كنت عاوزه اخد رأي حد اكبر مني ف الحاجه ديه لاني مش هينفع اقولها لأمي عشان مش عايزها اضايقها وازعلها عليا
انا متزوجه من سنتين ف مكان بعيد جدا عن اهلي ف بيت عيله وربنا رزقني بأبني يوسف
من ساعه ما اتجوزت وانا قولت اني هعامل والدته زي امي وانا عشان متربيه ف عيله فيجب جو الدفا ده وكنت فاكره اني هلاقيه هنا بس ملقتش ده خالص وكنت باعملها بما يرضي الله ويضحك وبهزر معاهم مع أن هما ملهومش ف الهزار
الحكايه بدأت من ساعه ما لاقيت أن كل كلمه بصفة نيه بقولها بتقعد تترجمها هما بمعرفتهم مبيفكروش أن فعلا ال قدامهم نيته كويسه وطبعا انا كنت بطلع كل يوم عشان بقا اساعدها وكده لقيتها بتقولي لا انا مبحبش حد بعملي حاجه انا مبحبش عمايل حد انا بعمل بنفسي فكلمتها متقلقيش والله هعمل زي ما انتي عايزه بس ارتاحي شويه فصممت ع رأيها وطريقتها خلتني مع الوقت مبقتش اطلع زي الاول بقيت بطلع ٣ ايام ف الاسبوع بس بسبب طريقتها وكمان أن كل كلمه لازم اعمل عليها كنترول وانا مبعرفش اقعد مع حد مش واخده معاه راحتي
المهم جيت لما حملت قولتلها وبفرحها انا حامل قالتلي لا طبعا انتي لسه متجوزه ملحقتش ده انتي مكملتيش شهر استني ع نفسك شويه فبعد ما كنت فرحانه اضايقت اوي واتكسرت فرحتي المهم ف الشهر الرابع عرفت أنه ولد ف جيت اقولها فقالتلي مايمكن بنت وانتوا مش شايفنها عدل اصلا السونار مبيبينش صح فزعلت اوي وملامح وشي اتغيرت من بعد الفرحه وراحت قالتلي عارفه جارتنا كانت طول حملها تقول انها حامل ف ولد لحد اما ربنا كبسها ولما ولدت جابت بنت فبصتلها كده كان هاين عليا اعيط اوي روحت قولتلها والله الفكره مش ف النوع ايه الفكره أنه يبقي بصحه كويسه وخلاص وانا أبقا اسعد واحده لو ربنا رزقني ببنت اصلا وروحت نازله ومن ساعتها مبقتش اطلع غير كل اسبوع مره كده .. واتعب واروح لدكاتره وميهونش عليها تطمن عليا وتزعل عشان أنا مقولتلهاش
المهم كان جوزي متفق قبل الولاده مع امي اني أولد ف القاهره عندها عشان تراعيني فجت مامته وبباه ف الشهر التامن قالوله هي مش هتولد غير هنا ومامتها تبقا تجيلها هما أصروا عليه اوي وطلع يقولي قولتله انا عاوزه أولد عند امي هي ال هتراعيني لكن مامتك مش هتسأل فيا والله حرام عليك أبقا ف الدنيا هنا لوحدي وكمان ف ولادتي المهم مامته صممت وقالتله لو ولدت هناك مش هترجع ع البيت لا هي ولا ابنها وفضلت اعيط لأسابيع بسببها وعشان خاطر زوجي وميعارضش أبوه وأمه رضيت امي وقولتلها معلش ياامي خليني أولد هنا ولما شافتني عيني وارمه من العياط قالتلي مالك بصتلها وسكت قولتلها الحمدلله وبباه قالي مش لازم تولدي هناك اصلا المفروض تولدي ف بيتك وبعدين ام زوجك ماهي امك برضو وهتشيلك ومراته اخوه قولتله انا عاوزه امي قالي يعني انتي كده قصدك أن ديه مش امك يعني امال ايه فرضيت وولدت هنا عشان كانوا هيعملوا مشكله كبيره معاه
المهم قبل معاد ولادتي مسحت الشقه كلها وغسلت السجاد عشان امي كانت جايه اليوم ال بعده عشان ولادتي تاني يوم فراحت حماتي قالي انتي بتمسحي ليه امال هما هييجوا يعملوا ايه قولتلها امي انا ال اعملها مش هي ال تعملي والحمدلله ربنا مديني صحه اعمل لنفسي مينفعش اتعب امي كفايه هتقعد بيا وهي تعبانه
الحمدلله ولدت ع خير وبعد اما امي مشيت بعد ولادتي بأسبوع ونص حماتي نزلت تشوف ابني فالست غصب عنها ف اول ولاده ليها بتبقي خايفه ع ابنها اوي من اي حاجه ومن اي حد فكانت المفروض تفهم ده فكانت عايزه واحده معاها فوق قولتلها ماشي بس حست اني مضايقه المهم خدته فوق وبعدين نزلته وقالتلي كان عطشان فشربته مايه قولتلها ازاي يعني مينفعش يشرب اي حاجه غير اللبن بتاع أمه وبس بعد اذنك ياماما متشربيهوش تاني جت بعدها بيوم جوزي طلعه فوق بعد ربع ساعه كده سمعته بيضرخ جامد فاتصلت بجوزى بسرعه اطلع شوفه والنبي شكله بيعيط راح طالع واخده ومنزله من ساعتها وهما قطعونا خالص والولد مكملش حتي الشهر وهي منزلتليش ولا مره تشوفني عامله ايه ولا بأكل ولا لأ ولا اي اهتمام زي ما كانوا قايلين وانا كنت فضلت لحد الاربعين وانا تعبانه جدا من العمليه والجرح ملتئمش كويس وبسبب البنج الكلي كمان من ساعه ما ولدت مهانش عليها تطمن عليا بتنزل بس عشان تشوف يوسف وتنزل
المهم فضلوا لحد اما يوسف تم ال٦ شهور مش بيكلموني لا انا ولا زوجي وكل ده عشان افتكروا أنه لما طلع خد الواد أنه كده انا بلوي دراعهم بالعيل وان جوزي ماشي ورايا .. بعد المده ديه طلعتلهم لما لقيت جوزي تعبان جدا بسبب كده مع انهم هما ال غلطانين معايا ف كل حاجه حتي ف سوء ظنهم طلعتلها بيوسف وقولتلها هو حضرتك زعلانه ليه من جوزي قالتلي انتوا خدتوا الواد ع أساس انكوا بتلوو دراعنا وانتي خدتي جمب فقولت براحتك بقا قولتلها اولا انا لا قصدي كده ولا اي حاجه وفهمتها وقولتلها انا كنت تعبانه جدا وحتي منزلتليش تشوفيني ولا تسألي زي ما قولتي قولتلها ع العموم انا طلعت عشان جوزي تعبان انكوا واخدين منه جمب وهو معلش حاجه
خلص الموضوع ده جه موضوع تاني اكبر
روحت عند امي بعد الولاده ب٣ شهور كده المهم رجعت البيت بعدها بكام يوم نزلت وانا ماشيه لقيت عند بتاع الجواهري دبله عجبتني فقولتله ينفع ابيع اللي معايا واخد ديه قالي هحسب المهم طلع فرق الف ونص قولتله ماشي رجعت البيت قولت لجوزي قالي براحتك لو عايزه تغيرها ماشي عشان بتاعتي كلها فصوص ومعظمها وقع فبقي شكلها وحش فقالي بصي عشان مش معايا فلوس فخدي الخاتم التاني وادفعي الفرق قالته وصحيح هو قالي أن ده عيار ١٨ مش ٢١ وأنه كمان مش لازوردي فسوف الفاتوره كده لحسن تكون الست نصبت عليكوا فقالي طب هاتيهم كده وانا اطلع لابويه المهم جيت ادور عليهم ف العلبه ملقتش الاسوره والخاتم بتاعها فقولتله قالي طب دورى عليهم ع ما أنزل قلبت عليهم الشقه قبل ماينزل فكل حته حتي الزباله مفيش نزل سألني وقلتله قعد يدور معايا ملقناش حاجه بعدها مسحت الشقه 3 مرات من كل حته ومن تحت كل حاجه وبرضو ملقتش قعدت اعيط كتيير اوي وخوفت من رد فعله وقعد يقول انتي مهمله والمفروض تحافظي ع حاجتك مع اني والله محلصش حاجه كده مني قبل كد
حضرتك واضح من كلامك ان زوجك كويس معاك وان المشاكل جاية لكم من برة تحديدا من ناحية مامته وباباه حضرتك محتاجه تهدي اعصابك شويه وتتقبلي بعض الامور ال مش هتعرفي تغيريها حاليا - ولكن ربما تتغير فيما بعد ان...
