أمي زعلانه مني عشان انا بشتغل وزوجي بيشتغل ومش بديها جزء من المرتب زي ما جوزي بيدي اهله
حالة والدي الماديه كويسه جدا ومعندهمش التزامات مالية الا حاجات بسيطه عكس حالة والد جوزي (هو مبيطلبش حماتي اللي بتطلب )
معانا اطفال في المدرسه و الحضانه وكل مرتبي بيتصرف جوه البيت وده مساعد جوزي أنه يساعد أهله
امي مش عاجبها رغم أن فيه اوقات كنت بضطر استلف منها أو من والدي مبلغ لظروف ما
مع العلم لما حد فيهم بيتعب بكون جنبهم وبوديهم يكشفوا واجيب العلاج اغلب الوقت وحرفيا بكون مضغوطه من كل ناحيه بيت وأطفال وشغل لكن كل ده مبيشفعليش عندها
غير أنها من وقت للتاني تعايرني بأنهم علموني وجوزوني وجهزوني ومكنتش لسه اشتغلت في مشاركتش في جهازي بأي مبلغ
رغم اني بعد كده شاركت في جهاز اختي الأصغر مني بس ده بتتناساه
حاليا بتجنبها عشان ميحصلش بينا صدام ولأنها ارهقتني نفسيا وفي نفس الوقت مش عاوزة اكون عاقه ليها
بصى .... اهالينا لما بيكبرو بيكونو دماغهم مش زى فى شبابهم وحرفيا بيكونو مستنين الاهتمام من ولادهم بكل صوره سواء مكالمه ... زيارة ... مفاجئه... هديه .... فلوس .... خروجه حلوة .... عزومة فى مطعم... لبس جديد.... وهكذا ..... مفيش حاجه فرض خالص علينا كابناء ... بس واجب علينا مراضتهم ... وعشان تعرفى والله وعن تجربه اللى هتديه ليهم بنيه الارضاء ... ربنا هيبارك فى رزقك ويرزقك اكتر واكتر والله زى ما بقولك .... ماما الله يرحمها كانت استاذة فى شراء حاجات وتيجى تقولى ممكن تاخديها ؟؟ كنت باخدها حتى لو مش ذوقى او مش مناسبه ليا فى المقاس او اى حاجه واسالها عاوزة كام فيها تقولى كذا 😅...وخدى بالك اللى هتعمليه ولادك هيعملوه معاكى وقت ما تكونى كبيرة .... خدى الامور بشكل فيه مراضاه لربنا وهتلاقيه والله يوسعها عليكى .... وانتهزى فرصه ان مامتك موجوده ربنا يديها الصحه وراضى ربنا من خلالها ♥️♥️
تم النشر الأحد، ١٠ أغسطس ٢٠٢٥
بصي عليكي انك تبريها وبس أي حاجه شايفاها غلط صلحيها وحاولي تقعدي معاها وتخرجوا سوا عارفه انه صعب ومعاكي اطفال بس معلش حاولي لأنني اعرف شخصية زي مامتك بتكون محتاجه بس انه يتقعد معاها وتشاركيها واي حاجه تقولك عليها وافقيها وربنا يجبر بخاطرك ويرزقك رضاها عليكي يارب
تم النشر الجمعة، ٨ أغسطس ٢٠٢٥
السلام عليكم ورحمه الله وبركاته رضا امك حاجه مهمه جدا جدا ودائما كل ام او كل اب بيكون ليه مدخل بتاعه بتكون ليه الحاجه اللي هي بتبسطه اكثر من اي حاجه ثانيه فاحنا خلينا نقول كده انه انت اييه الحاجه اللي انت تقدري كمقدره ماديه تقدري انك تقدميها لوالدتك قدميها بالطريقه اللي هي بتحبها فانت ست الكل لما يكونوا تعبانين ما تجيش وتصرفي في الدكتور وفي العلاج لاني مش دي الطريقه اللي هي بتستقبلها وتفرح بيها قدمي بالطريقه اللي هي بتستقبلها وتفرح بيها خصاصي مبلغ وهن دي بتكون احسن حاجه فبلاش نقدم للي قدامنا بالطريقه اللي هو مش حبيبها قدمي بالطريقه اللي هو حبيبها وهتبقي في كل الاحوال عملت اللي عليك على قد مقدرتك وان شاء الله ربنا يوسع رزقك وخلينا نقول انه لو انت بتحطي في البيت اللي بيوفر لزوجك فلوسي يديها لاهله فانت جزاك الله خيرا ولكن حاولي انك توازني الامور شويه وحاولي انه الموضوع ده اصلا ما يتعرفش عند اهلك لان مفيش داعي ان هو يتعرف هو اللي هو بيعمله مع اهله يخص هو واللي انت بتعمليه مع زوجك في بيتك ويخصك انت وزوجك وبلاش يكون فيه معرفه من الاهل بالامور دي عشان هم ما يطلعوهوش حكمهم الذاتي او ما يبصوش بنظره مفيش حد هيفهمها غيرك انت وزوجك وربنا ييسر لك الاحوال ان شاء الله.قول مثلا يعني ولا لو 200 جنيه 100 جنيه الحاجه اللي على قد مقدرتك وكل ما تقبضي اول كل شهر تقولي لها ايه يعني يا ماما دي حاجه كده صغيره هاتي بقى ايه خليها فلوس معاكي كده جيبي اي حاجه نفسك فيها حابه تجيبي عصير حابه تجيبي حاجه لنفسك حاجبه تجيبي ااا حاجه انت محتاجاها هاتي بيها اللي انت محتاجاه وانا عيني ليكي كل ادعي لي كده ربنا يزود رزقي كل ما ربنا يزود رزقي انا هقدر ان انا ايه ادلعك زياده يا ستي باللي انت ممكن ااا تتوفقي فيه او تعملي به اللي انت.
تم النشر الجمعة، ٨ أغسطس ٢٠٢٥
عزيزتي، بداية أحب أقول لك إن مشاعر القلق تجاه رضا والدتك وطموحها في الحصول على جزء من مرتبك طبيعي جداً، وخصوصاً وأن العلاقة بين الأبناء والآباء دائمًا مليانة مشاعر معقدة وحساسة. لكن دعيني أطمئنك: أنك تعطي والدك ووالدتك حقهم في البر وليس بالضرورة أن يكون ذلك ماديًا فقط . في الإسلام، البر يشمل الإحسان لهما بالأقوال والأفعال، والصبر على مزاجهما، وخدمتهما، ومراعاة مشاعرهما، وليس شرطًا أن يكون بالمال فقط، خاصة إذا كانت ظروفك المادية واحتياجات بيتك وضغط حياتك واضحة. إليك بعض النقاط لتوضيح الموقف ومساعدتك: وأنت مجتهدة في بيتك وطفلك وشغلك، وهذا بر بحد ذاته بما أنك تتحملين المسؤولية كاملة تقريبًا وتدعمين عائلتك، فهذا ليس تقصير منك بل حملتِ أعباء كبيرة. تقديم المساعدة الصحية والرعاية متى ما احتاجوا هذا نوع كبير من البر هذا يعكس محبتك واهتمامك، حتى لو لم يتم تقديره كما تتمنين. الاختلافات في الدعم المالي بين عائلتك وعائلة زوجك لا تنقص من حق والدتك في البر، لكن لابد أن تشرحي موقفك بصراحة مثلًا، يمكن الحديث معها بشكل هادئ وعاطفي عن الضغوطات المالية التي تحمليها. تعليقات والدتك التي تذكرك بما قدمته لها سابقًا يمكن أن تكون من الألم أو الخوف عليها هذا لا يعني أنها تريد أن تكون قاسية، لكنها قد تشعر بعدم الأمان أو القلق على المستقبل. تجنّب الصدام حاليًا خيار حكيم حتى تهدأ الأجواء، لكن لا تنسي أن التواصل هو الحل طويل الأمد حاولي اختيار وقت مناسب عندما تكون الأمور هادئة للتحدث معها بلطف عن مشاعرك. ادعي الله أن يوفقك في بر والدتك وأن يشرح صدرك ويصلح حالكم جميعًا الدعاء له تأثير كبير على راحة القلب. إذا شعرتِ أن الأمور تحتاج إلى مساعدة أكثر تخصصًا في التواصل أو التفاهم النفسي، يمكنكِ زيارة صفحة الخبراء على فدني وطلب استشارة من متخصصين في العلاقات الأسرية. وأخيرًا، تذكري أن بر الوالدين واجب، لكن جميل أن يكون ضمن حدود استطاعتك، وهو لا يعني التضحية بكل شيء على حساب حياتك وأسرتك الصغيرة. ربنا ييسر لك الخير ويهدي الجميع للرحمة والتفاهم. هل تودين أن أساعدك في صياغة كلام يمكن أن تتحدثي به مع والدتك؟ أو هل هناك جزء معين في الموضوع ترغبِين أن نتعمق فيه معًا؟
تم النشر الجمعة، ٨ أغسطس ٢٠٢٥
بصي نختصر الموضوع دا و هاتيلها حاجة بسيطة كل شهر حاجة حلوة ما بين فترة و التانيه شنطة بسيطة و حلوة في نفس الوقت كدا الحاجات دي بتجبر بخاطرهم جامد اوي و افتكري أن كل جنيه هتدفعي هيرجعلك " . قال تعالى ﴿ قل ما أنفقتم من خير فللوالدين والأقربين﴾ ﴿ وَأُولُوا الأرحام بعضهم أَوْلى ببعضٍ فِي كِتابِ الله﴾ فهي مش فكرة مادية و مين مقتدر اكتر من التاني و لكن هي فكرة رحمة و جبر خاطر و زكاة عنك و عن صحتك و عن زوجك و صدقة و جبر خاطر ليهم و قرض حسن عند ربنا في الاخرة و حضرتك شكلك طيبة يعني دي حاجة هينه عليكي بإذن الله ربنا ييسرك أمورك
تم النشر السبت، ٩ أغسطس ٢٠٢٥
والدتك ملهاش حق تاخد من فلوسك لكن لو انتي حابه تساعديها ومتوفر معاكي مبلغ فسعديها لكن انتي مش ملزمة تديها فلوس
تم النشر الجمعة، ٨ أغسطس ٢٠٢٥
لو كنتي في ضغط من طفولتك فعليكي انك تنظفي وتتحسني نفسيا عشان تكوني افضل وعشان متأثريش على أبنائك/ الحاجات المالية خذي فيها فتوى من موقع إسلام ويب ونفذي الفتوى حتى لو حاولوا اهلك يأنبوا ضميرك
تم النشر الجمعة، ٨ أغسطس ٢٠٢٥
لعرض السؤال في فدني اضغط هنا