📖 قصة من خلف الشاشات: كيف تسرقنا الدوامة؟
"انا شاب عندي 19 سنة. في السن ده، المفروض أكون ببنّي مستقبلي، بضحك مع أصحابي، وبخطط لبكرة. لكن الحقيقة إني عايش بقالي 4 سنين كاملين جوه دمار شامل.. دوامة سوداء اسمها إدمان الإباحية والعادة السرية.
بدأت الحكاية زي أي شاب، فضول وفراغ، وبمرور الأيام تحول الفضول لمرض بياكل في جسمي وعقلي. ومع الوقت، مابقيتش الإباحية العادية تكفي عقلي المخدر، فبدأت أدخل في تصنيفات غريبة، ولقيت نفسي عندي انجذاب للمتحولات.. حاجة غريبة عن فطرتي وديني، بس الإدمان كان بيشوه كل حاجة جوايا ويبعدني عن طبيعتي.
تعبت.. والله العظيم تعبت يا جماعة."
فصول المعركة اليومية (جهاد وعشوائية)
"المشكلة مش إني مستسلم، أنا بحارب! بصلي وبدعي من كل قلبي، ملتزم بأذكار الصباح والمساء، وبحاول أقرأ أدعية كتير. أول ما الفكرة بتيجي في بالي، بقوم فوراً أعمل أي حاجة عشان أهرب منها. وتالله وبالله، بغض بصري في الشارع وفي كل مكان وبحاول بكل طاقتي.. بس في النهاية بنتكِس وبقع تاني.
الوقوع ده دمر حياتي بالكامل:
دراستي: مستوايا الدراسي بقى زي الزفت وبيسوء يوم عن يوم، التركيز انعدم والشغف مات.
علاقاتي: خسرت علاقتي بكل الناس، وبقيت حاسس بخزي وكسوف من ربنا، وده مخلّي علاقتي بربنا بتتهز وبخاف.
يومي وعمري: أيامي بقت عشوائية بشكل مرعب. بسهر لحد الساعة 8 الصبح بدون أي سبب، وأصحى متأخر جداً وغصب عني، يومي ضايع وعمري بيفوت وأنا واقف في مكاني.
مستقبلي: حتى الشغل، مش لاقي شغل أشتغل فيه يملى عليا وقتي ويشيلني من الفراغ ده."
الرسالة والتوعية: ما وراء السطور
"أنا مش بحكي الكلام ده عشان أشكي وبس، أنا بحكيه كـ رسالة توعية لكل شاب وكل بنت فاكرين إن الموضوع مجرد 'غلطة عابرة'. الإباحية بتدمر الساعة البيولوجية، بتبوظ الدماغ، وبتخليك تشوف حاجات غريبة عن فطرتك لمجرد إن دماغك عاوز جرعة دوبامين أعلى.
أنا وقعت نفسي بنفسي في الفخ ده.. بس أنا مش هعيش فيه طول عمري.
رسالتي لكل أخ فاهمني وبيمر بنفس المعاناة: ماتسيبش السهر والفراغ يقتلوك. العشوائية هي اللي بتجيب الانتكاسة. أنا لسه عندي 19 سنة، ورغم كل الوجع ده، لسه عندي أمل إن ربنا هيقبل توبتي، وإني هصلح نومي، وهصلح دراستي، وهخرج من الدوامة دي أقوى مما كنت. يا رب قوي قلوبنا واهدِ شبابنا."
انا مش عارف انت بتحكي قصتك للتوعية و لا عايز حل بس عامة الحل طويل و شرحته قبل كده لأصدقاء ليا في ما لا يقل عن ساعة بس خلاصة الأمر أول حاجة عليك باللجوء لربنا خاصة في قيام الليل ، جاء رجل إلى النبي ﷺ فقال: "يا رسول الله، إنَّ فلانًا يُصَلِّي بالليلِ، فإذا أصبَحَ سَرَقَ"، فقال النبي ﷺ: "سَيَنْهَاهُ ما تَقُولُ" (أي إن صلاته وقيامه سيؤثران فيه يقيناً ويجعلانه يترك السرقة ببركة ما يقيمه ويذكره في صلاته). ثاني حاجة تاخد بسبب بعد التوكل الكامل علي ربنا و السبب ببساطة عليك أنك تعرف ايه الإشارات اللي بتوصلك لهذه العادة هتقولي بتغض بصرك هقولك علشان تشبعت من اللي شوفته علي موبايلك هتقولي بشغل نفسي و بتحرك و الكلام ده هيجي عليك وقت و تقع لأن انت مستحيل تفضل قوي دايما و مستحيل الشيطان يبطل وسوسة هتقولي بحاول هقولك غالبا محاولات دي هتوصلك انك تنتكس مرات و مرات لحد ما تبطل تحاول و في الآخر هتيأس هتقولي لما أتجوز هقولك حياتك هتبقي أتعس من الأول فالحل انك تقفل كل الأبواب تماما المؤدية لهذه العادة القبيحة و ده من معرفة الإشارات الموصلة لها مثلا بتسمع ريلز بتظهر فيهم نساء امسح برامج الريلز تماما /مثلا بتسمع افلام و لا مسلسلات امنع /مثلا بتظهرلك اعلانات غض بصرك أثناء الإعلانات أو خش علي اليوتيوب و اعرف ازاي تمنع ظهور الإعلانات/ مثلا بتشوف بنات في الشارع غصب عنك حاول قدر الإمكان تمشي من شوارع مش بيمشي منها حد أو حط بصرك في الأرض و حطلك ورد استغفار لو عينك وقعت علي بنت /متسمحش لموبايل انه يستهلكك امسح كل تطبيق مش بفيدك أو بضيع عليه وقت مثلا بتسمع انمي امنع الأنمي مثلا بتقرأ مانها امنع قراءة المانها بدل بذلك انك تسمع كتير دروس دينية روح الجامع دورلك علي صحبة قرب من كتاب الله و بعد كده أوكدلك انك هتنتهي من هذا الإدمان بس بشرط و من غيره لن يتم الأمر التوكل ثم التوكل ثم اليقين من غير ربنا لن تحقق اي شئ طبعا انت محتاج متابعة لأن التعافي بيبقي مراحل لما تسمع الكلام اللي فوق ده هتعدي من أول شهر أو أول شهر و نص بنجاح و بدون مشقة تذكر غير في أول أسبوع بعد كده مرحلة تانية المهم أبدأ و لو شاء الله و شوفت ليك بوست تاني هبقي ادلك تعمل ايه في باقي المراحل و نصيحة اخيرة روح ابحث عن معني دعاء ربنا لا تزغ قلوبنا بعد إذ هديتنا و هب لنا من لدنك رحمة إنك أنت الوهاب دي آية لو عشت بمعناها بجد مش هتقع طول الرحلة و أسأل الله لك و لي العافية و لشباب المسلمين جميعا
تم النشر الاثنين، ٢٠ يوليو ٢٠٢٦
السلام عليكم أولًا: الرسالة رائعة جدًا جدًا جدًا جدًا أنا عن نفسي أستفدت من الكلام. واضح جدًا اللهم بارك كمية الإصرار على إنك تقوم من تاني وتبدأ وفعلًا الإدمان عامةً أيًا كان نوع الإدمان فـ هو مستنقع وكمان مستنقع قذر مميت. ممكن تكون بداية قصتك من النهاردة التعافي أولًا عشانك ثانيًا ممكن تساعد ناس كتير جدًا أنا بدأت أشوف شباب كتير جدًا دالوقتي مدمنين*** ودا معناه إن في فخ كتير جدًا وقع ومش عارف يقوم بس أغلبهم حاسس بألم الحاجة الأخيرة: طريقة السرد مبدعة تقدر تحاول من دالوقتي وتأخد معاك نية إنك تساعد شباب كتير جدًا تتعافى ساعدهم وابدأ بنفسك من دالوقتي! جرب التعافي لمدة 90 يوم أعمل برنامج لنفسك أكتب بطريقة الكتابة دي اللهم بارك تقدر تعمل مكان توعوي وبما إنك مريت بتجربة هتكون قادر إنك تساعد غيرك عشان هتكون على علم أكبر... وأعرف إن دا ثغر ثغر عظيم هتساعد شباب كتير جدًا في سنك وأصغر وأكبر نفسهم حد يقف جنبهم، متأكدة إنك هتبدأ من دالوقتي في رحلة التعافي وإنك تكون أفضل نسخة من نفسك وهدفك يكبر إنك تساعد غيرك وتكون قدوة محفزة ليهم وأنت كذلك. بالتوفيق.
تم النشر الاثنين، ٢٠ يوليو ٢٠٢٦
يا أخي، شكراً لك على هذه الصراحة الشجاعة. مش سهل أبداً إن الواحد يحكي عن معاناة زي دي، وده لوحده دليل على إنك لسه بتحارب ومش مستسلم. اللي بتمر بيه مش "غلطة عابرة"، ده إدمان حقيقي بيغير كيمياء الدماغ ويؤثر على النوم والتركيز والعلاقة مع الله، وكتير من الشباب في سنك بيواجهوا نفس الدوامة. المهم إنك عندك 19 سنة بس، وده يعني إن عندك وقت كبير تقدر فيه تبني نفسك من جديد. اللي بتحسه من انجذاب غريب عن فطرتك ده نتيجة الإدمان اللي بيطلب جرعات أعلى من الدوبامين، مش طبيعتك الحقيقية. كتير من اللي مروا بنفس التجربة لاحظوا إن الرغبات دي بتضعف تدريجياً لما الإدمان يقل. استمر في الدعاء والأذكار، وخلي تركيزك على إن ربنا يقبل التوبة ويبدل السيئات حسنات، وهو القادر على كل شيء. عشان تخرج من الدوامة دي، ركز على بناء روتين يومي واضح يملى الفراغ اللي بيجيب الانتكاسة. حدد مواعيد نوم ثابتة (مثلاً تنام قبل الفجر بساعتين وتصحى مبكراً)، واملى اليوم بأنشطة ملموسة زي المشي اليومي أو الرياضة الخفيفة أو حتى أعمال منزلية بسيطة. قسم دراستك لمهام صغيرة يومية عشان ترجع التركيز تدريجياً، وكل ما تحس بالفكرة جاية قوم اعمل حاجة مختلفة فوراً زي ما بتعمل دلوقتي. الاستمرارية أهم من الكمال، وكل يوم بدون انتكاسة هو انتصار. رسالتك للتوعية مهمة جداً، وأنت مش لوحدك في المعركة دي. ابحث عن أسئلة مشابهة على فدني عشان تشوف تجارب تانية وتستفيد منها. استمر، وربنا يقويك ويخرجك من الدوامة أقوى. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٢٠ يوليو ٢٠٢٦
لعرض السؤال في فدني اضغط هنا