جميل طبعا انك طموحاتك كان ليها شكل اسري جميل ومليان ود وحب بين البيت. اامشكلة انك فكرتى فى تفاصيل ورسمتيها فى خيالك ...رغم انك متعرفيش الاطراف الاخرى هيناسبهم التفاصيل دى ولا لا . مش معنى ان تفاصيلهم ...
طاقتك هتهدر لو بقيتي بالشكل ده ومش هتعرفي ولا تركزي مع ابنك او زوجك. ف انتي حاولي تهدي وتركزي ع بيتك وابنك وزوجك، اما حماتك حاولي تعرفي شخصيتها كويس .. اتكلمي مع زوجك واعرفي منه هي بتحب ايه .. او تعمل...
لو حطيتي النقط ع الحروف من البدايه كده هتعرفي تعيشي هتطاطي وتعيطي وتستطيبي وتقولي معلش ست كبيره هيطلع عين امك وتطلعي غلطانه بردو اللهم بلغت
ف بصي يا بنت الناس انتي تصلي وتدعي ربنا ينتقم من ال بظلمك ويفضحه ويبعده عنك واقطعي معاهم متعاملين وتحطي حدود مع جوزك ولو الحدود دي هيتخطاها قوليله هقول لأهلي ال هو خالك عمك اي حد وندخل حد يحكم بينا وهحكي كل حاجه ونحط النقط ع الحروف
وحياتك دي ربنا ينتقم منها لو هيا ظالمه حسبنا الله ونعم الوكيل ركزي ف ابنك وبيتك وتشيلين دهب ف بيتك حطيه عند امك او ف بنك واعملي حاجه بمفتاح فيها الفلوس أو تحطيها ف محفظه وتخفيها ورا هدوم تحت السرير اتصرف حتي لو مصروف بيت لان معني كده في حراميه ف البيت ومتدخلين حد بيتك و محدش ياخد مفتاحك
بقية المشكلة منسوخة من السؤال الآخر: المهم سكتنا ع الموضوع ونزلت بعدها لماما ولقيته بيكلمني بيقولي مشوفتيش الفلوس ال ف الحصاله قولتله لا والله ليه هما مش موجودين ولا ايه قالي لأ انا فتحتها اديتك منها فلوس السفر ورجعت ال ٦٠٠ ال فاضليين ف الحاصله تاني قولتله بس دور كده تاني ولا افتكر انت ساعات بتنسيق انت صرفت ف ايه المهم قعد يدور ملقتش حاجه بعدها رحت البيت وشويه ولقيت حماتي نازله بتقولي هو فين الدهب بتاعك قولتلها والله مش لقياه قالتلي ازاي يعني امال راح فين قولتلها والله ما اعرف قلبت عليه الشقه ملقتهوش قالتلي والله وخلاص كده يعني دي مراه احمد ابني لما ضاعت منها السلسله قعدت تدور ف الزباله ونزلت الشارع تدور عليها وماتت ع نفسها من العياط وانتي ببساطه بتقولي مش عارفه قولتلها والله هي دورت عليها ف الشارع عشان ضاعت منها ف الشارع انا بقا حاجتي ضائعه ف بيتي ايه ال هينزلني ادور تحت وبعدين انا الفتره ال فاتت قعدت امسح الشقه كل شويه ع امل تلاقيها ونزلت الدولاب كله والدرف والادراج وف الزباله وكل حته ممكن تيجي ع بالك قالتلي بصي بقا بصراحه انا قول إنك انتي ال اخدتيها طمعتي فيها أو عشان تفكير زانقه عندكوا ف البيت .. قولتلها انا بتقولي عليا انا كده هو ف حد هيسرق حاجته قولتله انا مش محتاجه فلوس واهلي الحمدلله مش محتاجين فلوس وانا طول عمري ف نعمه الحمدلله اه انا والدي متوفي بس الحمدلله امي عمرها مابخلت علينا بحاجه كانت بتيجي تحط الفلوس تحت رجلينا ولعلمك انا كل اما انزلها بتديني فلوس وانا راجعه بالالف جنيه هي واخويا وباجي لديهم هنا لابنك يساعده بيهم وبرضو انا ال