تلك الأفكار: اقرئي سورة البقرة أو آية الكرسي بتركيز، أو استمعي إلى تلاوة هادئة، أو اكتبي ثلاث نعم في يومكِ في ورقة صغيرة. هذا يساعد على تهدئة الذهن ويقلل من فرصة رسم الأحداث في الخيال. إذا جاءت الفكرة، قومي فوراً وتوضئي وغيري وضعيتكِ في السرير، ثم قولي دعاء "أعوذ بالله من الشيطان الرجيم" بصوت مسموع، وتذكري أن هذه الأفكار ليست "عادة" فقط بل صور ذهنية يمكن السيطرة عليها بالتدريب المستمر، مثلما ندرب عضلة. أما عن انخفاض الهمة، فالعادة السرية أو الأفكار الشهوانية تؤثر فعلاً على الطاقة والتركيز، لكن الاستمرار في المجاهدة سيرفع همتكِ تدريجياً. حاولي إضافة ركعتين نفل بعد العشاء كل يوم، وصومي يومين في الأسبوع إن استطعتِ، فالصيام يضعف الشهوة ويقوي الإرادة. وتذكري أنكِ لستِ وحدكِ في هذا؛ ابحثي عن أسئلة مشابهة على فدني لتجدي تجارب أخريات ونصائح إضافية. استمري في الدعاء بصدق: "اللهم إني أعوذ بك من شر نفسي"، وثقي أن الله يرى جهادكِ وييسر لكِ الطريق. كل يوم مقاومة هو انتصار، وستشعرين بالفرق إن شاء الله مع الوقت. أنتِ قادرة، وأنا هنا لأساندكِ.
تم النشر الخميس، ١٠ سبتمبر ٢٠٢٦
أن شاء الله الموضوع مش هياخد منك شهرين على الاكثريه إن اشتغلتلي علي نفسك واول شهر بتبدأ التغيرات تبان ودي بتبقي حاجه حلوه اول اسبوع بتحسين انك عايزه ترجعي تاني ودا معناه أن مخك بيستجيب للعلاج تاني اسبوع تحسي انك عايزه الموضوع دا برضه ولكن اصبحتي عقلانيه اكتر ونظرتك للحياه هتختلف تالت ورابع اسبوع التغيرات هتبدأ تبان هتبدأي تهتمي بحاجات مكنتيش بتهتمي بيها قبل كدا هتفهمي نفسك اكتر وحتبي نفسك جدا ودا مع بركه القرب من الله أن شاء الله وفي الشهر التاني بتضمني انك متقعيس هفوه في الذنب دا أن شاء الله ولو حصل لتكوني عارفه انك لازم ترجعي وانك بدأتي تتحسني ومفيش مجال للتراجع تاني بعد الشوط الطويل دا، وللامانه والمصداقيه الموضوع ممكن ياخد تلت اشهر او اربعه علي حسب الشخص وانا كدا مش بحبطك ولكن دا لمصلحتك كل ما فهمتي اكتر المعوقات الي لسه هتيجي في طريق العلاج بتاعتك كل ما عرفتي ووثقتي ف نفسك انك بتتحسني للأفضل وإن شاء الله يكون الموضوع خفيف في غضون شهرين او تلاته بإذن الله.
تم النشر الاثنين، ١٤ سبتمبر ٢٠٢٦
طب وقت طويل يعني ؟
تم النشر الاثنين، ١٤ سبتمبر ٢٠٢٦
للاسف اه بس لازم تكوني صبوره عشان انتي كنتي متعوده علي الموضوع دا فتره كبيره ف الخروج منه محتاج فتره برده عشان حضرتك ممكن وارد تتعرضي لانتكاسه والرجوع منها صعب ف لازم المجاهده وسرعه التوبه وإن الله يحب التوابين المتطهرين وليس فقط من لا يقع في ذنوب لأن الإنسان سيقع ولكن الفارق بين مسلم ومسلم هو بسرعه التوبه والخشوع أمام الله.
تم النشر الاثنين، ١٤ سبتمبر ٢٠٢٦
هو التعافي هياخد وقت؟
تم النشر الاثنين، ١٤ سبتمبر ٢٠٢٦
اللهم بارك فيكي يارب، الشكر لله، لو اتكلمنا برا هيأثر، الفكره نفسها في ذهنك مع الزواج لو حدثت ممكن تأثر على توافقكم وقت الزواج ويمكن كثر الموضوع دا يخلي في عدم استمتاع وقت الزواج ودا ممكن يعرضك لمشاكل ولكن لا داعي للخوف لأن مشكلتك بإذن الله محلوله اهم وافضل حاجه انك عارفه مشكلتك ودا لوحده مريح ليكي شخصيا والطرق كثيره لحلها واتبعي الطريقه التي تناسبك مثل تغيير روتين يومك وممكن لو حسيتي انك هترجعي تتصوري تاني لازم تعرفي إن الدماغ لما يكون مستني عاده معينه ومعملهاش وكمان متشغلش بحاجه تانيه أو فرغتي الطاقه الي مخك عايز يشغلها هتحسي بعصبيه أو ضيق صدر ودا شيء لازم تحطيه في الحسبان عشان تكوني عارفه بعد كده انك جاهدتي نفسك يوم زياده وتكوني كدا شخصتي نفسك لأن معرفه مشاكل النفس بتبعث الطمأنينه، وربنا يثبتك على الصلاه وقراءة القرآن إن شاء الله.
