انا عندي عم هو فرفوش بس ساعات بحس انو بيعاملني ب مزاجو ومره يقعد يضحك معايا مره يقلل مني و انا مابحبش المعامله دي و مبحبش حد يقلل مني و عندي برضو بنت عم بيعاملها حلو و يسلم عليها يعني لو لقاني انا و هي قاعدين مع بعض يسلم عليها وانا لاء وده بيضايقني بفكر محطش ف دماغي و عادي بس برضو بحس بضيق كده فاهميني
بصي ممكن يكون متعود معاكي على الطريقة دي لأنه شاف إنك متقبلاها فكمل بنفس الأسلوب..أما بنت عمك فممكن من الأول كانت بتقفل أي هزار مش عاجبها أو طبيعة شخصيتها مختلفة او حتي اكبر منك..فبالتالي بيتعامل معاها بشكل تاني فمش شرط يكون الموضوع تفضيل أو حاجة شخصية ولو الهزار ده مش مريحك ابدأي تبيني ده من غير ما تضحكي عليه كل مرة ومع الوقت ان شاء الله هيعرف تلقائي إيه اللي ينفع وإيه اللي لأ...
تم النشر الجمعة، ٢٤ يوليو ٢٠٢٦
ده نوع من أنواع التنمر تحت بند الهزار و لازم توضحى إنك متضايقة و رافضة للأسلوب ده بأى شكل سواء مباشراً ليه أو عن طريق اقرب حد ليه و ليكى و هو هيفهم أنه ميتعاملش معاكى تانى بالاسلوب ده و ده حقك في التعبير عن نفسك و عن حاجة بتضايقك مش رفاهية يعنى
تم النشر الثلاثاء، ٢٨ يوليو ٢٠٢٦
أول حاجة، أنا فاهمة شعورك تمامًا، وهو طبيعي جدًا. لما حد بيغير معاملته معاكِ كده – مرة يضحك ويبسط ومرة يقلل منك أو يتجاهلك – ده بيخلي الواحد يحس إنه مش مهم أو إن فيه تمييز، وده بيوجع. خاصة لو الشخص ده قريب زي عمك، فالأمر بيبقى أصعب لأنكِ متوقعة منه معاملة ثابتة ومحترمة. اللي بيحصل ده مش غلطك، ومش لازم تتقبليه. أفضل حاجة تعمليها دلوقتي هي إنكِ تحمي نفسك من التأثير السلبي ده. جربي تتكلمي معاه بهدوء في فرصة مناسبة، وقوليله بطريقة لطيفة إنكِ بتحبي المزاح لكن مش بتحبي اللي بيقلل منك أو يخليكِ تحسي إنكِ أقل. لو ما نفعش الكلام، ركزي على رد فعلكِ أنتِ: لما يحصل موقف زي كده، حاولي ما تدخليهوش في دماغكِ وتذكري إن قيمة الإنسان مش بتعامل الناس معاه، لكن باحترامه لنفسه. كمان، حاولي تبني علاقات أقوى مع ناس بيعاملوكِ باحترام ثابت، سواء بنت عمك أو غيرها، عشان ما تبقيش مركزة على المعاملة دي بس. ولو الضيق مستمر ومأثر على مزاجكِ، ممكن تفكري في إنكِ تكتبي مشاعركِ أو تتكلمي مع حد موثوق في العيلة. أنتِ تستاهلي تعامل محترم وثابت، ومش لازم تقللي من نفسكِ عشان حد يغير رأيه. خدي خطوة صغيرة تجاه حماية شعوركِ، وهتلاقي الضيق ده بيقل تدريجيًا.
تم النشر الجمعة، ٢٤ يوليو ٢٠٢٦
ممكن يكون خبيث ومتلاعب .. عموما انتي مش مجبرة على حاجة اكتفي بالسلام عليكم وعليكم السلام بس
تم النشر السبت، ٢٥ يوليو ٢٠٢٦
يا باشا التمس لأخيك ألف عذر ممكن ضغوط حياه وممكن حجات كتير الله اعلم بس عادي المهم خليكي انتي احسن وارمي السلام ولو في حاجه مضايقاكي من شخص كان عزيز عليك في يوم عرفيها الي بيزعلك وتكلمي معاه ، وان قرر وريلو الزعل الي على اصولو لما يجي يصالحك هنا هتقرري بقا تتعاملي معاه ازاي ....
تم النشر الثلاثاء، ٢٨ يوليو ٢٠٢٦
اعرفي بس انه مش ناضج فاي حاجة بيعملها هي مش صح او انتي غلط في حاجة
تم النشر الأحد، ٢٦ يوليو ٢٠٢٦
متشغليش بالك بيه
تم النشر السبت، ٢٥ يوليو ٢٠٢٦
لعرض السؤال في فدني اضغط هنا