جايبه فستان الفرح ال ب ٣٥٠٠ من عشان جوزي كان مزنوق ومن ورا امي ومحدش لحد انهارده يعرف اي حاجه عن ده فقالتلي ماهو الواحده لازم تساعد جوزها وروحت قولتلها طب هو جوزى مقلكيش كمان أن فلوسه ضاعت قالتلي قالي قولتلها مقلكيش بقا أن انه مكنش قائلين حاجه اصلا عن الفلوس ديه وأنه حاطتها ف الحاصله وأنه لما ادني الفلوس وانا مسافره كنت ع الباب ولابسه كمان ونزلتنا مع بعض ولا برضو دي كمان انا ال سرقتها قالتلي ماهو محدش يعرف غيرك أن ف فلوس ف البيت قعدت اعيط وانهرت جامد وقولتلها انا ورحمه ابويا وحياه ابني عندي لهرجع لابنك تمن شبكته وهحطله الباقي ف حجره انا مش عاوزه حاجه ومش عاوزه يصرف عليا راحت قالتلي متقوليش كده ماهي حاجتك ف الآخر راحت قالتلي قومي اغسلي عينك عشان زمانه جاي ميشوفكيش بتعيطي المهم هي بعدها بيوم طلعت لاسماء سلفتي وقالتلها انتي مزعله مراه كريم ليه ياماما قالتها ليه قالتها انتي ازاي تتهميها أنها هي ال سرقت بعد كده نزلتلي وقالتلي ع فكره انا مقولتش كده ومقولاش إنك سرقتي ولا اهدني حاجه قولتلها لا قولتي وانتي تقبلي حد.يقول كده ع بنتك لو كان عندك بنت كنتي هتقبلي .. المهم قالتلي مقصدش ومن ساعتها وانا بصراحه مبتعاملش معاها زي الاول ومن فتره صغيره روحت معاهم حنه واحده قريبتهم وتأتي يوم كان الجمعه وهي عارفه أن يوم الجمعه جوزي اجازه فمبصدق نقعد معاه عشان طول اليوم بيبقي بره طول الاسبوع حكم شغله .. المهم هي مقولتليش تعالي لقيت اسماء بتكلمني وبتقولي تعالي معانا قولتلها هي مقالتليش وبعدين. انتي عارفه أن يوم الجمعه مبنزلش ف حته فراحت قالت لحماتي وزعلت واتقمصت وقعدت تتكلم عليا مع الناس هناك ومش بتتكلم معايا عدل من ساعتها وانا بصراحه اصلا واخدالي جمب ومبقتش اطلع خالص عشان اريح دماغي من القيل والقال وانا نفسيا مبقتش حابه اتكلم معاها زي الاول فانا كده غلط ولا صح عشان مقتصره التعامل وانا بصراحه عملت كل ال ف جهدي وانا من ناحيتها شايفاها مبتحبنيش وحاولت ع اد.ما اقدر بس مش راضيه تتعامل معايا حلو ولا حتي بتقول كلمه حلوه وعرفت من ناس أنها اتكلمت ف سيرتي وحش كتير اوووي وقعدت ابررلهم وتقولهم اني والله مش كده ولا جوزي كده وقايله كلام غلط كتير ومتحور كتير وتعبت اوي من كتر ما سمعت الكلام ده وهي لحد انهارده بتتكلم عليا مع اني وربنا ال يعلم فعلا معملتلهاش حاجه من ساعه ما دخلت البيت وانا فعلا ف حالي وبسمع من هنا وافضي من هنا ومكنتش بحكي اي حاجه لجوزي خالص
بصي مش هعرف اقولك غير حاجه واحده لان حتي العيشه بعد الطلاق صعبه لان هيسخنوه عليمي وحوارات كتير
ماهو ده ال جه ف دماغي بعد ما حاولت معاها كتير فقولت اعمل لنفسي كرامه .. لان كمان مراه اخوه الكبير ياعيني مترمطه عشان سكتت وهما فاكرينها عبيطه وبيقعدوا يشتموها ويتريأوا عليها ودي حاجه بصراحه مكنتش هقبلها ابدا
ربنا يسامحها والله ويهديها ويبدل حالها لاحسن حال
لعرض السؤال في فدني اضغط هنا