تم النشر الاثنين، ١٤ سبتمبر ٢٠٢٦
حضرتك بشكرك بجد والحمدلله ليا يومين مش بعمل +هل الأمر هاثر ف الزواج؟
تم النشر الاثنين، ١٤ سبتمبر ٢٠٢٦
في البدايه حابب اعرف حضرتك انك بإذن الله ربنا سيجازيكي خير على مجاهدتك لنفسك وينك لتغيير حياتك وان شاء الله ربنا يوفقك وتحسين انو جمبك دائما، الله يعافيكي ويعافينا بسم الله الرحمن الرحيم، اولا تعريف العاده دا حاجه مرعبه ولازم حضرتك تكوني عارفاه كويس جدا وهو أن العادة هي سلوك أو فعل أو طريقة تفكير يتكرر بانتظام، حتى يصبح مع الوقت تلقائيًا، ويؤديه الشخص بأقل قدر من التفكير أو الجهد الواعي. عشان نفصل بكل بساطه معنى المفهوم بيقول انو تكرار انشطه معينه والتكرار دا بيخلي المخ يتعود على النشاط دا فبالتالي يتذكره ويعطي له الأولوية اكثر من غيره ودا اللي بيخلي العاده صعب تتكسر و النقطه التانيه كلمة تلقائيه تلقائيا بمعنى أنو الدماغ أصبح مدرب انو يعمل العاده دي او النشاط المكرر دا بغض النظر الشخص كان حابب النشاط المكرر دا أو كارهه ودا بيوصلنا لفكره التلاعب، مين اصلا بيخليني دائما اعمل النشاط دا وانا عارفه انو اصلا غلط، دائما الشيطان، حضرتك اكيد عارفه انو الشيطان عارف نقاط قوتك ونقاط ضعفك وهو دائما بيلعب على نقاط القوه عشان يضعفها أو نقط الضعف ويوزك بيها ولو نجح الشيطان في كده هيمسك بإيده وسنانه في انك تقعي في المشاهد التصويريه دي وطبعا زي ما الشيوخ وضحوا الشهوه نوعين شهوه جسديه وشهوه ذهنيه والشهوه الذهنيه الشيطان بيلعب عليها دائما وقت ما حضرتك تتصوري المواقف اللي بتيقظ الشهوه بيبدأ عداد قوه النفس بالضعف والتراجع لأن الشيطان بيحاول يعودك على الموقف دا كل يوم ولو تصورتي الموقف دا كل يوم قبل ما تنامي يبقي الشيطان نجح في خطه دس العاده في الدماغ لأن الدماغ مع ضعف القلب يتغلب على القلب دائما فلازم تعرفي انو الشيطان دسلك عاده واصبحتي دائما بتعمليها لأن النفس أصبحت تتبع الهوي في نطاق التصور الذهني وأصبحت النفس زي ما بيتقال مدلوقه وحبت الفعل دا والنفس طبعا أماره بالسوء فنصيحه حاولي بأي طريقه تتركي تلك العاده أو عن طريق طريقتين مجربين اولا تغيير الروتين مثلا بالليل قبل النوم تكوني بتنامي على بودكاست للصلاه أو لعادات حضرتك بتحبي تتبعيها او ممكن لو الموضوع صعب من أوله ممكن حضرتك تبدأي بإنك تتابعي اشياء أو مسلسلات بتوعي وتأخذ كل تركيز عقلك عليها، الطريقه الثانيه وجود ونيس أو جليس صحبه يحفزك ويفضل معاكي ودا يعتبر صعب مع حضرتك فممكن تعملي اول طريقه لو حابه تبدأي تغيري. ثالث نقطه وهي اسوأ نقطه الروتين هو مش كل شخص فاهم مفهوم الروتين، ببساطه الروتين عبارة عن بعض الانشطه الثابته عندك في يومك ودا مخلي نفسك والشيطان يميلون لتصور الصور الذهنيه والمواقف الذهنيه دي تاني ودا بيخلي التصور الذهني روتين وجزء من حياتك وزي ما بيقولوا اكسر الروتين، دائما كسر الروتين طريقه ناجحه.
تم النشر الأحد، ١٣ سبتمبر ٢٠٢٦
حاولي تكوني على وضوء طول الوقت واسمعي قرآن
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا