السلام عليكم، أولًا ألف سلامة عليك وإن شاء الله ربنا يعينك وتتخلص من الحالة دي تمامًا. هو أنا مش هقدر أعطيك إجابة متخصصة والخبراء هنا بإذن الله يجاوبوك من الناحية التخصصية. بس أنا هكلمك من تجربتي، أعتقد الحالة دي بتحصل مع ناس كتير، وحصلت معي أكثر من مرة، أكون فجأة في الشارع أو المواصلات وتحصل لي، نفس الإحساس اللي وصفته، انسحاب الأنفاس والدوخة وضربات القلب السريعة بتحسسك إنك بتموت. أنت ممكن اللي حصل معك أول مرة خوفك جدًا وبدرجة صعبة فعملت عندك هاجس من تكراره وده اللي دخلك في الدوامة دي كلها. أنت ربطت بين اللي حصل والميكروباص فبقيت تعيش نفسك الحالة كل مرة. ** هو عمومًا محدش عارف إحساس الموت عامل إزاي والقلق من انتظار اللحظة دي وتخيلها مش هيفيد بحاجة ولا هيغير منها، هي مكتوبة في معاد مش هنقدر ندفعه أو نقاومه، فالقلق والخوف وترقب تكرار الحالة هو اللي عامل المشكلة عندك. الموضوع كله نفسي وبدليل إنك كنت اطمنت إن الدواء جاب نتيجة واتعالجت وعقلك اتبرمج إن القلق خلاص راح بالدواء فجت الدكتورة نزعت الأمان النفسي زي ما قلت وده رجعك لنقطة الصفر وأعطاك شعور إن الحالة ممكن تتكرر، وده طبعًا خلاك دخلت في نوبة هلع بعد ما قفلت معها. ** ده تحليلي والله أعلم، إن شاء الله الخبراء يفيدوك بإجابة أكثر تخصصًا.
العفو، انتظر عمومًا شوف رأي الخبراء هنا إيه وحدد على أساسه خطوتك الجاية، بالتوفيق.
تم النشر الاثنين، ٢٨ أبريل ٢٠٢٥
شكرا على المساعده وانا هحاول اروح لدكتور تاني واشوف هيقول ايه
تم النشر الاثنين، ٢٨ أبريل ٢٠٢٥
لعرض الإجابة في فدني اضغط هنا