ممكن توضحي اكتر يعني ايه عندك وسواس؟ الوسواس عبارة عن فكرة انتي عارفة انها غلط لكن مش قادرة تمنعي التفكير فيها، وبدورها بتأدي لسلوك بهدف التخفيف من معاناة الفكرة، ايه الفكرة اللي بتجي لك وبتعملي ايه وقتها؟
تمام، خلينا هنا نقول حسب كلامك والمعلومات البسيطة اللي تعرفها أن الفكرة اللي بتراودك بتكون هل أنا قلت حاجة غلط او هل كلامي ممكن يتفهم غلط؟ والفعل القهري المترتب عليها بيكون انك بترجعي تعيدي قراءة الكلام كذا مرة عشان تقللي القلق دا، عندنا اسلوب علاجي اسمه التعرض والمنع في حالات الوسواس، بمعنى؟ أننا بنثير الفكرة الوسواسية عند الفرد بس الفرد يمتنع عن انه يعمل السلوك القهري ويتحمل احساس القلق والتوتر الناتج من الفكرة، مع التكرار الشخص بيكون أكثر قدرة على تحمل التوتر الناتج والأفكار بتقل، ولكن بعض الأحيان في التوتر والقلق الشديد بنحتاج دول مرافق لرحلة العلاج عشان يقلل من شعور التوتر دا والجسم يقدر يتعامل معاه بفاعلية، لكن حاليا ممكن تجربي التعرض والمنع عن طريق انك تمنعي السلوك القهري لما بتجي لك الفكرة، ملناش دعوة بالفكرة مش هنحاربها، لكن مش هنفتح نقرأ رسائلنا تاني.
تم النشر الثلاثاء، ٥ أغسطس ٢٠٢٥
ايوا بالظبط
تم النشر الثلاثاء، ٥ أغسطس ٢٠٢٥
انتي محدش كان بيسمعلك وانتي صغيره وكانو ديما بيشككه ف كلامك؟
تم النشر الثلاثاء، ٥ أغسطس ٢٠٢٥
ولكن انا مبقتش قادره افرق بين الوسواس أو حقيقه يعني انا فعلا عملت كده ولا دي فكره وسوسواسيه
تم النشر الثلاثاء، ٥ أغسطس ٢٠٢٥
بصي هو عباره عن اني بتخيل اني قولت حاجه معينه مينفعش أقولها أو عملت حاجه زي مثلا افتكر من كام شهر عملت فعل معين واقعد أفكر هل هما فهموني غلط طب هل هما فكروني بعمل حاجه غلط أو لما اجي أقول لحد حاجه بفضل أفكر فالكلمه الف مره طب هو هيفهم إيه أو العكس لو حد قالي حاجه عاديه أقعد أقول أكيد يقصد كذا أو بقصد حاجه تانيه وكل شويه ارجع واتأكد من الرسايل والموضوع تعبني جدا
تم النشر الثلاثاء، ٥ أغسطس ٢٠٢٥
لعرض الإجابة في فدني اضغط هنا