السلام عليكم ورحمة الله وبركاته
اوقات بنمر بوقت صعب اوى (ف الوقت ده بننتكس ونسمع لشيطانا) بنخطأ بس احنا توبنا عنه الحمدلله
بس المشكله انه نقطه سوده وانى مش عارفه انسى حاجه ووقفه مكانى مش بتحرك ازاى اعدى وابقى كويسه وارجع نفسى القديمه تانى ؟؟
وعليكم السلام ورحمة الله وبركاته ❤️ أولاً، أحب أقولك إن شعورك طبيعي جدًا، وكتير من الناس بيمرّوا بنفس اللحظة دي بعد التوبة. الشيطان بيحاول يرجّعنا للوراء عن طريق الذنب والندم المستمر، حتى لو ربنا قبل التوبة. لكن التوبة الحقيقية مش بس "ما نعملش الغلط تاني"، دي كمان "نسيب الماضي ونبدأ صفحة جديدة"، لأن الله غفور رحيم وهو أرحم بنا من أمهاتنا. النقطة السودا اللي بتتكلمي عنها مش هتختفي لوحدها بالنسيان، لكنها هتتلاشى تدريجيًا لما تبدئي تملي حياتك بأفعال إيجابية جديدة. جربي الخطوات دي: اعملي "طقس وداع" رمزي : اكتبي اللي حصل في ورقة، واقرئيها، وبعدين مزّقيها أو احرقيها وأنتِ تقولي "ربنا غفر لي، وأنا سامحت نفسي". ده بيساعد العقل يفصل بين الماضي والحاضر. ركزي على "اليوم" بس : كل صباح اسألي نفسك "إيه اللي أقدر أعمله النهاردة عشان أكون أحسن نسخة من نفسي؟" حتى لو حاجة صغيرة زي قراءة صفحة قرآن أو مساعدة حد. استبدلي الذكرى بذكرى جديدة : الماضي بيسيطر لما بنفضل ساكنين. ابدئي تعملي حاجات جديدة (رياضة، هواية، تعلم مهارة) عشان تبني ذكريات إيجابية تطغى على القديمة. ذكّري نفسك بالمغفرة : كل ما يجي الشعور بالذنب، قولي "أستغفر الله الذي لا إله إلا هو الحي القيوم وأتوب إليه"، ثم غيّري الموضوع فورًا بفعل إيجابي. أنتِ مش محتاجة ترجعي "نفسك القديمة"، لأنك دلوقتي أقوى وأنضج بعد التجربة دي. ربنا بيحب التوابين، وهو شايف جهدك. خدي خطوة صغيرة كل يوم، والوقت هيساعدك تتحركي. لو عايزة تتكلمي أكتر عن اللي بيحصل معاكِ، أنا هنا. وممكن كمان تبحثي عن أسئلة مشابهة على فدني عشان تشوفي تجارب ناس تانيين. أنتِ قادرة، وهتعدي الفترة دي بإذن الله.
تم النشر الخميس، ١١ يونيو ٢٠٢٦
@علي اللاذقاني صح🤍
تم النشر الأحد، ١٤ يونيو ٢٠٢٦
تقبل الواقع كما هو وليس كما ينبغي , جزء من رحلة العلاج , والعمل على تغيير السلوكيات لزيادة الثقة بالنفس وحذف التصور املصق بالذات
تم النشر الأحد، ١٤ يونيو ٢٠٢٦
@بنت ابيها ان شاء الله هعمل كدا 🤍
تم النشر الأحد، ١٤ يونيو ٢٠٢٦
هيا مش نقطه سوداء ولا حاجه بس الشيطان هو الا مهيأ ليكي كدا علشان تقولي مهي كدا كدا نقطه سوداء يعني لو عملتها اي هيحصل منا ديما فكراها بس الحقيقه انك توبتي وربنا غفور رحيم خليكي فاكره اني ربنا غفور رحيم افتكري اني ربنا بيقول عملت ذنب طيب توبت لا لسه طيب توب وربك غفور رحيم افتكري سيدنا ادم عليه السلام لما وسوس له الشيطان وبعدها عرف انو اخطأ مش تاب وربنا غفور رحيم يحبتتي شيلي فكرت النقطه السوداء من دماغك وقربي لي ربنا وادعي كتير اوي وان شاءلله ترجعي الانسانه الا انتي بي تتمنيها واحسن بإذن الله
تم النشر الأحد، ١٤ يونيو ٢٠٢٦
ان شاء الله 🤍
تم النشر السبت، ١٣ يونيو ٢٠٢٦
برافو عليك .. وتأكدى انه الشيطان اللى كان بيفكرك بالذنب كل شويه لما يشوفك كل لما بتفتكرى بتعملى طاعه وليكن ذكر واستغفار مثلا هو اللى هيحاول ينسيك الذنب ده ومش هيخليكى تفتكريه خالص وان شاء الله تقدرى .. هدانا الله وإياكم
تم النشر الجمعة، ١٢ يونيو ٢٠٢٦
عندك حق انا فعلا هراجع نفسى وبدل مفكر ف الذنب هفكر ف انى ازاى اعمل طاعه جديده او سنه مهجوره او انى ازاى اقرب من ربما عمت❤️🩹ا، شكرا ليك بجد 🤍
تم النشر الجمعة، ١٢ يونيو ٢٠٢٦
ده عشان احساسك بالذنب ونفسك بتلومك ازاى بتنصحى الناس وتعملى كدا .. لكن نبص للجانب الايجابى انك بتاخدى حسنات على ده وكمان نفسك بتلومك وبشدة وده معناه انك شخص كويس جدا جدا وبتلومك على اد صلاحك .. ويبقى الحل الانشغال دايما عشان متديش مساحه لعقلك يفكرك ومع زياده وقت الطاعات فى الذكر وغيره الموضوع هيتلاشى لا تقلق ابدا
تم النشر الجمعة، ١٢ يونيو ٢٠٢٦
انا لما بفتكر الذنب بيصعب عليا نفسى اوى ❤️🩹، بكرهنى والله، مع انى بنصح ناس الحمدلله وبطلو يفكرو ف الذنب وبقوا كويسين بس مش عارفه اعمل كدا مع نفسى
تم النشر الجمعة، ١٢ يونيو ٢٠٢٦
وعليكم السلام .. الشيطان هو اللى بيحسسك بكدا مع ان ربنا وعدنا بالعكس ف نسمع كلام مين ؟ .. وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ .. ربنا سامحك بعد توبتك ف سامح نفسك .. لو على الحل لان الشعور ده ميجيش ف نكثر فى الطاعات والاحساس هينتهى تدريجى بإذن الله عن تجربة
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا