السلام عليكم ورحمه الله وبركاته
تحيه طيبه الى حضراتكم جميعا
أنا كنت شغال في مجال الفاست فود أخدت فيه كورسات لحد ما بقيت سور فايزور من استيوارد وبعدين حسيت إني بعدت أوي عن الصلاه ومفيش بركة في اي حاجه وفي ظروف في البيت كشف وعلاجات ولوحده 3000 فسبت الشغل وقبلت إني اشتغل حتى امن مع إني كنت مساعد أمين مخازن
وأخدت كورسات من اول الاكسل والباوربوينت والتسويق الالكتروني وأساسيات العمل اداره وتنسيق المشروعات
وايضا كنت مشرف في شركه مواد غذائية لمده 5 سنين بس الشركه المدير رغم يعتبر الشركه قامت علي كتفه خمسه واقفين في الفروع 12 ساعه يوميا وهو السادس مفضليش معاه غيري كان بيعند وبياخد قرارات من نفسه وعين أقاربه
أنا اخر واحد مشيت من الشركه من اللي كبروا الشركه من 5 فروع إلى 24 فرع والحمد لله بس مشيت
وعلى مدار سنه كام شهر الشركه قفلت شهر وراء التاني لغاية ماقلت خالص لاحول ولا قوة الا بالله
انا قاعد بقالي فتره
المتاح في أي عمل 4500وفيه موصلات
أنا آسف بس بجد حاسس إن عمر الواحد راح على الفاضي
شكراً لحضرتكم لو تقدر ترشحولي لي شغل اي حاجه اي حتى كلمه كويسه علشان الحاله النفسيه
شكرا واسف علي الإطالة
جزاكم الله خيرا
السلام عليكم، إن شاء الله ربنا يوفقك وتقدر توظف المهارات اللي عندك في وظيفة تناسبك. حاول بس متفضلش تفكر في كل الفرص اللي كنت فيها وبسبب الظروف ضاعت ومتبصش لورا إلا لو هتستفاد من خطأ حصل في الأعمال اللي فاتت. كل اللي تعلمته في أي شغل قبل كده وكل المهارات اللي اكتسبتها في وقتها هي ما زالت موجودة حتى لو علاها شوية غبار وهتحتاج تجددها وتطورها عشان تستفيد منها في الفرص الجاية إن شاء الله. *** بما إنك أخدت كورسات في كل المهارات دي فاكيد هتكون قادر على المنافسة في السوق، لكن محتاج بس تقعد مع نفسك وترتب أفكارك. رتب المهارات اللي عندك وقوتك في كل واحدة وحدد إيه أكتر مهارة ممكن تنافس فيها حاليًا ومش لازم يكون شغل على أرض الواقع. شغل الفريلانسر حاليًا بقى الغالب بالنسبة للباحثين عن عمل سواء كان إلى جانب عملهم الأساسي أو تفرغ كامل للعمل الحر. *** لينكدن هيفيدك جدا لو عملت حساب عليه واستغليت مهاراتك في تنشيط الحساب والإعلان عن نفسك ومهاراتك واللي تقدر تقدمه من خدمات. فيه كورسات عن كيفية التعامل مع لينكدن والاستفادة منه وإزاي تعمل الحساب بطريقة تجذب لك العملاء المحتملين. اعمل الحساب ونشطه وتفاعل مع الناس واعمل علاقات هناك ولو قدرت كمان قدم على الوظائف اللي بتعرض فيه. ** أخيرًا، والأهم من كل اللي فات ده، حافظ على صلاتك وقراءة سورة البقرة يوميًا، والاستغفار، اعمل ورد استغفار وزود العدد قد ما تقدر وحافظ عليه يوميًا، الاستغفار مرتبط بالرزق. ** ربنا يوفقك إن شاء الله.
تم النشر الخميس، ٧ أغسطس ٢٠٢٥
وعليكُم السَّلام ورحمةُ اللَّـهِ وبركاته شوف حضرتك طول ما الواحد فيه النفس لازم يسعى إنه يحسن من حياته مهما كان عمره تمـام كده بالإضافه للترشيحات اللي ف الإجابات السابقه ممكن ارشح لحضرتك برنامج اسمه دوبيزل موجود فيه فرص شغل بإذن الله يفيد.
