وعليكم السلام ورحمة الله وبركاته، اسأل الله ان يعينك على الثبات والالتزام بالصلاة، ما تفكري بإنه انت كل ما تلتزمي بتلتزمي بس اسبوعين وتتركي، لانه الشيطان ممكن يستغل هاي النقطة ويقلك "ما بنفع تصلي وتقطعي مش لعبة" ، وطبعا هاد غلط لانك بتحاولي تلتزمي وبتقعي وبتحاولي وبتقعي وربنا شاهد على الاشي، وهاد افضل طبعا بإنك ما تحاولي شيلي. اولا استعيني بالله وادعي انو يساعدك على الالتزام، ثانيا بدي تتذكري معي انه الصلاة فرض، شو يعني فرض؟ يعني فكري فيها كإنها مسألة حياة او موت، كإنك عم تغرقي وفي حدك عجل لازم تمسكي فيو، ما في عندك خيار تاني وما في مجال اصلا للتفكير، لما يأذن دغري قومي وتوضي ما تفكري ، زي لما تغرقي ما بتفكري دغري بتتمسكي بحبل النجاة، واهم اشي ما تقولي ببدأ بكرا، ابدئي من هاي اللحظة الله يثبتك
لعرض الإجابة في فدني اضغط هنا