السلام عليكم ورحمة الله وبركاته
أنا لدي مشكلة مع امي أمي إنسانه عصبية مش بتحترم حد من اولادها غير اختي الكبيرة بتفرق هلباااااااااا بينا في المعاملة طول الوقت سب وشتم وقلة احترام معاملة مش كويسة ابدا اكبر همها انك تظمي البيت ماتهتمش إذا كنت تعبانه او في حاجه مضيقاتك حتى لما امرض اغلب تعاملها فيه قلة اهتمام تجرح بالكلام هلبا متحاولش انها تتعامل معانا على انها ام ونحن اولادها تقدم كلام الناس علينا كثير من المرات تقول لنا فيما معناه انها ندمانه انها ولدتنا تفتعل المشاكل على اتفه الاسباب ولو حاولتي تتكلمي معاها او تنصحيها تسمعي كلام يسم البدن ونادرا ما تبتسم في وجوهنا ومع الناس الضحك لأخر حد حتى لما اكون مريضه مرات تسمعي كلام يزيديني على ما بيا ودائما تمن عليا انها قاعده عايشة معانا وخاصة انا تعاملها معي مش حلو بكل تحاول انها تطلع فيا عيوب الدنيا كلها وتعايرني على ابسط غلط وكل يوم اسمع منها كلام كفيل انه يدمرني لدرجه اني استنى اول فرصة لأجل من بيتنا بإختصار مركبتني حالة نفسية لدرجه اني شعره وانهار
مع العلم إنا امي وابي متخاصمين ولايتكلموا مع بعض ابدا مرات يرجعوا لبعض لاكن الاغلب انهم متخاصمين ويبقوا على هذا الحال بالاشهر والسنين وانا حالتي مع ابي عادية واذا طلب شي الاغلب يطلبه مني انا
اتمنى انكم تفيدوني وانا هدفي من هذا الكلام كيف اتخطى هذا الامر ولا اجعله يأثر فيني وترجع حالتني النفسية مرتاحه
مش الهدف اني اغير امي امي لاتقبل ان شخص يجي ويقولها انت غلط وماتعمل الا يلي في راسها حتى لو كانت عواقبه وخيميه وباختصار التعامل معها شبه مستحيل تبغى احد يقولها انت صح انت مظلومه انت المأخوذ حقك وحتى وان كان بعض هذا الشئ صح ولاكن انا اشوف الاسترسال معها في هذا الامر يجعها اكثر سوءا لما اراه امامي
التخطى يأتى من التقبل مثل ما ذكرتى انه لا سبيل من الاتجاه لتغيير امك ...لانه مش مضمون مثلا او لان الطريقة التى تعتقدينها لن تكون ذات فائدة. انك تعتبرى افعالها هى ابتلاء يحتاج صبر تعتبرى كل صمتك هو من اجل البر الذى امر به الله تعذريها ان حتى لو انتى فى تقييمك هى مظلومه ومضغوطه ولكن ليس الى هذا الحد ولا هذا مبرر لتقصيرها ...العذر ان هذه طاقتها على التحمل وعلى حسن التصرف. ساظل اوجه نفس النصيحة ...ادفعى بالتى هى احسن ...تفعل امك شىء يضايقك وانتى تفعلى شيئا جميلا هى تصرخ فيكى وانتى تذهبى لاحضاؤ كوب من الماء لاجلها اعلم ان هذا بدايىة يكون صعبا لكن مفعوله سحرى ...يدفع من امامك للخجل من ان يسىء معاملتك مره مع مره ويراجع نفسه ويكون لطفك انتى هو العلاج له ولكى وتحسن الاوضاع باذن الله
تم النشر الجمعة، ١٧ نوفمبر ٢٠٢٣
• برِّيها فقط وهذا حقها عليكِ ، وتجنبي أذاها ، وتجنبي الحديث والنقاشات الغير مُفيدة معها ، واختصري في التعامل ، واهتمي بنفسيتك وصحتك .. حتى لا تُصبحي مريضة نفسيًا ، وحاولي تتابعي مع طبيبة نفسية ؛ لإنك في إحتياج للدعم النفسي.
تم النشر الجمعة، ١٩ يناير ٢٠٢٤
هوا فعلا أنا اظن انه بسبب علاقتها مع بابا ولاكن ربي ييسر الأمر وجزاك الله خيرا على إجابتك فادتني فعلا
تم النشر الجمعة، ١٧ نوفمبر ٢٠٢٣
يمكن علاقه مامتك ببابكى هى السبب ف انها تكون ست عصبية وكارهه البيت ،حاولى تتجنبي نقاشات وخناقات البيت واعتمدى ع نفسك لو ف دراسة ذاكرى اكتر واشغلى وقت اكتى بالمذاكرة وتتعملى شئ جديد وحفظ القرآن ، لو متخرجه خلى وقتك كله برا البيت ف الشغل وتيجى تنامى عشان متتحتكيش بالبيت وكونى صداقات كتير تقدرى تحسي بأشخاص جديدة حواليكى
تم النشر الجمعة، ١٧ نوفمبر ٢٠٢٣
لعرض السؤال في فدني اضغط هنا