تم النشر السبت، ٩ أغسطس ٢٠٢٥
وعليكم السلام ورحمة الله وبركاته أخي الكريم، أولاً، أود أن أشكرك على ثقتك في مشاركة قصتك معي، وأقدّر صراحتك في التعبير عن مشاعرك وتجاربك. أستطيع أن أشعر بحجم المعاناة والجهد الذي بذلته، وهذا بالفعل ليس سهلاً، وخاصة مع التحديات والصعوبات التي واجهتها في العمل وفي حياتك الخاصة. نصائحي لك يا أخي في هذا الظرف: الصبر والثقة بالله : لا شك أن القيام بالصلاة والعبادة يعيد البركة والسكينة إلى النفس، حاول تستعيد صلتك مع ربك بالصلاة ولو خطوة بسيطة يومياً، والمعوذات والذكر، لأنه هو المعين والرازق. إعادة تقييم مهاراتك وخبراتك : أنت تمتلك خبرات متعددة في مجالات مثل الإدارة والإشراف، التسويق الإلكتروني، إدارة المشاريع، وغيرها. حاول تعرض هذه الخبرات بشكل واضح: عدّل سيرتك الذاتية بشكل احترافي. ابحث عن فرص عمل عبر الإنترنت في مجالات الإدارة أو التسويق أو حتى العمل الحر (Freelancing). حاول التسجيل على منصات التوظيف. العمل المؤقت والاستقرار المالي : صحيح أن الراتب المتاح الآن قد يكون محدودًا، لكن حاول النظر لأي فرص عمل حتى لو كانت مؤقتة أو جزئية، لتأمين دخلك ومعالجة الضغوط النفسية. الاهتمام بحالتك النفسية : الإحساس بأن العمر ضاع هو شعور طبيعي في مثل هذه المواقف، ولكن تذكّر أن كل تجربة تعلّمك وتعطيك قوة. قد تحتاج للدعم النفسي المتخصص، وإذا رغبت يمكنك البحث عن استشاري نفسي على Fedni لمساعدتك على تجاوز هذه المرحلة. لا تيأس من السعي : قد تجد فرص جديدة، وخاصة في مجالات الإدارة أو التسويق أو حتى في قطاع الفاست فود لما لديك من خبرة، حاول تتوسع في البحث، ولا ترفض الفرص الصغيرة التي قد تؤدي إلى مستقبل أفضل إن شاء الله. نقطة مهمة: حاول أن تحافظ على تنظيم وقتك، وخصص وقتاً للعبادة والتفكر، وهذا يخفف الضغط النفسي. قد يساعدك طلب الاستشارة من خبراء عبر صفحة «الخبراء» في فدني نت للحصول على مشورة مهنية أو نفسية متخصصة. وأخيراً، لا تقلق ولا تحزن، كل مرحلة لها بداية ونهاية، والله مع الصابرين. وإذا أردت، أنا هنا دائماً للاستماع ودعمك. هل ترغب أن أساعدك في كيفية كتابة سيرة ذاتية مناسبة أو في البحث عن فرص عمل؟ أو هل تريد توجيه لكيفية تنظيم حياتك العملية والشخصية في هذه الظروف؟ بارك الله فيك وعافاك، ولا تتردد في التواصل.
تم النشر الأربعاء، ٦ أغسطس ٢٠٢٥
المجهود عند ربنا عمره ما بيضيع ابدا بس حسّن علاقتك بيه وادعي وان شاء الله ربنا يرزقك
تم النشر الجمعة، ٨ أغسطس ٢٠٢٥
لو انت من القاهرة اطلع على القرية التكنولوجية وهات ورقك وخدلك لفة على الشركات هناك ، وإن شاء الله ربنا يرزقك بالحلال ..
تم النشر الجمعة، ٨ أغسطس ٢٠٢٥
انت راجل بتخرج وبتجري وبتسعى وبتشتغل وكله عند الله مش بيضيع .. الله ييسر لك فرصة احسن
تم النشر الجمعة، ٨ أغسطس ٢٠٢٥
لعرض السؤال في فدني اضغط هنا