إزاي أعرف بيصلي ولا لا ... و بيصاحب بنات ولا لا .. و مدمن او مدخن ولا لا .. من غير ما اسأل بطريقة مباشرة عشان ما يغير اجاباته او يكذب ... حلول عملية
السلام عليكم، أولا ربنا يوفقك ويكتب لك الخير إن شاء الله. متزعليش من بعض الردود لأن تقريبا مأخدوش بالهم من عنوان السؤال وكلمة (الرؤية الشرعية) وردوا على الكلام اللي في نص السؤال. المهم، الأسئلة عادي تتسأل بطريقة مباشرة ولطيفة ميحسش منها إنها متعالية أو هجموية... ممكن يجاوب وممكن يكذب؟ آه عادي جدا. الفكرة كلها إن التعامل والوقت هو اللي بيظهر الكذب من الصدق وهيجاوب على أسئلتك كلها. الصلاة، ممكن يقول لك في الرؤية الشرعية إنه بيصلي، لكن يكون بيكذب. إذا اتخطبتِ هتلاحظي إذا كان وقت الصلاة بيقوم فعلا لو كان معزوم عندكم أو مثلا بتتكلموا في التليفون والصلاة حان وقتها ومهتمش وكمل مكالمته هتعرفي إنها مش أولوية سواء بيتكاسل أو مش بيصلي خالص. أعتقد التدخين والإدمان الأسهل يبانوا خاصة إن بيتركوا أثر وبيكون فيه تغير واضح في سلوك المدمن. بيصاحب بنات متقدريش تحكمي حتى من على صفحته على الفيسبوك لأن أحيانًا الشباب بيعملوا حساب عادي يظهر للخطيبة والقرايب وحساب تاني بيبقى للعلاقات والتصرفات غير الأخلاقية عامة. ومتقدريش كمان تتجسسي وتراقبي عشان ده شرعًا مينفعش. بس ممكن تاخدي بالك من تفاصيل لو مركزة... يعني مثلا واحد رسم قدام خطيبته إنه محترم وبيغض البصر وملوش في علاقات حرام لكن لو خرجت معاه تلاقي بصره بيتتبع البنات بتعمد مش نظرة أولى خاطئة. وهكذا... *** فالفاصل في كل الحيرة دي، تصلي استخارة وتسألي ربنا بصدق ويقين وأنتِ مدركة إنه هيختار لك الأفضل... الاستخارة هتصليها لو قابلتِه وحسيتِ فيه بوادر قبول بينكم. ثانيًا، تعملي حسابك فترة الخطوبة تحكمي فيها العقل ومتورطيش مشاعرك لأن توريط المشاعر والقلب هيخليكِ تتعامي وتتغافلي عن علامات واضحة جدًا وتقولي لنفسك مفيش حاجة أو مثلا هيتغير بعد الزواج. توكلي على الله وإن شاء الله خير.
تم النشر الاثنين، ١٥ سبتمبر ٢٠٢٥
أنا لو مكان حضرتك أسأل بطريقة مباشرة مع توضيح إن سبب السؤال هو ببساطة إن النقط دي تمثل بالنسبة لحضرتك اهمية أساسية يعتمد عليها هل هينفع نكمل مشروعنا ولا لا، بمعنى إن حضرتك توضحيله إن من طلباتك الأساسية في الزوج إنه يكون غير مدخن وعلاقته مع الجنس الآخر في الإطار الشرعي، وده ضمنيا بيغطي مسألة الإدمان. أظن السؤال المباشر مع التوضيح من شأنه يلفت النظر لأهمية الأمور دي بالنسبة لك بحيث لو كان بيعملها يفهم إن ضروري يقلع أو يصرف نظر منعا للخلافات لاحقا.
تم النشر الاثنين، ١٥ سبتمبر ٢٠٢٥
مرحباً بك، شكراً لسؤالك المهم والصريح. أقدر حرصك على معرفة حقيقة الأمور بطريقة ذكية وحساسة دون الإضرار بالعلاقة بينكما أو مواجهة صدود أو كذب. دعيني أساعدك بتقسيم موضوعك إلى نقاط عملية يمكن استخدامها لتمييز الحقيقة بشكل غير مباشر: معرفة إذا كان يصلي أم لا: الملاحظة اليومية: انظري إلى سلوكه في الأوقات التي تصلي فيها عادةً (مثل بعد الأذان أو في أوقات الصلاة). هل يغادر المكان ليصلي؟ هل يستخدم المسبحة أو يكرر أذكار؟ الحديث الهادئ: تحدثي معه عن موضوعات عامة مرتبطة بالدين مثل أهمية الصلاة، أو قصة في القرآن، ولاحظي ردوده وانتباهه. أحياناً استماعنا وتأملنا في كلامه يعكس قناعته أو مواقفه. المشاركة: إذا أمكن، اقترحي عليه الصلاة في نفس المكان أو الوقت معك، مثلاً صلاة المغرب في المنزل، ومتابعة تعامله أثناءها. معرفة إذا كان يصاحب بنات أم لا: الاهتمام بالتفاصيل: لاحظي ما إذا كان يذكر أصدقاءه من الجنس الآخر باسمائهم أو يتحدث عن مواقف معهم كثيراً. طرح أسئلة عامة حول الصداقات: يمكنك التحدث عن موضوع "الأصدقاء" بشكل عام، مثلاً: ما رأيك في صداقات الرجل مع النساء؟ ثم تفهمين موقفه وطريقة تعامله. معرفة إذا كان مدخناً أو مدمن مواد: الروائح: انتبهي إلى هل توجد روائح تدل على التدخين أو المواد ممنوعة في ملابسه أو المكان الذي يتواجد فيه. التغييرات النفسية أو الجسدية: مثل التوتر الزائد أو الانسحاب الاجتماعي المفاجئ. تناقشي مع الأمور الصحية أو العادات: كأن تطرحي تجربة أحد الأشخاص الذين عانوا من التدخين أو الإدمان، ثم تطلبي رأيه أو تجربته بشكل غير مباشر. نصائح عامة: كوني صبورة وحاولي بناء جو من الثقة والتقارب، لأن كلما شعر الشخص بالأمان كان صادقاً أكثر. احترمي خصوصياته لكن بناءً على الملاحظات السابقة، مع مرور الوقت ستصبح الأمور أوضح. لا تترددي في استشارة خبراء نفسيين أو اجتماعيين إذا شعرتِ بالحاجة لدعم نفسي لديكِ أنت أو في العلاقة. لو ترغبين، يمكنني مساعدتك في صياغة أسئلة أو مواقف ذكية تناسب وضعك بشكل أكثر تحديداً. وأيضاً يمكنك زيارة صفحة خبراء فدني من هنا https://www.fedni.net/experts للحصول على استشارات متخصصة تناسب ظروفك. هل ترغبين في أن أساعدك بخطوات أو أسئلة محددة تستخدميها مع الشخص؟
تم النشر السبت، ١٣ سبتمبر ٢٠٢٥
بصي يا حبيبتي بيصلي ولا لا فالبني ادم اللي بيصلي فاكيد هيطلب منك ان انت تصلي حيطلب منك ان انت تلتزمي هيصادف مره وهو قاعد عندكم العصر هياذن او الظهر هياذن او المغرب هتاذن لو جينا على الصلاه يبقى هو بيصلي مجريش او طنش شويه يبقى هو مش بيصلي. موضوع بقى انه بيصاحب بنات ولا لا فدي انت هتعرفيها بعد الجواز قبل الجواز لا مدمن او بيدخن ولا لا بيبن على الشفايف وعلى الاسنان بس لو بني ادم بيغسل لسانه بالفرش على طول طبعا في الخطوبه مفيش حاجه ان انت تقربي منه اصلا بالذات لو الخطوبه شرعيه هيبقى اخركم تلفونه بس فبرضو مش هتعرفي. غير لو انتم تعرفوا صحابه هتعرفوا هو بيدخن ولا لا؟ بطريقه غير مباشره او اجابات غير مباشره فالبني ادم اللي هتلاقيه بيكدب في حاجات بسيطه يبقى هو اني قادر يكذب في حاجات كبيره. فحلول علميه وان احنا نعمل اذكياء فالزواج.
تم النشر السبت، ١٣ سبتمبر ٢٠٢٥
خلينا ناخدهم سؤال سؤال ، اولا بيصلي و لا لا دي بسيطه جدا تعرفيها من الأوقات اللي بتتكلموا فيها و من المواقف اللي بيذكرهالك ، مدخن ولا لا و بيكلم بنات و لا لا ؟ ده يخلينا نسأل سؤال تاني خالص ، انتي ايه بالنسباله واضح انها مجرد صحوبيه و صحوبية سوشيال كمان لانها لو غير كده كنتي هتجاوبي علي كل الاساله دي ، فا انتي بنات و هو بيكلمك يبقي اه وارد جدا يكون بيكلم بنات ما هو مكانش امام جامع و قرر يبوظ علي ايدك ، اتعاملي مع اللي قدامك باللي انتي شايفاه مش اللي بيقوله ، و الله يرضي عنكن انتي اغلي من كده و اهلك اغلي من كده اللي بيدخل من الشباك عمره ما هيعرف طريق الباب
تم النشر السبت، ١٣ سبتمبر ٢٠٢٥
عندما التحدث معك فى التليفون. الاذان يأذن وإذا قال لكى استأذن منك إلى الصلاه. فهو بيصلى ويحافظ على الصلاه
تم النشر الأحد، ١٤ سبتمبر ٢٠٢٥
بيصلي ولا لا على سبيل المثال ممكن وهو عندكم في البيت تشوفيه وقت الصلاه يبقى عنده اهميه بالموضوع ولا لا
تم النشر الاثنين، ١٥ سبتمبر ٢٠٢٥
افضل حل صلاة الاستخارة وربنا يدبرلك الأمر
تم النشر الاثنين، ١٥ سبتمبر ٢٠٢٥
مش بنتهمك يا حبيبتي بس انتي موضحتيش وبعدين سؤالك وعالعموم حقك عليا هي النصيحه كانت عامه يعني🥺♥
تم النشر الاثنين، ١٥ سبتمبر ٢٠٢٥
يا جماعة انتو فهمتو اي بالظبط؟؟؟؟؟ اي صحوبية و اي كلام تليفونات !!! ده شخص جاي متقدملي و كنت بس محتاجة اتأكد!!! فجأة لقيتكم بتتهموني!
تم النشر الاثنين، ١٥ سبتمبر ٢٠٢٥
هيتعرف لوحده ، الصلاة هيبان لو خطيبك اكيد هيجي فرص وتعرفي ، مدخن ولا لا دي سهله لانه مش هيعرف يخبي حاجه زي كده ، ولو مدمن هيبان عليه اغلب الأعراض زي شكله او جسمه بيكون خاسس وهالات وأوقات اكيد هتحسي انه شكله مش مظبوط او مش طبيعي ، حته بيكلم بنات دي صعبه تتأكدي منها بس شوفي المتابعين او الأصدقاء عنده في الحسابات وممكن تقدري تعرفي منها
تم النشر الأحد، ١٤ سبتمبر ٢٠٢٥
صح كلامك مظبوط جدا بلاش اي علاقه محرمه بلاش اي علاقه تحت مسمي الصحوبيه او الاخوات او المرتبطين حلال ربنا مفيش احسن منه
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا